Zefania 2:1 - ŊMALƐ KRƆŊKRƆŊ LƐ

¹ Ao, maŋ ni hiɛgbele tɔ ejwa, nyɛbuaa nyɛhe naa, ni nyɛsusua nyɛhe,

Ṅmãle̱ Kroṅkroṅ Le̱

¹ Nyebuaä nyehe nā ni nyesua nyehe, nye dšeṅmaṅ ni nyehĩe gboo!

Zefania 2:1 ပူးပေါင်းရင်းမြစ်များ

2 Kronika 20:4

Kɛkɛ ni Yudabii jɛjɛɛ Yuda maji wuji lɛ fɛɛ amli amɛbabua amɛhe naa yɛ Yerusalɛm koni atao Yehowa dɛŋ yelikɛbuamɔ.

Nehemia 8:1

Be ni shɛɔ nyɔŋ ni ji kpawo lɛ nɔ lɛ, Israelbii lɛ yɛ amɛmaji lɛ amli. Maŋ lɛ bluublu bakpe yɛ blohu ko ni yɔɔ Nu Agbo lɛ hiɛ lɛ mli. Amɛkɛɛ Ezra, osɔfo kɛ woloŋmalɔ lɛ, akɛ eyakɔ wolo ni Mose Mla ni Yehowa wo Israel lɛ yɔɔ mli lɛ kɛba.

Nehemia 9:1

Nakai nyɔŋ lɛ nɔ gbi ni ji nyɔŋmai enyɔ kɛ ejwɛ lɛ nɔ lɛ, Israelbii lɛ bakpe. Amɛhi ŋmãa; amɛbumɔ kpekpe, ni amɛkɛ mlu wo amɛyiteŋ.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Yeremia 6:15

Kɛji amɛfee nihiinii lɛ, ani amɛhiɛ gboɔ he? Dabida, amɛhiɛ gbooo he ekome folo nɛkɛ; amɛhiɛgbele tɔ ejwa. No hewɔ lɛ, be mli ni mibagbala miwebii lɛ atoi lɛ, amɛbaafata mɛi ni baanyɔnyɔi lɛ ahe. No baafee amɛnaagbee. Mi, Yehowa, mikɛɛ.”

Yoel 1:14

Nyɛfãa koni ahi ŋmaa krɔŋkrɔŋ, nyɛtsɛa kpee hu. Nyɛbuaa onukpai lɛ kɛ shikpɔŋ lɛ nɔ bii fɛɛ anaa kɛyaa Yehowa nyɛNyɔŋmɔ lɛ we lɛ, ni nyɛbolɔa nyɛtsɛa lɛ.

Zefania 3:5

Yehowa mɔ ni yɔɔ amɛteŋ yɛ maŋ lɛ mli lɛ, nɔ ni ja pɛ efeɔ; efeee nɔ ko ni ejaaa. Daa leebi lɛ efeɔ nɔ ni ja yɛ maŋ lɛ hiɛ, leebi ko kwraa bɛ ni efɔ̃ɔ jalɛ nii feemɔ. Shi nɔshafeelɔi lɛ ahiɛgble tɔ ejwa.

Zakaria 11:8

Mikpãtã tookwɛlɔi etɛ̃ ahiɛ yɛ nyɔŋ kome mli, ejaakɛ minaaa amɛhe tsui, ni amɛ hu amɛnyaŋe mi.

Mateo 18:20

Ejaakɛ he ni mɛi enyɔ loo mɛi etɛ̃ ebua amɛhe naa yɛ, yɛ migbɛi mli lɛ, miyɛ amɛteŋ yɛ jɛi.”