Zefania 3:1 - ŊMALƐ KRƆŊKRƆŊ LƐ

¹ Kpoo ha Yerusalɛm, maŋ ni yi wa, maŋ ni lɛ diɛŋtsɛ ebule ehe!

Ṅmãle̱ Kroṅkroṅ Le̱

¹ Kpṍo hã maṅ ni tšeo̱ atũa ni abule-le̱, maṅ ní yi wa le̱!

Zefania 3:1 ပူးပေါင်းရင်းမြစ်များ

Yesaia 30:12

No hewɔ lɛ, agbɛnɛ nɔ ni Israel Mɔ Krɔŋkrɔŋ lɛ kɛɔ nɛ, “Akɛni nyɛkwa wiemɔ nɛɛ, ni nyɛkɛ nyɛhiɛ fɔ̃ yiwalɛ kɛ kutumpɔo nɔ, asaŋ nyɛshwãa hu nyɛfɔɔ nɔ,

Yesaia 5:7

Israel ji Yehowa, Taiatsɛ lɛ, waintrom lɛ, ni Yudabii lɛ ji waintsei kpakpai ni etɛo lɛ; ni ekwɛ jalɛ saneyeli gbɛ ni naa lashishwiemɔ moŋ ena, ni yɛ ekpakpafeemɔ najiaŋ lɛ, yaafo moŋ afo!

Yesaia 59:13

Wɔtɔ̃, ni wɔkwa Yehowa, ni wɔkpale yɛ wɔNyɔŋmɔ lɛ sɛɛ. Yiwalɛ kɛ atuatsemɔ wiemɔi wɔwieɔ; amale wiemɔi ni wɔtoɔ yɛ wɔtsuiiaŋ lɛ jeɔ kpo yɛ wɔnaa.

Yesaia 59:6

ni ntaŋi lɛ nyɛɛɛ atsɔ̃ mama ni aaanyɛ aha. Nishaianii pɛ amɛfeɔ, ni niseniianii pɛ amɛkɛ amɛniji tsuɔ.

Yeremia 22:17

Shi bo lɛ, ohiŋmɛi kɛ otsui kã juukɛfɔ̃ nii kɛ mɛi ni efeko efɔŋ lá shishwiemɔ nɔ. Ni owaa mɛi ayi keketee.

Yeremia 5:23

Shi nɛkɛ gbɔmɛi nɛɛ akuɛŋ ti, ni atuatselɔi ni; amɛgba afã, ni amɛshi mi amɛtee.

Yeremia 6:6

Ejaakɛ bɔ ni Yehowa, Taiatsɛ lɛ, kɛɔ nɛ, “Nyɛtoa Yerusalɛm he tsei lɛ nyɛshwiea shi, koni nyɛkɛtswaa kpokui nyɛkɛsaa Yerusalɛm yi. Maŋ ni abaagbala etoi ni, ejaakɛ anaaa nɔ ko nɔ ko yɛ mli fe yiwalɛ saneyeli sɔŋŋ kɛkɛ.

Yeremia 6:7

Bɔ ni nubu baa emli nu yi koni ehi krɔŋŋ lɛ, nakai Yerusalɛm baa enifɔɔji anii lɛ ayi. Henitswiamɔ kɛ niiahiɛkpãtãmɔ he anuɔ yɛ mli; ni hela kɛ pilamɔi sɔŋŋ kɛkɛ minaa yɛ mli.

Ezekiel 22:29

Shikpɔŋ lɛ nɔ niiatsɛmɛi lɛ tswaa ojo, ni amɛjuɔ; amɛwaa ohiafoi kɛ mɛi ni efi amɛ lɛ ayi, ni amɛyeɔ gbɔ amim, ni atooo lɛ najiaŋ.

Ezekiel 22:7

Abuuu tsɛ kɛ nyɛ yɛ omli, ayeɔ gbɔ amim yɛ omli; awaa awusa kɛ okulafo yi yɛ omli.

Ezekiel 23:30

Aaafee bo enɛɛmɛi ejaakɛ okɛ jeŋmaji lɛ yabɔbɔɔ ajwamãŋ, ni oyanyiɛ amɛwɔji lɛ asɛɛ ni okɛwo ohe muji,

3 Mose 1:16

Ejie loofɔlɔ lɛ kpɔŋɔshi kɛ emlinii lɛ koni eshɛrɛ eshwie afɔleshãa latɛ lɛ masɛi yɛ ebokãgbɛ he ni atsiɔ lamlu ashwieɔ lɛ.

Amos 3:9

Kɛɛmɔ mɛi fɛɛ ni yɔɔ Ashdod kɛ Ijipt mɔji lɛ amli lɛ akɛ, “Nyɛyabuaa nyɛhe naa yɛ Samaria gɔji lɛ anɔ koni nyɛkwɛa basabasa ni afeɔ kɛ niseniianii ni yaa nɔ yɛ Samaria.”

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Zakaria 7:10

Nyɛkawaa okulafo loo awusa loo gbɔ loo ohiafo yi. Ni nyɛteŋ mɔ ko mɔ ko akasusu enyɛmi he efɔŋ ko yɛ emli.’

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”