Zefania 3:2 - ŊMALƐ KRƆŊKRƆŊ LƐ

² Ebooo mɔ ko mɔ ko wiemɔ toi lɛ, ekpɛlɛ̃ɛɛ tsɔsemɔ hu; ekɛ ehiɛ efɔ̃ɔɔ Yehowa nɔ lɛ, etsiii ebɛŋkɛɛɛ eNyɔŋmɔ lɛ.

Ṅmãle̱ Kroṅkroṅ Le̱

² Eboo gbē ko gbē ko toi, ekplẽẽ tšo̱semo̱; eke̱ ehĩe efõõ Iehowa no̱, ni etšii ebe̱ṅke̱e̱ e-Nyoṅmo̱ le̱.

Zefania 3:2 ပူးပေါင်းရင်းမြစ်များ

Nehemia 9:26

“Shi enɛ moŋ sɛɛ lɛ amɛtoi gbo, ni amɛtse ohiɛ atua; amɛkɛ mla lɛ efeee nɔ ko nɔ ko; amɛgbe gbalɔi lɛ ni bɔ amɛ kɔkɔ lɛ, koni amɛkɛkpale amɛ kɛba oŋɔɔ; ni amɛfee musubɔɔ nibii wuji amɛshi bo.

Lalai 10:4

Mɔ fɔŋ hewoo mli lɛ etaooo Yehowa sɛɛgbɛ; eyiŋ fɛɛ lɛ, “Nyɔŋmɔ ko bɛ.”

Lalai 50:17

Ejaakɛ osumɔɔɔ tsɔsemɔ, ni otswaa miwiemɔ ofɔ̃ɔ afã.

Lalai 73:28

Shi mi lɛ, Nyɔŋmɔ masɛi hilɛ hi hã mi. Mikɛ Nuŋtsɔ Nyɔŋmɔ lɛ efee mibobaahe, bɔ ni afee ni magba onitsumɔi lɛ fɛɛ.

Lalai 78:22

ejaakɛ amɛheee Nyɔŋmɔ amɛyeee, ni amɛkɛ amɛhiɛ efɔ̃ɔɔ eyiwalaheremɔ hewalɛ lɛ nɔ.

Abe̱i 1:7

Nilee fɛɛ shishijee ji Yehowa gbeyeishemɔ; shi kwashiai gbeɔ nilee kɛ tsɔsemɔ he guɔ.

Abe̱i 5:12

No be mli oookɛɛ akɛ, “Mɛɛ hewɔ kwraa minyɛ tsɔsemɔ, ni mikpoo kamɔ̃ kɛjɛ mitsui mli tɔ̃ɔ nɛɛ?

Yesaia 1:5

Mɛni hewɔ nyɛyaa nɔ nyɛtseɔ atua koni aya nɔ agbala nyɛtoi lolo nɛɛ? Nyɛyitso muu lɛ fɛɛ he miiye, ni nyɛtsui fɛɛ hu etɔ biti.

Yesaia 29:13

Kɛkɛ ni Nuŋtsɔ lɛ kɛɛ akɛ, “Akɛni maŋbii nɛɛ bɛŋkɛɔ mi kɛ amɛnaabu kɛkɛ, ni amɛkɛ amɛnaabu kɛkɛ woɔ mi, shi amɛtsui kɛ miteŋ jɛkɛ kwraa, ni jamɔ ni amɛjaa mi lɛ ejeee fɛifɛi fe wiemɔi ni amɛkase amɛwo amɛyitseiaŋ kɛkɛ amɛwieɔ

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Yesaia 43:22

Yehowa kɛɛ, “Israel, ojaaa mi! Israel, ogbaaa ohe naa yɛ mihe!

Yesaia 9:12

Siriabii miijɛ bokãgbɛ, ni Filistibii hu miijɛ anaigbɛ amɛba kɛ amɛdaaŋ ni amɛgbɛ hatoo amɛkɛbami Israel. Kɛ̃lɛ fɛɛ sɛɛ lɛ Yehowa mlifu lɛ naa ejɔŋ; etoigbalamɔ nine lɛ ekpã mli lolo.

Yeremia 13:25

Enɛ ji nɔ ni mito akɛ mibafee bo, ejaakɛ ohiɛ kpa minɔ, ni okɛ ohiɛ fɔ̃ amale nyɔŋmɔi moŋ anɔ. Mi, Yehowa, mikɛɛ.

Yeremia 2:30

Yakatswaa po ni mitswia nyɛbii lɛ anii lɛ ejaakɛ no tsakeee amɛ. Nyɛ diɛŋtsɛ nyɛdɛŋ klante ni gbegbee nyɛgbalɔi lɛ tamɔ jata kakawua ni kpãtãa nii ahiɛ.

Yeremia 22:21

Be ni oyɔɔ nii pii lɛ, mikɛ bo wie; shi okɛɛ akɛ obooo mi toi. Ojeŋba kwraa nɛ kɛjɛ oblahiiaŋ, oboko mi toi dã.

Yeremia 32:33

Amɛtsɔ̃ amɛsɛɛ amɛhã mi, ni amɛkwɛɛɛ mihiɛ tete; tsɛbelɛ mi diɛŋtsɛ mikã he mitsɔ̃ɔ amɛ nii aahu, shi amɛbooo toi ni amɛaakpɛlɛ̃ tsɔsemɔ.

Yeremia 35:13

“Yaa ni oyakɛɛ Yudahii lɛ kɛ Yerusalɛmbii lɛ akɛ mi, Yehowa Taiatsɛ, Israel Nyɔŋmɔ lɛ, miibi akɛ, ‘Aso nyɛkpɛlɛŋ tsɔsemɔ koni nyɛbo miwiemɔ lɛ toi?’

Yeremia 35:17

No hewɔ lɛ, naa, mi Yehowa, Nyɔŋmɔ Taiatsɛ, ni ji Israel Nyɔŋmɔ lɛ, mibahã saji fɔ̃ji fɛɛ ni mito miyiŋ akɛ mahã aye Yuda kɛ Yerusalɛmbii fɛɛ lɛ aba amɛ amɛnɔ, ejaakɛ miwie mitsɔ̃ɔ amɛ, ni amɛbooo mi toi, ni mitsɛ amɛ, ni amɛhereee mi nɔ.’ ”

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Ezekiel 22:24

“Gbɔmɔ Adesa, kɛɛmɔ Israel akɛ, bo ji shikpɔŋ ko ni ohe tseee, ni nu hu enɛŋ onɔ yɛ mimlifu be lɛ mli.

Ezekiel 24:13

Ohiɛkɔ̃ɔ kɛ mujinii lɛ no ji ŋkanale lɛ. Akɛni kulɛ mitsuu ohe ni ohe atse shi ohe tseee hewɔ lɛ, hii shi yɛ ohe muji lɛ mli kɛyaashi beyinɔ ni matɔ mihe owele, ni mimii aaashɛ mihe.

Zefania 1:6

Mibakpãtã mɛi fɛɛ ni ekpale, ni amɛjaaa Yehowa lɛ dɔŋŋ lɛ ahiɛ, ni ji mɛi ni taooo mi, Yehowa lɛ, misɛɛgbɛ aloo amɛbiii mi nii dɔŋŋ lɛ.”

2 Timoteo 3:16

Ŋmalɛ fɛɛ ŋmalɛ lɛ ejɛ Nyɔŋmɔ Mumɔ lɛ mli, ni ehe yɛ sɛɛnamɔ hã nitsɔɔmɔ kɛ hiɛkãmɔ kɛ mɔsaamɔ kɛ tsɔsemɔ ni yɔɔ jalɛ mli lɛ,

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.