Zefania 3:5 - ŊMALƐ KRƆŊKRƆŊ LƐ

⁵ Yehowa mɔ ni yɔɔ amɛteŋ yɛ maŋ lɛ mli lɛ, nɔ ni ja pɛ efeɔ; efeee nɔ ko ni ejaaa. Daa leebi lɛ efeɔ nɔ ni ja yɛ maŋ lɛ hiɛ, leebi ko kwraa bɛ ni efɔ̃ɔ jalɛ nii feemɔ. Shi nɔshafeelɔi lɛ ahiɛgble tɔ ejwa.

Ṅmãle̱ Kroṅkroṅ Le̱

⁵ Iehowa ni yo̱ eteṅ le̱, dšalo̱ dšile̱: efeṅ nõša ko; eke̱ ekodšomo̱ le̱ baä la hĩe dā lebi, efõõ; ši nõšafelo̱ le̱ lee hĩegbĕle!

Zefania 3:5 ပူးပေါင်းရင်းမြစ်များ

1 Mose 18:25

Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

Hiob 34:10

No hewɔ lɛ, nyɛ mɛi ni nyɛyɔɔ jwɛŋmɔ lɛ, nyɛboa mi toi. Enɛ akagbale Nyɔŋmɔ fɔɔŋfɔ akɛ eeefee nɔ fɔŋ, aloo Ofe lɛ, eeefee nɔ ko ni ejaaa hu.

Hiob 7:18

ni osaraa lɛ daa leebi, ni okaa lɛ okwɛɔ hiŋmɛitswaa fɛɛ hiŋmɛitswaa nɛɛ?

Hiob 8:3

Ani Nyɔŋmɔ tsɔ̃ɔ jalɛ hiɛ ebuɔ shi? Aloo Ofe lɛ kɔdɔ̃ɔ etoi eyeɔ sane?

Lalai 145:17

Yehowa ja yɛ egbɛi fiaa mli, ni emli hi yɛ enifeemɔi fiaa mli.

Lalai 37:6

Eeehã ojalɛ akpɛ hɛŋŋ tamɔ hulu la; ni obemyeli hu aaaje kpo faŋŋ tamɔ shwane.

Lalai 92:15

koni amɛkɛtsɔ̃ɔ akɛ Yehowa lɛ jalɔ ni. Lɛ ji mitɛsaa, ni nɔ ko ni ejaaa gbɛ bɛ egbɛfaŋ.

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Yesaia 28:19

Shii abɔ ni ebaaho lɛ, ebaagwao nyɛ ejaakɛ ebaaho daa leebi kɛ daa shwane kɛ daa nyɔɔŋ, ni sane lɛ shishinumɔ lɛ ebaafee gbeyei pam.

Yesaia 33:2

Ao Yehowa, dromɔ wɔ, shi bo pɛ gbɛ wɔkwɛɔ. Daa gbi lɛ bo ofeɔ wɔhewalɛ kɛ wɔyiwalaherelɔ yɛ fimɔ be mli.

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Yesaia 50:4

Nuŋtsɔ Nyɔŋmɔ eha mi nilelɔ lilɛi bɔ ni afee ni male bɔ ni mikɛ miwiemɔ akanya mɔ ni egbede aha. Daa leebi lɛ, ehɛleɔ mi shi, ni egbeleɔ mitoiŋ koni mibo nɔ ni eyɔɔ mi tsɔ̃ɔmɔ toi akɛ kaselɔ.

Yeremia 21:12

Nyɛ David shwiei! Nyɛyea jalɛ sane be fɛɛ be. Mɔ ni ayeɔ lɛ amim lɛ nyɛhea lɛ yɛ mɔ ni yeɔ lɛ amim lɛ dɛŋ, kɛjeee nakai lɛ no lɛ nyɛnifeemɔnii fɔ̃ji lɛ ahewɔ lɛ, mimlila aaatso yɛ nyɛnɔ tamɔ la, ni ebaatso, ni mɔ ko mɔ ko nyɛŋ agbe.”

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Yeremia 6:15

Kɛji amɛfee nihiinii lɛ, ani amɛhiɛ gboɔ he? Dabida, amɛhiɛ gbooo he ekome folo nɛkɛ; amɛhiɛgbele tɔ ejwa. No hewɔ lɛ, be mli ni mibagbala miwebii lɛ atoi lɛ, amɛbaafata mɛi ni baanyɔnyɔi lɛ ahe. No baafee amɛnaagbee. Mi, Yehowa, mikɛɛ.”

Yeremia 8:12

Ani kɛji amɛfee musubɔɔnii lɛ, efeɔ amɛ hiɛgbele? Dabida! Efeee amɛ hiɛgbele kome folo nɛkɛ, ejaakɛ amɛhiɛgbele tɔ ejwa. Be mli ni mibagbala amɛtoi lɛ, abaabutu amɛ, ni amɛbaafata mɛi ni baanyɔnyɔi lɛ ahe. Mi, Yehowa, mikɛɛ.”

Yāfó 3:23

Daa leebi lɛ, amɛtsɔ̃ɔ nɔ hee; Yehowa anɔkwayeli da kpele.

Ezekiel 18:25

“Kɛ̃lɛ nyɛkɛɔ akɛ Nuŋtsɔ lɛ yeee jalɛ sane. Ao, nyɛ Israelbii, nyɛboa toi ko! Ani mi, miyeee jalɛ sane? Ani jeee nyɛ moŋ ni nyɛyeee jalɛ sane?

Ezekiel 48:35

Hewɔ lɛ gbogbo ni bɔle maŋ lɛ he kpula kɛkpe lɛ ekɛlɛ ji ninetalɔi akpei nyɔŋma kɛ kpaanyɔ. Kɛjɛ ŋmɛnɛ gbi nɛɛ nɔ kɛyaa nɛɛ maŋ lɛ gbɛi ji: ‘Yehowa yɛ jɛi!’ ”

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Hosea 6:5

No hewɔ ni mitsɔ̃ gbalɔi lɛ anɔ migbala amɛtoi, ni mikɛ midaaŋ wiemɔi lɛ kã amɛ, ni kojomɔ ni mikojo amɛ lɛ tsɔ̃ tamɔ kane.

Mika 3:11

Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

Mika 7:9

Makplɛ̃ Yehowa mli ni efu mi lɛ nɔ, ejaakɛ mifee esha mishi lɛ; mamɛ kɛyashi eeefã mihe, ni eeebu mi bem. Eeejie mi kɛaaba la hiɛ ni mana ekpɔmɔ lɛ.

Habakuk 1:3

Mɛɛba ohãa minaa nifɔɔjianii nɛɛ, ni bo hu okwɛɔ haomɔi nɛɛ lɛ? Nifitemɔ kɛ henitswiamɔ sɔŋŋ ebɔle mihe kɛkpe, ni nɔmɔ kɛ bei ete shi yɛ he fɛɛ he.

Zefania 2:1

Ao, maŋ ni hiɛgbele tɔ ejwa, nyɛbuaa nyɛhe naa, ni nyɛsusua nyɛhe,

Zefania 3:13

amɛ mɛi ni baashwɛ yɛ Israel lɛ. Amɛfeŋ nɔfɔŋ lɛ, amɛmaleŋ lɛ, mɔshishiumɔ wiemɔ ko ejeŋ amɛnaa. Amɛbaahi shi, ni amɛbaashwere, ni mɔ ko woŋ amɛhe gbeyei.”

Zefania 3:15

Yehowa efo otoigbalamɔ lɛ sɛɛ; eshwie ohenyɛlɔi lɛ fɛɛ kɛtee. Yehowa, Israel Maŋtsɛ lɛ, yɛ nyɛteŋ; nyɛsheŋ efɔŋ ko gbeyei dɔŋŋ!

Zefania 3:17

Yehowa, oNyɔŋmɔ lɛ, kɛ bo yɛ, Taiatsɛ ni hãa ayeɔ kunim lɛ. Eeenya ohe kɛ miishɛɛ, eeeku sɛɛ esumɔ bo ekoŋŋ. Ebaala kɛ mliflimɔ yɛ ohewɔ,

Zakaria 2:5

Mi, Yehowa, matsɔ̃ la kɛbɔle maŋ lɛ he kɛkpe, tamɔ gbogbo, ni matsɔ̃ emli anunyam. Mi, Yehowa, mikɛɛ.”

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Luka 12:2

Shi nɔ ko bɛ ni atsimɔ nɔ ni ajieŋ lɛ kpo, aloo ni akɛtee ni aleŋ.

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

Romabii 3:26

koni ejie ejalɛ lɛ etsɔ̃ɔ yɛ benɛ be nɛɛ mli, ni eye bem ni ebu mɔ ni heɔ Yesu nɔ yeɔ lɛ hu bem.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

5 Mose 23:14

Yehowa, nyɛ Nyɔŋmɔ lɛ, kɛ nyɛ yɛ jɛi bɔ ni afee ni ebu nyɛhe, ni asaŋ ehã nyɛye nyɛhenyɛlɔi lɛ anɔ kunim. No hewɔ lɛ, muji nɔ ko akahi shitoohe lɛ mli koni ehã Yehowa kpa yɛ nyɛsɛɛ.”

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.