१ इतिहास 10:4 - नेवाः बाइबल

⁴ शाऊलं थः हतियार क्‍वबिम्‍ह मनूयात धाल, “थुपिं परमेश्‍वरयात मानय् मयाइपिं पलिश्‍तीतय्‌सं वयाः जितः बांमलाःगु व्‍यवहार याये न्‍ह्यः छंगु तरवारं जितः स्‍या।” तर वया हतियार क्‍वबिम्‍ह मनू अथे यायेत ग्‍यात। उकिं शाऊलं थःम्‍हं हे तरवार लिकयाः थःत स्‍यात।

१ इतिहास 10:4 ပူးပေါင်းရင်းမြစ်များ

२ शमूएल 1:20

“गातय् थ्‍व खँ न्‍यंके मते, अश्‍कलोनया लँय् लँय् थ्‍व खँ बय्‌बय् याना जुइ मते, मखुसा पलिश्‍तीतय् म्‍ह्याय्‌पिं खुशी जुइ, अले खतना मजूनिपिनि म्‍ह्याय्‌पिं लय्‌लय्‌ताइ।”

२ शमूएल 1:6

व मनुखं धाल, “जि उबलय् गिल्‍बोया डाँडाय् च्‍वनाच्‍वनागु खः, जिं शाऊलं थःगु भालां चुयाच्‍वंगु अले शत्रुतय्‌गु रथत व सलगइपिं वया ल्‍यूल्‍यू वयाच्‍वंगु खना।

२ शमूएल 17:23

थःम्‍हं बियागु सल्‍लाह मानय् मयाःगु अहीतोपेलं थुइकल अले वं थःगु गधाया म्‍हय् सामान चिनाः थःगु शहरपाखे थःगु हे छेँ तुं लिहां वन। वं थःगु छेँय् फुक्‍क मिलय् यानाः थः यग्‍गानाः सित। थुकथं व सित अले वयात वया हे अबुया चिहानय् थुनाबिल।

१ राजा 16:18

शहर कब्‍जा याये धुंकूगु खनाः जिम्री दरबारया किल्‍ला दुने दुहां वन। अले थःगु छचाःखेरं मि तल, व थः नं मिं नयाः सित।

१ इतिहास 10:3

शाऊलया प्‍यखेरं ग्‍यानपुक लडाइँ जुल। वयागु म्‍हय् शत्रुया वाण लात अले व घाःपाः जुल।

१ इतिहास 10:5

शाऊल सीगु खनाः हतियार क्‍वबीम्‍हय्‌सिनं नं थःम्‍हं थःत स्‍यात।

प्रेरित 1:18

यहूदां मभिंगु ज्‍या यानावःगु धिबां छकू जग्‍गा न्‍यात। अले व हे जग्‍गाय् कुतुं वनाः आतापति फुक्‍कं पिहां वयाः सित।

प्रेरित 16:27

झ्‍यालखानाया हाकिमया झसंक न्‍ह्यलं चाल। वं खापा दक्‍व चालाच्‍वंगु खन। अले “फुक्‍क कैदीत बिस्‍युं वन जुइ” धकाः मतिइ तयाः तरवार लिकयाः गः कियाः सीत स्‍वल।

न्‍यायकर्ता 15:18

व तसकं प्‍याः चाःगुलिं वं परमप्रभुयात प्रार्थना यानाः थथे धाल, “छिं थः दासयात त्‍याकादीगु दु। आः छु जि प्‍याः चायाः सीगु ला? थुपिं म्‍हय् चिं मतःपिनिगु ल्‍हातय् लायेगु ला?”

न्‍यायकर्ता 16:21

पलिश्‍तीतय्‌सं वयात ज्‍वनाः वयागु मिखा लिकयाबिल। इमिसं वयात गाजाय् यंकल। अन इमिसं वयात कँय्‌यागु सिखलं चिनाः झ्‍यालखानाय् घःक्‍यलेगु ज्‍या याकल।

न्‍यायकर्ता 9:54

अले अबीमेलेकं थःगु ल्‍वाभः ज्‍वनीम्‍ह ल्‍याय्‌म्‍हयात हथासं सःताः धाल, “थःगु तरवार पिकयाः जितः स्‍यानाब्‍यु। अबीमेलेकयात छम्‍ह मिसां स्‍यात धकाः मनूतय्‌सं मधायेमा।” व ल्‍याय्‌म्‍ह मनुखं थःगु तरवार वयागु म्‍हय् सुयाबिल। अले व अन हे सित।

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।

१ शमूएल 31:4

अनंलि शाऊलं थःगु निंतिं ल्‍वाभः ज्‍वनीम्‍हय्‌सित धाल, “छंगु दापय् तरवार लिकयाः जितः सुयाब्‍यु अले थुपिं म्‍हय् चिं मतःपिं मभिंपिन्‍सं निन्‍दा यानाः जिगु बेज्‍जत मयायेमा।” तर व ल्‍वाभः ज्‍वनीम्‍ह तसकं ग्‍यानाः मानय् मजुल। वं अथे यायेगु आँट मयाः। अथे जुयाः शाऊलं थःगु तरवार काल अले उकिं सुयाः व सित।