Zefania 1:6 - ŊMALƐ KRƆŊKRƆŊ LƐ

⁶ Mibakpãtã mɛi fɛɛ ni ekpale, ni amɛjaaa Yehowa lɛ dɔŋŋ lɛ ahiɛ, ni ji mɛi ni taooo mi, Yehowa lɛ, misɛɛgbɛ aloo amɛbiii mi nii dɔŋŋ lɛ.”

Ṅmãle̱ Kroṅkroṅ Le̱

⁶ ke̱ mei ni kpaleo̱ ke̱-dše̱o̱ Iehowa se̱, ke̱ mei ni taoo Iehowa se̱gbe̱, ni ame̱bii eši hũ le̱!

Zefania 1:6 ပူးပေါင်းရင်းမြစ်များ

2 Samuel 22:22

Miye Yehowa mlai lɛ fɛɛ anɔ, ni mishiko miNyɔŋmɔ lɛ.

2 Kronika 15:13

ni asaŋ mɔ fɛɛ mɔ ni jaaa Israel Nyɔŋmɔ lɛ, mɔ lɛ gbekɛ ni jio, onukpa ni jio, nuu ni jio, yoo ni jio, abaagbe lɛ.

Lalai 10:4

Mɔ fɔŋ hewoo mli lɛ etaooo Yehowa sɛɛgbɛ; eyiŋ fɛɛ lɛ, “Nyɔŋmɔ ko bɛ.”

Lalai 125:5

Shi mɛi ni kpaleɔ kɛyaa amɛgbɛi gbohii anɔ lɛ, Yehowa aaaloo amɛ kɛ mɛi ni tsuɔ nifɔɔjianii lɛ kɛaatee. Toiŋjɔlɛ aba Israel!

Lalai 36:3

Edaaŋ wiemɔi fɛɛ lɛ, efɔŋ kɛ shishiumɔ sɔŋŋ ni; eshi nilee kɛ ekpakpafeemɔ sɛɛ.

Yesaia 1:4

Ao! Eshafeelɔi amaŋ, gbɔmɛi ni eyi tɔ kɛ eshafeemɔ, efɔŋfeelɔi ashwiei, gbɔmɛi nifitelɔi ni amɛkwa Yehowa, ni amɛgbe Israel Mɔ Krɔŋkrɔŋ lɛ he guɔ, ni amɛ kɛ lɛ teŋ etserɛ kwraa.

Yesaia 43:22

Yehowa kɛɛ, “Israel, ojaaa mi! Israel, ogbaaa ohe naa yɛ mihe!

Yesaia 9:12

Siriabii miijɛ bokãgbɛ, ni Filistibii hu miijɛ anaigbɛ amɛba kɛ amɛdaaŋ ni amɛgbɛ hatoo amɛkɛbami Israel. Kɛ̃lɛ fɛɛ sɛɛ lɛ Yehowa mlifu lɛ naa ejɔŋ; etoigbalamɔ nine lɛ ekpã mli lolo.

Yesaia 9:13

Israelbii lɛ kpaleee amɛbaaa mɔ ni gbala amɛtoi lɛ ŋɔɔ lɛ, amɛtaooo Yehowa, Taiatsɛ lɛ, sɛɛgbɛ.

Yeremia 10:25

Gbalamɔ majimaji lɛ ni leee bo lɛ atoi, ni okɛ mɛi hu ni jaaa bo lɛ aye, ejaakɛ amɛkpãtã Yakob shwiei lɛ ahiɛ, amɛplenee amɛ butuu, ni amɛfee amɛshihilɛhei lɛ amaŋfɔ̃.

Yeremia 15:6

Okwa mi, ni sɛɛsɛɛ kɛkɛ oyaa; no hewɔ ni miwo minine nɔ yɛ onɔ ni mikpãtã ohiɛ lɛ; ohe musuŋtsɔlɛ etɔ mi.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Yeremia 2:17

Israel, aso jeee bo diɛŋtsɛ oyatao nɛkɛ sane ohã ohe akɛ okwa Yehowa, oNyɔŋmɔ lɛ, be mli ni ekpalaa bo yɛ gbɛ lɛ nɔ lɛ?

Yeremia 3:10

Ni yɛ enɛɛmɛi fɛɛ asɛɛ lɛ Yuda, Israel nyɛmiyoo ni yeee anɔkwa lɛ, kpaleee kɛbaaa miŋɔɔ kɛ etsui fɛɛ, shi moŋ kwa ekwa eba miŋɔɔ. Mi Yehowa, mikɛɛ.”

Ezekiel 3:20

“Miikɛ bo ekoŋŋ akɛ, kɛji mɔ ni feɔ nɔ ni ja kpa ejalɛ nifeemɔi lɛ, ni efee nɔ ni ejaaa lɛ, ni mito lɛ pampi lɛ, ebaagbo; ejaakɛ obɔɔɔ lɛ kɔkɔ; no hewɔ lɛ, ebaagbo yɛ ehe esha lɛ hewɔ, ni ejalɛ nii ni efee pɛŋ lɛ akaiŋ; shi elá lɛ, bo odɛ̃ŋ mabi shi yɛ.

Hosea 11:7

Beiaŋ ni mimɛi lɛ ekã akɛ shimɔ nɔŋŋ kɛ̃ amɛaashi mi lɛ, kɛ̃ɛmɔ nɔŋŋ kɛ̃ amɛaakɛ̃mɔ yɛ amɛkɔŋtso ni kã amɛkuɛ lɛ hewɔ, shi mɔ ko woŋ yɛ amɛnɔ.

Hosea 7:10

Israel shwãanii lɛ miiye odase miishi lɛ moŋ, shi kɛ̃lɛ maŋbii lɛ kpaleee koni amɛba mi, Yehowa amɛNyɔŋmɔ lɛ, ŋɔɔ, aloo koni amɛtao misɛɛgbɛ.

Hosea 7:7

“Amɛkɛ mlila ni yɔɔ amɛmli lɛ gbegbee amɛnɔyelɔi lɛ. Amɛmaŋtsɛmɛi lɛ fɛɛ nyɔnyɔi, shi amɛteŋ mɔ ko mɔ ko kwraa ebooo etsɛɛɛ mi.”

Zefania 3:2

Ebooo mɔ ko mɔ ko wiemɔ toi lɛ, ekpɛlɛ̃ɛɛ tsɔsemɔ hu; ekɛ ehiɛ efɔ̃ɔɔ Yehowa nɔ lɛ, etsiii ebɛŋkɛɛɛ eNyɔŋmɔ lɛ.

Romabii 3:11

nilelɔ ko bɛ, mɔ ko mɔ ko bɛ ni taoɔ Nyɔŋmɔ sɛɛgbɛ.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Yoshua 23:12

Ejaakɛ naa, kɛji nyɛfeee nakai, shi moŋ nyɛkwa lɛ, ni nyɛkɛ nyɛhe yabɔ maji ni anɔ bii ni eshwɛ futu nyɛteŋ nɛɛ ahe, ni nyɛ kɛ amɛ botebotee gbãlãshihilɛ mli, ni nyɛkɛ amɛyei hihii shi, ni amɛ hu amɛkɛ nyɛyei hihii shi lɛ,

1 Samuel 15:11

“Mishwa mihe akɛ miwo Saul maŋtsɛ, ejaakɛ ekpale yɛ misɛɛ, ni eyeee mikitãi lɛ anɔ.” Sane lɛ fee Samuel mlifu, ni esɔle ekpa Yehowa fai nyɔɔŋnyɔɔŋ fɛɛ.