१ इतिहास 11:5 - नेवाः बाइबल

⁵ यबूसीतय्‌सं दाऊदयात धाल, “छ थ्‍व शहरय् गुबलें दुहां वये फइ मखु!” तर दाऊदं इमिगु सियोनया किल्‍ला त्‍याका काल। उकिं मनूतय्‌सं व शहरयात “दाऊदया शहर” धाल।

१ इतिहास 11:5 ပူးပေါင်းရင်းမြစ်များ

२ शमूएल 5:9

दाऊद वनाः किल्‍लाय् च्‍वनाच्‍वंगु जुयाः उकियात “दाऊदया शहर” धयाहल। दाऊदं तिबः बीगु फःतय्‌गु दुनेपाखे गद्दीया प्‍यखें शहर दय्‌कल।

२ शमूएल 6:10

वं परमप्रभुया सनू थःनापं दाऊदया शहरय् यंकेगु इच्‍छा मयात। बरु वं गित्ती ओबेद-एदोमया छेँय् सनू तय्‌के छ्वल।

२ शमूएल 6:12

परमप्रभुया सनूया कारणं परमप्रभुं ओबेद-एदोमया छेँ व वयागु परिवारयात आशिष बियादिल धकाः न्‍यनाः दाऊदं वनाः ओबेद-एदोमया छेँनं परमप्रभुया सनू लय्‌लय्‌तातां खुशी जुयाः दाऊदया शहरय् हल।

१ राजा 8:1

अले सोलोमनं इस्राएलया थकालित, कुल कुलया नायःत व इस्राएलया परिवार परिवारया मू मू मनूतय्‌त दाऊदया शहर सियोनं परमप्रभुया बाचा चिनादीगु सनू देगलय् यंकेत यरूशलेमय् सःतल।

१ इतिहास 11:4

दाऊद जुजु व सकल इस्राएलीत वनाः यरूशलेम शहरय् हमला यात। उबलय् यरूशलेम शहरयात यबूस धाइगु खः। उबलय् अन यबूसीत च्‍वनाच्‍वंगु खः।

१ इतिहास 11:6

दाऊदं धाल, “यबूसीतय्‌त दकलय् न्‍हापा हमला याइम्‍ह मनू सेनापति जुइ।” सरूयाहया काय् योआबं दकलय् न्‍हापा यबूसीतय्‌त हमला यात अले व सेनापति जुल।

१ इतिहास 11:7

दाऊद वनाः किल्‍लाय् च्‍वंगु जुयाः उकियात “दाऊदया शहर” धयाहल।

२ इतिहास 5:2

अनंलि सोलोमनं इस्राएलयापिं थकालित, कुल कुलयापिं सकलें नायःत व इस्राएलया परिवारया मू मू मनूतय्‌त परमप्रभुया बाचाया सनू दाऊदया शहर सियोनं देगलय् हयेत यरूशलेमय् मुंकल।

भजनसंग्रहया सफू 122:5

अन न्‍यायया सिंहासन दु, दाऊदया वंशया सिंहासन अन दु।

भजनसंग्रहया सफू 132:13

परमप्रभुं सियोनयात ल्‍ययादीगु दु। वय्‌कलं उकियात थः च्‍वनेगु थाय्‌या निंतिं यय्‌कादीगु दु।

भजनसंग्रहया सफू 2:6

“जिं थःम्‍ह जुजुयात थःगु पवित्र पर्वत सियोनय् पलिस्‍था याये धुनागु दु।”

भजनसंग्रहया सफू 48:2

परमेश्‍वरया पर्वत सियोन तःजाः अले बांलाः। तःधंम्‍ह जुजुया थ्‍व शहरं संसार न्‍यंक लसता हइ।

भजनसंग्रहया सफू 78:68

बरु वय्‌कलं यहूदाया कुलयात व सियोन पर्वतयात ल्‍ययादिल, थ्‍व वय्‌कलं यय्‌कादीगु पर्वत खः।

भजनसंग्रहया सफू 87:2

इस्राएलया मेमेगु शहरयात स्‍वयाः वय्‌कलं यरूशलेम शहरयात अप्‍वः माया यानादी।

भजनसंग्रहया सफू 87:5

सियोनया बारे थथे धाइ, “फुक्‍क मनूत अनया नागरिकता दयाः याउँक च्‍वनी” अले दक्‍वसिबय् तःधंम्‍हं वयात बल्‍लाकादी।

भजनसंग्रहया सफू 9:11

सियोनय् च्‍वनादीम्‍ह परमप्रभुयात भजन हालाः तःधंकि। वय्‌कलं यानादीगु ज्‍या फुक्‍क जातियापिन्‍त न्‍यंकि।

रोमी 9:33

थथे नं च्‍वयातःगु दु – “जिं सियोनय् इमित लुफिं हाकेत छगः ल्‍वहं व क्‍वथलेत छगः ल्‍वहंधी तयाच्‍वना। वय्‌कःयात विश्‍वास यानाजुइपिन्‍सं धाःसा गुब्‍सं लज्‍या चाय् माली मखु।”

हिब्रू 12:22

छिपिं ला म्‍वाःम्‍ह परमेश्‍वरयागु स्‍वर्गयागु शहर यरूशलेम, सियोन पर्वतय् वःगु दु। अन द्वलंद्वः स्‍वर्गदूतत लय्‌लय्‌तातां मुनाच्‍वंगु दु।

प्रकाश 14:1

अले जिं सियोन पर्वतय् चीधिकःम्‍ह भ्‍याःचा दनाच्‍वंगु खना। वय्‌कः व वय्‌कःया बाःयागु नां कपालय् च्‍वयातःपिं छगू लाख व पिइप्‍यद्वः मनूत वय्‌कः नाप दु।

न्‍यायकर्ता 19:10

तर व मनू उखुन्‍हु चान्‍हय् अन च्‍वनेत मानय् मजुल। उकिं व सामान क्‍वबिका तःपिं निम्‍ह गधा व मथ्‍याःम्‍ह कलाःनापं यबूस शहर (थ्‍व यरूशलेम शहर खः) पाखे वन।

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।