१ इतिहास 11:3 - नेवाः बाइबल

³ इस्राएलयापिं सकल थकालित हेब्रोनय् जुजु दाऊदयाथाय् वल। दाऊदं इपिंलिसें परमप्रभुया न्‍ह्यःने बाचा चिन। परमप्रभुं शमूएलया म्‍हुतुं धयादीगु थें हे इमिसं दाऊदयात इस्राएलया जुजु अभिषेक यात।

१ इतिहास 11:3 ပူးပေါင်းရင်းမြစ်များ

२ शमूएल 2:4

अले यहूदाया मनूत हेब्रोनय् वल अले दाऊदयात अन यहूदाया घरानाया जुजु कथं अभिषेक यात। याबेश-गिलादया मनूतय्‌सं शाऊलयात थुनाब्‍यूगु खः धयागु खँ दाऊदयात न्‍यंकल।

२ शमूएल 5:3

इस्राएलयापिं सकल थकालित हेब्रोनय् जुजु दाऊदयाथाय् वल। दाऊदं इपिंलिसें परमप्रभुया न्‍ह्यःने बाचा चिन। इमिसं दाऊदयात इस्राएलया जुजु अभिषेक यात।

२ शमूएल 5:5

थथे धयागु, वं हेब्रोनं यहूदाय् न्‍हय्‌दँ व खुला अले यहूदा व इस्राएलय् निगू थासय् यानाः यरूशलेमय् स्‍विस्‍वदँ शासन यात।

२ राजा 11:17

अले यहोयादां परमप्रभु, जुजु, थः प्रजाया दथुइ जिपिं परमप्रभुया प्रजा जुया हे च्‍वने धकाः बाचा चीके बिल। जुजु व प्रजाया दथुइ नं वं छगू बाचा चिनाबिल।

२ राजा 23:30

योशियाहया च्‍यःतय्‌सं वयागु सीम्‍ह रथय् तयाः मगिद्दों यरूशलेमय् हल। वयात वयागु हे चिहानय् थुन। अनंलि देशयापिं मनूतय्‌सं योशियाहया काय् यहोआहाजयात अभिषेक यानाः वया बौया थासय् जुजु दय्‌कल।

१ इतिहास 11:10

सकल इस्राएलीतलिसें मिलय् जुयाः परमप्रभुयागु बचंकथं दाऊदयात इस्राएल न्‍यंकयाम्‍ह जुजु दय्‌केत व वयागु राज्‍य बल्‍लाकेत ग्‍वाहालि ब्‍यूपिं बहादुर सिपाइँतय् नायः थुपिं हे खः –

२ इतिहास 23:3

इपिं देगलय् मुन, अले इमिसं जुजुया काय् योआशनापं छगू बाचा चित। यहोयादां इमित धाल, “जुजुया काय् थन दु, वं शासन याइगु ई वल! परमप्रभुं दाऊदया सन्‍तानया बारे बचं बियादीगु थें जुजुया काय्‌नं हे शासन याइ।”

न्‍यायकर्ता 11:11

उकिं यिप्‍ता गिलादया थकालित नापं वन, अले मनूतय्‌सं वयात थः न्‍ह्यलुवाः व सेनापति दय्‌कल। अले मिस्‍पाय् परमप्रभुया न्‍ह्यःने यिप्‍तां थःगु फुक्‍क खँ हाकनं धाल।

१ शमूएल 11:15

अथे जुयाः इपिं फुक्‍क गिलगालय् वनाः परमप्रभुया न्‍ह्यःने मेलबलि छाल अले परमप्रभुया न्‍ह्यःने शाऊलयात जुजु घोषणा यात। शाऊल व फुक्‍क इस्राएलीतय्‌सं खुशी जुयाः तःधंगु नखः हन।

१ शमूएल 15:28

शमूएलं वयात धाल, “थौं परमप्रभुं इस्राएलया राज्‍य छिगु ल्‍हातं लाकाः छि स्‍वयाः भिंम्‍ह मनूयात बियादीगु दु।

१ शमूएल 16:1

परमप्रभुं शमूएलयात धयादिल, “छ ग्‍वःन्‍हु तक शाऊलया निंतिं दुखं च्‍वनेगु? जिं वयात इस्राएलया जुजुया थासं लिकाये धुनागु दु। अथे जुयाः छंके दुगु नेकुलिइ जैतूनया भतिचा चिकं तयाः ज्‍वनाः हुँ। जिं छन्‍त बेथलेहेमय् यिशैयाथाय् छ्वयेत्‍यनागु दु। छाय्‌धाःसा जिं वया काय्‌पिं मध्‍ये छम्‍हय्‌सित जुजु ल्‍ययागु दु।”

१ शमूएल 16:3

अले यिशैयात नं बलि बीबलय् ब्‍वति कायेत इनाप या, अले छं यायेमाःगु छु खः व जिं छन्‍त धाये। जिं सुयात क्‍यने वयात जक छं जिगु निंतिं जुजु अभिषेक या।”

१ शमूएल 23:18

थुपिं निम्‍हय्‌सिनं परमप्रभुया न्‍ह्यःने थःथवय् स्‍वापु तयाः पवित्र बाचा चीत। अले जोनाथन थःगु छेँ लिहां वन दाऊद धाःसा होरेशय् तुं च्‍वन।

१ शमूएल 28:17

जिपाखें न्‍हापा हे धयादीगु खँ परमप्रभुं यानादीगु दु। वय्‌कलं छंगु ल्‍हातं राज्‍य लाकाः छिमि छम्‍ह जःलाखःला दाऊदयात बियादीगु दु।