Zefania 3:6 - ŊMALƐ KRƆŊKRƆŊ LƐ

⁶ Yehowa kɛɛ akɛ, “Mikpãtã maji ahiɛ dã. Mikumɔ amɛtabilɔi atasui lɛ mishwie shi; ni amɛblohui amli kamɔ shi efoji, ni mɔ ko mɔ ko hooo yɛ mli; afite amɛmaji lɛ bɔ ni mɔ ko mɔ ko bɛ mli, ni mɔ ko mɔ ko ehiŋ amɛmli dɔŋŋ.

Ṅmãle̱ Kroṅkroṅ Le̱

⁶ Miplenẽ dšeṅmãdši, ame̱mõdši ni kwō̱lo̱ le̱ etšṍmo̱ amaṅfõ; mihã ame̱blohũi le̱ amli ekãmo̱ efodši, ni mokomoko hoo ye̱ dše̱i: afite ame̱mãdši le̱, ni mokomoko be̱ mli, ni mokomoko ehĩṅ mli doṅṅ!

Zefania 3:6 ပူးပေါင်းရင်းမြစ်များ

Yesaia 14:26

Enɛ ji yiŋ ni ato yɛ je lɛ fɛɛ he lɛ, ni ji minine ni akpã mli kɛtee maji lɛ fɛɛ anɔ lɛ nɛ.

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yeremia 9:12

Kɛkɛ ni mibi akɛ, “Nuŋtsɔ mɛɛ hewɔ ni shikpɔŋ lɛ hiɛ ekpãtã, ni etsɔ̃ shiaŋa ni mɔ ko mɔ ko tsɔ̃ɔɔ nɔ kɛhooo nɛɛ? Namɔ ji nilelɔ ni aaanu enɛ shishi? Namɔ ji mɔ ni bo Yehowa ojie otsɔ̃ɔ lɛ, ni egba?”

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

Zefania 2:5

Kpoo ha nyɛ, nyɛŋshɔnaabii, bo Keretibii amaŋ. Kanaan, Filistibii ashikpɔŋ, Yehowa ebu bo fɔ; ni mibakpãtã ohiɛ, bɔ ni eshwɛŋ omɔ ko mɔ ko dɔŋŋ.

Zakaria 7:14

Ni no hã mi kɛ lasuogbele gbɛ amɛshwã kɛtee majiasɛɛ hei ni amɛleee lɛ, ni shikpɔŋ ni amɛshi nɔ lɛ tsɔ̃ amaŋfɔ̃ yɛ amɛsɛɛ bɔ ni mɔ ko eyaaa mli, ni mɔ ko ejeee mli hu lɛ. Amɛshikpɔŋ fɛɛfɛo lɛ tsɔ̃ amaŋfɔ̃.”

Mateo 23:38

Naa, ashi nyɛwe lɛ amaŋfɔ̃ ahã nyɛ!

1 Korintobii 10:11

Shi enɛɛmɛi fɛɛ ba amɛnɔ ni akɛto okadi ahã wɔ, ni aŋma ni akɛbɔ wɔ kɔkɔ, wɔ mɛi ni je lɛ naagbee bei lɛ enina wɔ lɛ.

1 Korintobii 10:6

Shi akɛ enɛɛmɛi eto wɔ okadi, koni wɔkahã nibii fɔ̃ji miifee wɔ akɔnɔ, tamɔ bɔ ni efee amɛ lɛ.

Yoshua 23:4

Maji ni eshwɛ lɛ mija momo mihã nyɛkutsei lɛ akɛ amɛgbɛfaŋnii koni akɛshi maji ni miye amɛnɔ kɛjɛ Yordan lɛ naa kɛyashi Mediterenia Ŋshɔ lɛ naa yɛ anaigbɛ lɛ anɔ.