१ इतिहास 10:1 - नेवाः बाइबल

¹ पलिश्‍तीतय्‌सं इस्राएलयापिं मनूतय्‌त हमला यात। इस्राएलयापिं मनूत पलिश्‍तीतपाखें बिस्‍युं वन। पलिश्‍तीतय्‌सं गिल्‍बो डाँडाय् यक्‍व इस्राएलीतय्‌त स्‍यात।

१ इतिहास 10:1 ပူးပေါင်းရင်းမြစ်များ

२ शमूएल 1:21

“हे गिल्‍बोया डाँडात, छिमिथाय् सुतिलः व वा मवयेमा, अले न छिमिथाय् अन्‍न सइगु बुँ हे दयेमा। छाय्‌धाःसा बल्‍लाःम्‍ह सिपाइँया ढाल अशुद्ध जूगु दु, शाऊलया ढाल चिकं मदयाः मथी।”

२ शमूएल 1:6

व मनुखं धाल, “जि उबलय् गिल्‍बोया डाँडाय् च्‍वनाच्‍वनागु खः, जिं शाऊलं थःगु भालां चुयाच्‍वंगु अले शत्रुतय्‌गु रथत व सलगइपिं वया ल्‍यूल्‍यू वयाच्‍वंगु खना।

२ शमूएल 21:12

अले व वनाः शाऊल व वया काय् जोनाथनया क्‍वँय् याबेश-गिलादया मनूतपाखें हल। (उपिं क्‍वँय् याबेश-गिलादया मनूतय्‌सं पलिश्‍तीतय्‌सं शाऊलयात गिल्‍बोय् त्‍याकूगु दिनय् यख्‍खाःगु थाय् बेथ-शानया चुकं खुयायंकूगु खः।)

१ इतिहास 10:8

कन्‍हय् खुन्‍हु पलिश्‍तीत इस्राएलयापिं मनूतय् सीपिं मनूतय्‌गु सामान काःवल। इमिसं शाऊलयागु व वया काय्‌पिनिगु सीम्‍ह गिल्‍बो डाँडाय् लुइकल।

१ इतिहास 9:44

आसेलया खुम्‍ह काय्‌पिं दु – इमिगु नां अज्रीकाम, बोकरू इश्‍माएल, शार्याह, ओबदिया व हानान खः। थुपिं सकलें आसेलया काय्‌पिं खः।

१ शमूएल 28:1

छुं ई लिपा पलिश्‍तीतय्‌सं इस्राएलीतलिसें लडाइँ यायेत थः सेनातय्‌त मुंकल। अले आकीशं दाऊदयात धाल, “छ व छिमि मनूत जिनापं लडाइँलय् वनेमाः धकाः ला छं स्‍यू जुइमा।”

१ शमूएल 28:4

पलिश्‍तीतय्‌सं लडाइँया निंतिं थः सिपाइँत मुंकाः शूनेमय् पाल ग्‍वल। शाऊलं नं फुक्‍क इस्राएलीतय्‌त मुंकाः गिल्‍बोय् पाल ग्‍वल।