Zefania 2:10 - ŊMALƐ KRƆŊKRƆŊ LƐ

¹⁰ Enɛ akɛaagbala Moabbii lɛ kɛ Amonbii lɛ atoi yɛ amɛhenɔ ni amɛwo lɛ hewɔ; ejaakɛ amɛbɔ Yehowa, Taiatsɛ lɛ, webii lɛ ahora.

Ṅmãle̱ Kroṅkroṅ Le̱

¹⁰ Ene̱ ame̱aná ye̱ ame̱hewō le̱ hewo̱, edšake̱ ame̱bo̱ Iehowa Zebaot maṅ le̱ ohora, ni ame̱wó ame̱he no̱ ye̱ ame̱no̱.

Zefania 2:10 ပူးပေါင်းရင်းမြစ်များ

Yesaia 16:6

Yudabii lɛ kɛɛ akɛ, “Wɔnu bɔ ni Moab wo ehe ehã; ewo ehe tsɔ̃. Wɔnu ehetsɔɔmɔ kɛ ehewoo kɛ ehetsɛmɔ. Shwãa ni eshwã lɛ fɛɛ asomoaŋ efolo ni.”

Yeremia 48:29

Wɔnu bɔ ni Moab wo ehe nɔ ehã; etsɛ ehe tsɔ̃. Anu ehenɔwomɔ kɛ ntɛŋfeemɔ kɛ ehetsɔ̃ɔmɔ kɛ ekuɛŋtimɔ lɛ.

Zefania 2:8

Yehowa kɛɛ akɛ, “Minu jɛmɔi ni Moabbii jɛɔ mimaŋbii lɛ, kɛ ahora ni Amonbii hu bɔɔ miwebii lɛ, kɛ shwãa ni amɛshwãa akɛ amɛbaashɔ̃ mimaŋbii lɛ ashikpɔŋ lɛ yɛ amɛdɛŋ lɛ.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”

Obadia 1:3

Ohenɔwomɔ lɛ elaka bo. Omaŋtsɛmaŋ lɛ ma shi shiŋŋ yɛ tɛsaa nɔ, ni oshihilɛhe lɛ yɛ gɔŋ grɔŋŋ nɔ; ni no hewɔ ni okɛɔ ohe akɛ, ‘Namɔ aaanyɛ mi shi aba?’

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

2 Mose 9:17

Okã he oowo ohe nɔ yɛ mimaŋ lɛ nɔ, ni ohãaa amɛya.

Yāfó 1:9

Ehe muji kpa etadei amli; shi ejwɛŋŋ bɔ ni enaagbee baatamɔ. Eshigbeemɔ lɛ yɛ gbeyei, mɔ ko mɔ ko bɛ ni shɛjeɔ emii! “Ao! Yehowa, kwɛ bɔ ni minaa amanehulu, ejaakɛ henyɛlɔi eye kunim.”

Ezekiel 25:6

“Bɔ ni Yehowa kɛɔ nɛ, akɛni otswa odɛ̃, ni otumɔ kɛ miishɛɛ, ni okɛ yiŋsha ni yɔɔ omli fɛɛ nya, ni oye Israel yɔɔ waa

1 Kronika 16:21

eŋmɛɛɛ mɔ ko mɔ ko gbɛ ni efee amɛ niseniianii; ebɔ maŋtsɛmɛi kɔkɔ yɛ amɛhe,

Yeremia 12:14

Yehowa kɛɛ, “Miyɛ nɔ ko ni mikɛɔ yɛ Israel hewɔ maji fɔ̃ji ni efite shikpɔŋ ni mikɛhã mimaŋ Israel lɛ ahe. Naa, mibashwie nakai gbɔmɛi lɛ kɛje shikpɔŋ nɔ he ni amɛyɔɔ lɛ, ni mibahere Yudabii lɛ yɛ amɛdɛŋ.

Yeremia 48:14

“Moabbii, te feɔ tɛŋŋ ni nyɛkɛɔ akɛ, kãkãlɔi kɛ ta mli kãkãlɔi ji wɔ?

Obadia 1:11

Odamɔ shi yɛ afã banee, gbi ni gbɔi baloo ejwetri kɛtee lɛ. Odamɔ afã ni gbɔi bote maŋ lɛ mli ni amɛfɔ̃ oshiki kɛja emlinii amɛhã amɛhe lɛ.