Zefania 2:9 - ŊMALƐ KRƆŊKRƆŊ LƐ

⁹ Beiaŋ ni mi tuuŋtu ji Yehowa, Taiatsɛ, Israel Nyɔŋmɔ hiɛkãalɔ lɛ, miikɛɛ akɛ ja Moab tsɔ̃ tamɔ Sodom, ni Amonbii lɛ hu tsɔ̃ tamɔ Gomora. Amɛshikpɔŋ lɛ baatsɔ̃ ŋoo bui ashikpɔŋ kɛ amaŋfɔ̃ kɛya naanɔ; ni sansrɔ baatsa yɛ enɔ. Mimaŋbii ni aaashwɛ lɛ aaaha Moabbii lɛ kɛ Amonbii lɛ hu anii, ni amɛaaŋɔ amɛshikpɔji lɛ.”

Ṅmãle̱ Kroṅkroṅ Le̱

⁹ Nohewo̱ le̱, gbĩĩabo̱ ní mihĩe kã ne̱, Iehowa Zebaot, Israel Nyoṅmo̱ le̱, kē̱, Moab aatšṍ tamo̱ *Sodom, ni Amonbii le̱ hũ aatamo̱ Gomora; sansrõi amā̃mo̱he ke̱ ṅõbui, ke̱ nāno̱ amaṅfõi: mimaṅ le̱ mli mei ni eſe̱ le̱ aahaame̱, ni mimaṅ le̱ mli mei ni eſe̱ le̱ aaṅõame̱ aye. *1 Mose 19,24.

Zefania 2:9 ပူးပေါင်းရင်းမြစ်များ

Yesaia 11:14

Shi amɛbaafee ekome amɛyatua Filistibii yɛ anaigbɛ, ni amɛbaafee ekome amɛyaha bokãgbɛbii lɛ anibii. Amɛbaaye Edom kɛ Moab nɔ kunim, ni Amonbii baabo amɛtoi.

Yesaia 25:10

Yehowa kɛ ehewalɛ lɛ baafã gɔŋ nɛɛ he. Shi Moabbii lɛ abaanaanaa amɛnɔ tamɔ anaa jwɛi nɔ yɛ bu ni yɔɔ tumo nɔ.

Yesaia 49:18

Wo ohiɛ nɔ ni okwɛ ohe kɛkpe; Owebii lɛ miibua amɛhe naa; amɛmiiba oŋɔɔ. Gbii abɔ ni mi, Yehowa, mihiɛ kã nɛɛ lɛ, amɛaatsɔ tamɔ jwine, ni okɛ amɛaawula ohe tamɔ ayɛmforo feɔ lɛ.”

Yeremia 46:18

Gbii abɔ ni mihiɛ kã nɛɛ, mi Maŋtsɛ ni migbɛi ji Yehowa, Taiatsɛ lɛ mikɛɛ, “Bɔ ni Tabor Gɔŋ yɔɔ yɛ gɔji lɛ ateŋ, ni Karmel yɔɔ yɛ ŋshɔnaa lɛ, nakai mɔ ni aaabatua bo lɛ hewalɛ aaatamɔ.

Yeremia 48:1

Nɔ ni Yehowa Taiatsɛ, Israel Nyɔŋmɔ lɛ, kɛɛ yɛ Moab he nɛ, “Kpoo hã Nebobii ejaakɛ akpãtã amɛmaŋ lɛ hiɛ. Aŋɔ Kiriataim nom, ni ehiɛ eshwie shi; akumɔ emɔji gojogojoo lɛ ashwie shi.

Yeremia 49:1

Nɔ ni Yehowa kɛɛ yɛ Amonbii ahe nɛ, “Ani Israel bɛ bihii, aloo Israel bɛ mɛi ni yeɔ enii hewɔ ni mɛi ni jaa wɔŋ Molek lɛ ebaŋɔ Gadbii ashikpɔŋ, ni amɛbahi jɛi maji lɛ amli lɛ?

Yeremia 49:18

Bɔ ni atsɔ abutu Sodom kɛ Gomora kɛ amɛhewɔ maji lɛ, mi, Yehowa miikɛɛ akɛ nakai nɔŋŋ abaafee Edom bɔ ni mɔ ko mɔ ko ehiŋ jɛi, ni mɔ ko hu eyatoŋ gbɔ yɛ jɛi.

Yeremia 49:33

Hazor baatsɔ̃ ŋaŋgbei ashihilɛhe; ebaatsɔ̃ naanɔ amaŋfɔ̃, ni adesa ko adesa ko ehiŋ jɛi, ni mɔ ko hu eyatoŋ gbɔ yɛ jɛi. Mi, Yehowa, mikɛɛ.”

Yeremia 50:40

tamɔ bɔ ni Nyɔŋmɔ butu Sodom kɛ Gomora kɛ amɛhewɔ majimaji lɛ bɔ ni mɔ ko ehiii jɛi, ni asaŋ mɔ ko ni jɛ yoo musuŋ eyatoŋ gbɔ yɛ jɛi lɛ, mi Yehowa mikɛɛ.

Amos 1:13

Bɔ ni Yehowa kɛɛ nɛ, “Tɔ̃mɔi babaoo ni Amonbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ taitai ni amɛfãfãa bɔ ni afee ni amɛlɛɛ amɛshikpɔŋ lɛ husui amli hewɔ lɛ, amɛgbalagbalaa Gilead yeihɔlɔi amusui amli, ni bii lɛ je shwie shi.

Amos 2:1

Bɔ ni Yehowa kɛɛ nɛ, “Tɔ̃mɔi babaoo ni Moabbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛshã Edom maŋtsɛ gbonyo wui kɛyashi etsɔ̃ lamlu, ni amɛkɛshwie ehiɛ shi.

Zefania 2:14

Jɛi baatsɔ̃ kooloi kui kɛ kooloi srɔtoi fɛɛ ashibuumɔhe. Akpaŋai kɛ shadeboai kɛ tsui koi lɛ amli baafee amɛshihilɛhei. Patui baabolɔ yɛ samfɛji lɛ anaa, ni kwãakwãalabitei baabolɔ yɛ shinaa kpokui lɛ anaa, ejaakɛ shĩai lɛ fɛɛ ewulewulee ewowoo mli.

Zefania 2:7

Ŋshɔnaa shikpɔŋ lɛ baatsɔ̃ Yudabii ni eshwɛ lɛ anɔ. Jɛi amɛbaalɛ amɛkooloi yɛ, ni Ashkelon maŋ lɛ shĩai lɛ baatsɔ̃mɔ kooloi lɛ awɔɔhei; ejaakɛ Yehowa, amɛNyɔŋmɔ lɛ, musuŋ baatsɔ̃ lɛ yɛ amɛhe, ni ebaahã amɛshwere ekoŋŋ.

Zefania 3:13

amɛ mɛi ni baashwɛ yɛ Israel lɛ. Amɛfeŋ nɔfɔŋ lɛ, amɛmaleŋ lɛ, mɔshishiumɔ wiemɔ ko ejeŋ amɛnaa. Amɛbaahi shi, ni amɛbaashwere, ni mɔ ko woŋ amɛhe gbeyei.”

Zakaria 2:13

Gbɔmɛi fɛɛ afee dioo yɛ Yehowa hiɛ, ejaakɛ ete shi kɛjɛ eshihilɛhe krɔŋkrɔŋ lɛ.

4 Mose 14:21

Shi moŋ anɔkwale sane kome ji akɛ gbii abɔ ni mihiɛ kã nɛɛ, ni asaŋ mi, Yehowa, minunyam lɛ eyi shikpɔŋ lɛ nɔ obɔ̃ lɛ,

Romabii 14:11

Ejaakɛ aŋma akɛ, “Nuŋtsɔ lɛ kɛɛ, ‘Akɛni mihiɛ kã nɛɛ nakutso fɛɛ nakutso aaakula shi ahã mi, ni lilɛi fɛɛ lilɛi aaajaje Nyɔŋmɔ atsɔ̃ɔ.’ ”

5 Mose 29:22

“Wɔsɛɛ yinɔbii, ni ji nyɛshwiei ni aaaba yɛ nyɛsɛɛ lɛ, kɛ mɛi kpɔ̃ji ni aaajɛ maŋsɛɛ shɔŋŋ lɛ aaawie he kɛji amɛna haomɔi kɛ helai ni Yehowa ehã eba nɛkɛ shikpɔŋ lɛ nɔ lɛ.

5 Mose 29:23

Amɛaana bɔ ni swɔɔ kɛ ŋoo egbe shikpɔŋ tso muu lɛ, ni ehiii enɔ nidumɔ, ni ebaaa nii, ni jwɛi tete ekwɛ̃ɛɛ yɛ nɔ lɛ. Amɛaana akɛ efite tamɔ Sodom kɛ Gomora kɛ Adama kɛ Zeboim maji lɛ ni Yehowa kpãtã amɛhiɛ yɛ emlifu kɛ emlila naa lɛ.