Zefania 2:7 - ŊMALƐ KRƆŊKRƆŊ LƐ

⁷ Ŋshɔnaa shikpɔŋ lɛ baatsɔ̃ Yudabii ni eshwɛ lɛ anɔ. Jɛi amɛbaalɛ amɛkooloi yɛ, ni Ashkelon maŋ lɛ shĩai lɛ baatsɔ̃mɔ kooloi lɛ awɔɔhei; ejaakɛ Yehowa, amɛNyɔŋmɔ lɛ, musuŋ baatsɔ̃ lɛ yɛ amɛhe, ni ebaahã amɛshwere ekoŋŋ.

Ṅmãle̱ Kroṅkroṅ Le̱

⁷ Ni ṅšo̱ le̱ nā niiaṅ aatšṍ Iuda we le̱ mei ni eſe̱ le̱ anõ: dše̱i noṅṅ ame̱alē̱ ame̱koloi le̱ ye̱; gbe̱ke̱ le̱ ame̱abumo̱ ši ye̱ Aškelon šĩai le̱; edšake̱ Iehowa, ame̱-Nyoṅmo̱ le̱, aabasraame̱, ni eekpale *ame̱nomṅō̃ le̱ ke̱-aba ekoṅ! *3,20.

Zefania 2:7 ပူးပေါင်းရင်းမြစ်များ

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

Lalai 80:14

Oo Tai aNyɔŋmɔ, kwɛmɔ wɔ! Jɛɛ ŋwɛi okwɛ ni ohere omaŋbii ayiwala.

Lalai 85:1

Yehowa, ona oshikpɔŋ lɛ mɔbɔ; ohã Israel esaa eshwere ekoŋŋ.

2 Mose 4:31

Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 11:14

Shi amɛbaafee ekome amɛyatua Filistibii yɛ anaigbɛ, ni amɛbaafee ekome amɛyaha bokãgbɛbii lɛ anibii. Amɛbaaye Edom kɛ Moab nɔ kunim, ni Amonbii baabo amɛtoi.

Yesaia 11:16

Ni eeetsɔ̃ tɛmpɔŋ ehã emaŋ lɛ mli mɛi ni eshwɛ lɛ, mɛi ni eshwɛ ni aaajɛ Asiria aba lɛ, tamɔ bɔ ni jɛi tsɔ̃ gbɛ ha Israel be ni amɛje Ijipt lɛ.

Yesaia 14:1

Yehowa musuŋ aaatsɔ̃ lɛ yɛ Yakob he, ni eeena Israel he tsuijurɔ ekoŋŋ, ni ekɛ Israelbii lɛ aaaba amɛ diɛŋtsɛ amɛshikpɔŋ nɔ. Maŋsɛɛbii aaabafata amɛhe, ni amɛaadɔmɔ Yakob we lɛ.

Yesaia 32:14

Ejaakɛ aaajo foi ashi mɔɔ, ni aaashi maŋ ni emli eyi kɛ gbɔmɛi lɛ afɔ̃ shi. Gɔŋkpɔ kɛ buumɔ̃ɔ lɛ aaatsɔ̃ kooloi abui kɛ ŋaŋ tejii amiishɛɛnamɔhe kɛ toi hu aniyelihe kɛaatee naanɔ.

Yeremia 23:3

Kɛkɛ lɛ mibabua miwebii ni eshwɛshwɛɛ yɛ majimaji ni mishwie amɛ kɛtee lɛ fɛɛ anɔ lɛ anaa, ni mikɛ amɛ baaba amɛjaku shikpɔŋ lɛ nɔ ekoŋŋ; ni amɛaafɔfɔi, ni amɛyi aaafa pii.

Yeremia 29:10

“Ejaakɛ Yehowa kɛɛ akɛ, ‘Kɛji Babilon ye afii nyɔŋmai kpawo lɛ etã lɛ, mibakwɛ nyɛsane lɛ maye mahã nyɛ, ni mibahã shiwoo jurɔ ni miwo yɛ nyɛhe, akɛ mibahã nyɛku nyɛsɛɛ kɛba biɛ nɛɛ lɛ, aba mli.’

Yeremia 29:14

Mi Yehowa, mikɛɛ akɛ nyɛaana mi; ni nyɛnii fɛɛ ni laaje lɛ, nyɛnine baashɛ nɔ ekoŋŋ. Mibabua nyɛnaa kɛjɛ majimaji anɔ kɛ hei fɛɛ ni mishwie nyɛ kɛtee lɛ, ni mikɛ nyɛ baaku sɛɛ kɛba biɛ nɛɛ he ni mihã aŋɔ nyɛ nom kɛjɛ kɛtee lɛ ekoŋŋ.

Yeremia 3:18

Nakai be lɛ mli lɛ, Yuda akutso lɛ baaya ayafata Israel akutso lɛ he ni amɛaajɛ kooyigbɛ shikpɔŋ lɛ nɔ kutuu kɛaaba shikpɔŋ ni mikɛhã amɛtsɛmɛi lɛ akɛ amɛgboshinii lɛ nɔ.’ ”

Yeremia 30:3

Shi naa, gbii miiba ni mibahã miwebii Israelbii kɛ Yudabii anine ashɛ amɛnibii fɛɛ ni amɛlaaje lɛ anɔ. Mikɛ amɛ baaku sɛɛ kɛba shikpɔŋ ni mikɛhã amɛtsɛmɛi lɛ nɔ ekoŋŋ koni amɛbaŋɔ shikpɔŋ lɛ akɛ amɛnɔ.”

Yeremia 31:7

Ejaakɛ bɔ ni Yehowa kɛɔ nɛ, “Nyɛlaa waa kɛ miishɛɛ nyɛhãa Israel nyɛbɔa oshe nyɛhãa maji fɛɛ ayitso lɛ. Nyɛshiɛa, nyɛkafoa, ni nyɛkɛa akɛ, ‘Yehowa ehere ewebii Israelbii ni shwɛ lɛ ayiwala.’

Yeremia 32:44

Abaahɔ̃ɔ shikpɔŋ, ni abaahe shikpɔŋ, ni abaafee nɔ woji, abaasɔo woji nɛɛ anaa, ni abaatsɛtsɛɛ mɛi amɛbayeyee he odase yɛ Benyamin shikpɔŋ lɛ nɔ kɛ Yerusalɛm niiaŋ kɛ Yuda maji lɛ amli kɛ gɔji anɔ maji lɛ amli kɛ ŋa nɔ maji lɛ amli kɛ Yuda wuoyigbɛ maji lɛ hu amli, ejaakɛ mibahã amɛnibii fɛɛ ni amɛlaaje lɛ amɛnine ashɛ nɔ ekoŋŋ. Mi Yehowa, mikɛɛ.”

Yeremia 33:12

Yehowa Taiatsɛ lɛ kɛɛ akɛ, “Biɛ shikpɔŋ kɛ enɔ maji ni hiɛ ekpãtã ni gbɔmɔ loo kooloo tete bɛ nɔ nɛɛ baatsɔ̃ shihilɛhei ahã tookwɛlɔi, ni amɛtoi hu baana shibuumɔhei yɛ jɛi.

Yeremia 33:7

Ni mahã Yuda kɛ Israel nine ashɛ amɛnibii ni amɛlaaje lɛ fɛɛ nɔ ekoŋŋ, ni matswa amɛ ekoŋŋ mama shi taakɛ amɛyɔɔ tsuutsu lɛ.

Yeremia 47:5

Ŋkɔmɔyeli ehã Gaza yiteŋ ekpa, ni akpãtã Ashkelon hiɛ. Ao! Nyɛ jɔɔŋbii ni eshwɛ, mɛɛ beyinɔ nɔŋŋ nyɛaabamɔ nyɛhe kakla kɛye awerɛhoo kɛyashi?

Ezekiel 39:25

“No hewɔ lɛ, bɔ ni Nuŋtsɔ Yehowa kɛɔ nɛ, agbɛnɛ lɛ makpale Yakob shwiei ni aŋɔ amɛ nom lɛ kɛba ekoŋŋ, ni mana Israel we lɛ fɛɛ mɔbɔ. Maye migbɛi krɔŋkrɔŋ lɛ he awuŋã.

Hosea 6:11

“Ni bo, Yuda, hu mito be ni nɔ ni oduɔ amrɔ nɛɛ lɛ, obaakpa eyibii.

Obadia 1:19

“Yuda wuoyigbɛbii lɛ aaabashɔ̃ Edom Gɔŋ shikpɔŋ lɛ; ni mɛi ni yɔɔ anaigbɛ gɔji lɛ ashishi lɛ baashɔ̃ Filistibii ashikpɔŋ lɛ. Amɛbaaŋɔ Efraim shikpɔŋ lɛ, kɛ Samaria hu; ni Benyamin baaŋɔ Gilead.

Mika 2:12

“Shi bɔ fɛɛ bɔ ni fee lɛ, mabua nyɛnaa, nyɛ Israelbii fɛɛ ni eshwɛ. Mabua nyɛnaa tamɔ too gwantɛŋ ku kome; mabua nyɛnaa tamɔ too ku yɛ amɛniyelihe yɛ ŋa nɔ; nyɛshikpɔŋ lɛ nɔ baashi hoo ekoŋŋ kɛ gbɔmɛi.”

Mika 4:10

Yerusalɛmbii, nyɛkɛ̃mɔa, ni nyɛkɔ̃mɔa tamɔ yoo ni fɔmɔ eta ehe; ejaakɛ nyɛbaashi maŋ lɛ mli ni nyɛaayahi ŋa lɛ nɔ; nyɛbaaya Babilon tɔ̃ɔ. Shi jɛi lɛ Yehowa aaahere nyɛ yɛ nyɛhenyɛlɔi lɛ adɛŋ.

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Zefania 2:9

Beiaŋ ni mi tuuŋtu ji Yehowa, Taiatsɛ, Israel Nyɔŋmɔ hiɛkãalɔ lɛ, miikɛɛ akɛ ja Moab tsɔ̃ tamɔ Sodom, ni Amonbii lɛ hu tsɔ̃ tamɔ Gomora. Amɛshikpɔŋ lɛ baatsɔ̃ ŋoo bui ashikpɔŋ kɛ amaŋfɔ̃ kɛya naanɔ; ni sansrɔ baatsa yɛ enɔ. Mimaŋbii ni aaashwɛ lɛ aaaha Moabbii lɛ kɛ Amonbii lɛ hu anii, ni amɛaaŋɔ amɛshikpɔji lɛ.”

Zefania 3:13

amɛ mɛi ni baashwɛ yɛ Israel lɛ. Amɛfeŋ nɔfɔŋ lɛ, amɛmaleŋ lɛ, mɔshishiumɔ wiemɔ ko ejeŋ amɛnaa. Amɛbaahi shi, ni amɛbaashwere, ni mɔ ko woŋ amɛhe gbeyei.”

Zefania 3:20

Nakai be lɛ mikɛ nyɛ baaba shĩa, be mli ni mibabua nyɛnaa lɛ. Mahã nyɛgbɛi ahehe, ni abaakafo nyɛ yɛ shikpɔŋ lɛ nɔ majimaji fɛɛ anɔ, ni mahã nyɛshwere ekoŋŋ yɛ nyɛ diɛŋtsɛ nyɛhiŋmɛiŋ.” Yehowa wiemɔ nɛ.

Hagai 1:12

Kɛkɛ ni Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ, kɛ maŋ lɛ mli mɛi ni shwɛ kɛjɛ nomŋɔɔ lɛ mli kɛba lɛ fɛɛ, bo Yehowa kɛ Gbalɔ Hagai wiemɔi lɛ atoi. Amɛshe gbeyei yɛ Yehowa hiɛ.

Hagai 2:2

“Kɛɛmɔ Yuda Amralo Zerubabel, Shealtiel bi lɛ, kɛ Osɔfonukpa Yoshua, Yehozadak bi lɛ, kɛ maŋbii lɛ akɛ,

Luka 1:68

“Ajie Nuŋtsɔ, Israel Nyɔŋmɔ lɛ yi, akɛ ebasara emaŋ lɛ, ni ekpɔ̃ amɛ.

Luka 7:16

Ni gbeyei mɔmɔ amɛ fɛɛ, ni amɛwo Nyɔŋmɔ hiɛ nyam amɛkɛɛ, “Gbalɔ kpeteŋkple ete shi yɛ wɔteŋ, ni Nyɔŋmɔ ebasara emaŋ lɛ.”

Bɔfoi 8:26

Shi Nuŋtsɔ lɛ bɔfo ko kɛ Filipo bawie akɛ, “Tee shi ni oya wuoyigbɛ yɛ tɛmpɔŋ ni kã shiaŋa lɛ nɔ kɛjɛ Yerusalɛm kɛyaa Gaza lɛ nɔ.”

Bɔfoi 8:40

Shi Filipo lɛ, ana lɛ yɛ Azotu; ni be ni efoɔ mli lɛ, ejaje Sanekpakpa lɛ etsɔ̃ɔ yɛ maji lɛ fɛɛ mli kɛyashi ebashɛ Kaisarea.

Romabii 11:5

Nakai nɔŋŋ kɛ̃ amrɔ nɛɛ hu eshwɛ mɛi komɛi yɛ dromɔ halamɔ naa.

Rut Wolo Lɛ 1:6

Naomi nu yɛ Moab shikpɔŋ lɛ nɔ akɛ Yehowa ebaduro emaŋ Israel niyenii. No hewɔ lɛ, ekɛ eshaayei lɛ yiŋ kɛmiiku esɛɛ kɛjɛ Moab shikpɔŋ lɛ nɔ kɛya Yuda.