१ इतिहास 11:1 - नेवाः बाइबल

¹ इस्राएलयापिं सकल मनूत हेब्रोनय् दाऊदयाथाय् मुंवयाः वयात थथे धाल, “जिपिं छिगु हे ला व हि खः।

१ इतिहास 11:1 ပူးပေါင်းရင်းမြစ်များ

उत्‍पत्ति 29:14

अले लाबानं धाल, “छ जिगु हे ला व हि खः।” याकूब वलिसे च्‍वंगु लच्‍छि दये धुंकाः छन्‍हु

२ शमूएल 15:10

अनंलि अब्‍शालोमं फुक्‍क इस्राएलया कुलतय्‌थाय् थथे धकाः खबर बियाः गुप्‍त दूतत छ्वल, “छिमिसं तुरही पुगु सः न्‍यनीबलय् तःसलं थथे धा, ‘अब्‍शालोम हेब्रोनया जुजु जुल!’”

२ शमूएल 2:1

अनंलि दाऊदं परमप्रभुयात थथे धकाः न्‍यन, “छु जि यहूदाया छुं छगू शहरय् वने ला?” परमप्रभुं लिसः बियादिल, “हुँ।” दाऊदं न्‍यन, “गुगु शहरय् वनेगु?” अले थथे लिसः वल, “हेब्रोनय्।”

१ राजा 2:11

हेब्रोनय् न्‍हय्‌दँ व यरूशलेमय् स्‍विस्‍वदँ यानाः वं इस्राएलय् पिइदँ तक शासन यात।

गन्‍ती 13:22

इपिं नेगेवपाखें थहां वनाः हेब्रोनय् थ्‍यंकः वन। अन अनाकया सन्‍तान अहीमन, शेशै व तल्‍मै च्‍वनाच्‍वंगु जुल। हेब्रोन मिश्रया सोअन शहर स्‍वयाः न्‍हय्‌दँ न्‍ह्यः दय्‌कूगु खः।

एफिसी 5:30

छाय्‌धाःसा झीपिं वय्‌कःयागु म्‍हया ब्‍वत खः।

व्‍यवस्‍था 17:15

परमप्रभु छिमि परमेश्‍वरं ल्‍ययादीम्‍ह मनूयात हे छिमिसं जुजु दय्‌कि। छिमिगु दथुं हे सुं छम्‍हसित थः जुजु ल्‍ययेमाः। इस्राएली मखुम्‍ह परदेशीयात थः जुजु दय्‌के मते।

न्‍यायकर्ता 9:2

“शकेमयापिं सकलें मनूतय्‌त थ्‍व खँ न्‍यनादिसँ, ‘छिमिगु लागि छु ज्‍यू? यरूब-बालया न्‍हयेम्‍ह काय्‌पिन्‍सं शासन याःगु ज्‍यू कि छम्‍ह हे मिजंनं जक शासन याःगु ज्‍यू। जि छिकपिनि हे ला व हि खः धयागु खँ लुमंकादिसँ।’”