१ इतिहास 13:2 - नेवाः बाइबल

² अनंलि वं इस्राएलयापिं सकल मनूतय्‌त थथे धाल, “छिमिसं ज्‍यू धाःसा व परमप्रभु झी परमेश्‍वरयागु नं अज्‍याःगु हे इच्‍छा दुसा झीसं इस्राएलया फुक्‍क थासय् झीपिं मेपिं दाजुकिजापिं व इमिगु शहर अले पशु ज्‍वयेगु ख्‍यलय् च्‍वनिपिं पुजाहारीतय्‌त व लेवीतय्‌त झीपिंनापं मिलय् जू वा धकाः खबर छ्वयेनु।

१ इतिहास 13:2 ပူးပေါင်းရင်းမြစ်များ

१ राजा 12:7

बुरापिन्‍सं रहबामयात धाल, “छिं थुपिं थकालितय्‌त बांलाःगु व्‍यवहार यानाः थुमित यःगु सल्‍लाह बियादिल धाःसा अले थुपिंलिसें बांलाक खँ ल्‍हानादीसा थुमिसं न्‍ह्याबलें छिगु सेवा याइ।”

२ राजा 9:15

तर योराम अरामया जुजु हजाएललिसें लडाइँ याःबलय् घाःपाः जूगुलिं थःगु घाः लंकेत यिजरेलय् लिहां वःगु खः।) येहूं थःनापं दुपिं मनूतय्‌त धाल, “छिपिं जिलिसें दु धयागु खःसा यिजरेलयापिं मनूतय्‌त खबर बीत थ्‍व शहरं छम्‍हय्‌सित नं पिहां वनेबी मते।”

१ इतिहास 10:7

यिजरेलया ब्‍यासिइ च्‍वंपिं इस्राएलयापिं फुक्‍क मनूतय्‌सं थः सेना बिस्‍युं वंगु अले शाऊल व वया काय्‌पिं सीगु खनाः इपिं नं थथःगु शहर त्‍वःताः बिस्‍युं वन। पलिश्‍तीत इमिसं त्‍वःताः वंगु उपिं शहरय् च्‍वंवल।

१ इतिहास 13:1

दाऊद जुजुं थः फुक्‍क हाकिमत, थः सेनाया जनरल व कप्‍तानतनापं सल्‍लाह यात। द्वःछिम्‍ह सिपाइँतय् पुचःयापिं नायःतनापं सल्‍लाह यात।

१ इतिहास 13:3

थः परमेश्‍वरया बाचा चिनादीगु सनू थःथाय् हयेनु, छाय्‌धाःसा झीसं शाऊल जुजुया पालय् उकियात वास्‍ता मयाना।”

प्रस्‍थान 18:23

छिं थथे यानादिल धाःसा अले परमेश्‍वरं थज्‍याःगु आज्ञा बियादिल धाःसा छिं ताः ई तक ज्‍या यानादी फइ, अले मनूत नं लय्‌तायाः वने फइ।”

हितोपदेश 15:22

गुलि काये फु उलि हे सल्‍लाह का, अले जक ज्‍या ताःलाइ। सल्‍लाह मकासे याःगु ज्‍या ताःलाइ मखु।

यशैया 37:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

१ शमूएल 31:1

पलिश्‍तीतय्‌सं इस्राएलीत नापं लडाइँ यात। अले इस्राएलीत इमिगु न्‍ह्यःनं बिस्‍युं वन। यक्‍व इस्राएलीतय्‌त गिल्‍बो डाँडाय् स्‍यात।