१ इतिहास 11:4 - नेवाः बाइबल

⁴ दाऊद जुजु व सकल इस्राएलीत वनाः यरूशलेम शहरय् हमला यात। उबलय् यरूशलेम शहरयात यबूस धाइगु खः। उबलय् अन यबूसीत च्‍वनाच्‍वंगु खः।

१ इतिहास 11:4 ပူးပေါင်းရင်းမြစ်များ

उत्‍पत्ति 10:16

कनान हित्ती, यबूसी, एमोरी, गिर्गशी

उत्‍पत्ति 15:21

एमोरी, कनानी, गिर्गाशी व यबूसीतय्‌गु देश।”

१ इतिहास 11:5

यबूसीतय्‌सं दाऊदयात धाल, “छ थ्‍व शहरय् गुबलें दुहां वये फइ मखु!” तर दाऊदं इमिगु सियोनया किल्‍ला त्‍याका काल। उकिं मनूतय्‌सं व शहरयात “दाऊदया शहर” धाल।

प्रस्‍थान 3:17

अले जिं छिमित मिश्रीतय्‌सं याःगु दुःखं लिगनाः दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् यंकेत क्‍वःछिनागु दु।’

यहोशू 15:63

यहूदाया मनूतय्‌सं यरूशलेमय् च्‍वंपिं यबूसीतय्‌त पितछ्वये मफुत। थौं तक नं यबूसीत यहूदायापिं मनूतलिसें च्‍वनाच्‍वंगु दु।

यहोशू 15:8

अनंलि व हे सिमाना बेन-हिन्‍नोमया खोँच जुयाः यबूसीतय्‌गु शहर यरूशलेमयागु दच्‍छिनयागु तँचाय् थ्‍यन। अले व सिमाना रपाईंमया ब्‍यासिया उत्तर पाखेयागु हिन्‍नोम खोँचया पच्‍छिमपाखे दुगु डाँडाया च्‍वकाय् थाहाँ वन।

यहोशू 18:28

सेलाह, एलेप, यबूसी शहर धाइगु यरूशलेम, गिबा व किर्यत-झिंप्‍यंगू शहर व इमिगु फुक्‍क गां। बेन्‍यामीनया वंशतय्‌त थुपिं सर्बय् दत।

न्‍यायकर्ता 1:21

बेन्‍यामीनीतय्‌सं धाःसा यरूशलेमयापिं यबूसीतय्‌त ख्‍याना मछ्वः। उकिं यबूसीत थौं तक नं बेन्‍यामीनीतलिसें यरूशलेमय् च्‍वनाच्‍वंगु दु।