Zefania 1:7 - ŊMALƐ KRƆŊKRƆŊ LƐ

⁷ Naa, Yehowa gbi lɛ eshɛ etã, no hewɔ lɛ, nyɛfea diŋŋ yɛ ehiɛ. Yehowa esaa afɔle lɛ eto, ni etsuu emɛi ni ekpee lɛ ahe.

Ṅmãle̱ Kroṅkroṅ Le̱

⁷ Femo̱ *diṅṅ ye̱ Nuṅtšo̱ Iehowa hĩe! Edšake̱ Iehowa gbĩ le̱ ebe̱ṅke̱; edšake̱ Iehowa esā ghb-afo̱le eto, efe mei ni ekpē le̱ kroṅkroṅ. *Hab. 2,20.

Zefania 1:7 ပူးပေါင်းရင်းမြစ်များ

Hiob 24:1

“Mɛɛba Ofe lɛ etooo be pɔtɛ̃ɛ ni ekojoɔ, ni mɛɛba mɛi ni sɔmɔɔ lɛ tete leee ekojomɔ bei lɛ?

Lalai 46:10

“Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

Yesaia 13:3

Mi diɛŋtsɛ mifã mimɛi krɔŋkrɔŋi lɛ, ni ji mitabilɔi kakabãi lɛ, koni amɛkɛ mɛi ni nyaa kɛ hewoo lɛ aye yɛ mimlifu lɛ naa.

Yesaia 13:6

Nyɛwɔa lele ejaakɛ gbi ni Yehowa to lɛ eshɛ shi etã. Akɛni niiahiɛkpãtãmɔ lɛ jɛ Ofe lɛ dɛŋ lɛ, ebaaba mli kɛ̃.

Yesaia 2:12

Ejaakɛ Yehowa, Taiatsɛ lɛ, yɛ gbi ko ni eto ni ekɛbaaba ntɛŋfeemɔ kɛ henɔwomɔ kɛ hetsɔ̃ɔmɔ fɛɛ shi.

Yesaia 29:2

Kɛ̃lɛ mi, Nyɔŋmɔ mahã hejaramɔ aba Yerusalɛm nɔ. Ŋkɔmɔyeli kɛ kɛ̃ɛmɔ aaaba maŋtso muu lɛ fɛɛ nɔ, ni Yerusalɛm baayi obɔ̃ kɛ lá tamɔ afɔleshãa latɛ ni lá ewu he kpɔtɔɔ.

Yesaia 34:5

Yehowa esaa klante lɛ eto yɛ ŋwɛi. Naa, klante lɛ baayi Edom nɔ, maŋ ni ajɔɔ enɔ aha hiɛkpãtãmɔ lɛ.

Yesaia 34:6

Yehowa klante lɛ amɛlá kɛ fɔ ewu he kpɔtɔɔ; tamɔ too gwantɛŋi kɛ too kpakpoi alá kɛ agbɛnɛ ojwɛnii asabai ahe fɔ ni akɛshã afɔle. Ejaakɛ Yehowa miishã afɔle yɛ Bozra, ni ebaakpãtã wala hiɛ waa diɛŋtsɛ yɛ Edom.

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Yeremia 46:10

Nuŋtsɔ Nyɔŋmɔ, Yehowa Taiatsɛ lɛ, gbi nɛ, gbi nɛɛ ji oweletɔɔ gbi ni ekɛbaatɔ ehe owele yɛ ehenyɛlɔi lɛ anɔ. Klante baaye nii ni etɔ, klante baanu lá ni etɔ lɛ dãa, ejaakɛ Nuŋtsɔ Nyɔŋmɔ Taiatsɛ lɛ miigbe ehenyɛlɔi tamɔ afɔle kooloi yɛ kooyigbɛ shikpɔŋ lɛ nɔ yɛ Eufrate Faa lɛ he.

Ezekiel 7:10

Naa, gbi lɛ nɛ! Naa, eeba! Ohiɛkpãtãmɔ be lɛ eshɛ toikɔdɔmɔ saneyeli egba afofro; ni hewoo hu egba ahwanya.

Ezekiel 7:7

Naa eeba! Nyɛshikpɔŋ lɛ nɔ bii nyɛhiɛkpãtãmɔ be lɛ enina nyɛ! Be lɛ eshɛ; gbi lɛ ebɛŋkɛ, gbi ni abaanu bolɔmɔ, ni ejeee miishɛɛ bolɔmɔ, shi moŋ hejaramɔ bolɔmɔ yɛ gɔji lɛ anɔ lɛ.

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Yoel 2:11

Yehowa woɔ egbee, ni efãa eta lɛ. Esra lɛ da naakpa, ni mɛi ni yeɔ efãmɔi lɛ anɔ lɛ, anyɛɛɛ amɛ akane. Yehowa gbi lɛ, ebaafee gbeyei! Namɔ po aaanyɛ naa adamɔ?

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Amos 6:10

Ni kɛji mɛi ni egbo lɛ eko wekunyo, mɔ ni fuɔ lɛ, baaba koni ebawo gbonyo lɛ kɛje shĩa lɛ, wekunyo nɛɛ baabi mɔ ni yɔɔ shĩa lɛ mli akɛ, “Ani eshwɛ mɔ ko lolo hɔ shĩa lɛ mli fata ohe lo?” Mɔ lɛ aaahere nɔ akɛ, “Dabida!” Gbonyo lɛ wekunyo lɛ baakɛɛ akɛ, “Feemɔ diŋŋ. Wɔkwɛ jogbaŋŋ ni wɔkatsi Yehowa gbɛi tã.”

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Habakuk 2:20

Naa, Yehowa yɛ eSɔlemɔ we krɔŋkrɔŋ lɛ mli, shikpɔŋ lɛ nɔ gbɔmɛi fɛɛ afee diŋŋ yɛ ehiɛ.

Zefania 1:14

Yehowa gbi wulu lɛ ebɛŋkɛ etã, eeba nɔŋŋ. Gbi lɛ baajoo naakpa, ejaakɛ nakai gbi lɛ, kãkãlɔi tete baafo waa.

Zakaria 14:1

Naa, Yehowa gbi ko miiba, ni ta mli nii ni henyɛlɔi ha yɛ bo Yerusalɛm omli lɛ, abaaja yɛ bo nɔŋŋ omli.

Zakaria 2:13

Gbɔmɛi fɛɛ afee dioo yɛ Yehowa hiɛ, ejaakɛ ete shi kɛjɛ eshihilɛhe krɔŋkrɔŋ lɛ.

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Mateo 22:4

Esaa etsu tsuji krokomɛi ekɛɛ, ‘Nyɛyakɛa mɛi ni akpee lɛ akɛ, naa, migbe miniyenii lɛ anaa; agbe mitsinai lɛ kɛ milɛɛ kooloi lɛ, ni agbe nɔ fɛɛ nɔ naa: nyɛbaa yookpeemɔ lɛ!’

Romabii 3:19

Shi agbɛnɛ wɔle akɛ nibii fɛɛ ni Mla lɛ kɛɔ lɛ, mɛi ni yɔɔ Mla lɛ shishi lɛ ekɛwieɔ, koni mɔ ko mɔ ko akana naabu, ni jeŋ muu lɛ fɛɛ aye fɔ yɛ Nyɔŋmɔ hiɛ.

Romabii 9:20

Shi, bo gbɔmɔ, namɔ ji bo, ni okɛ Nyɔŋmɔ kaneɔ? Ani nɔ ni ashɔ̃ lɛ aaabi mɔ ni shɔ̃ lɛ lɛ akɛ, “Mɛɛba oshɔ̃ mi nɛkɛ?”

Filipibii 4:5

Nyɛmlijɔlɛ lɛ nyɛhãa gbɔmɛi fɛɛ alea! Nuŋtsɔ lɛ ebɛŋkɛ.

Kolosebii 1:12

Ni nyɛdaa Tsɛ lɛ shi, mɔ ni hã wɔfee mɛi ni sa krɔŋkrɔŋbii ni yɔɔ la lɛ mli lɛ agboshinii lɛ eko yeli.

1 Samuel 16:5

Samuel jie naa ekɛɛ akɛ, “Hejɔlɛ baa miba! Miba mibashã afɔle mahã Yehowa. Nyɛtsuua nyɛhe, ni nyɛ kɛ mi ayaa afɔle lɛ shãa.” Etsuu Yeshai kɛ ebihii lɛ ahe, ni ekpee amɛ kɛtee afɔleshãahe lɛ.

1 Samuel 20:26

shi Saul ekɛɛɛ nɔ ko nakai gbi lɛ, ejaakɛ esusumɔ ji, “Sane ko eba David nɔ, ni etsuuko ehe, ni no hewɔ lɛ, ehe tseee.”