Zefania 1:5 - ŊMALƐ KRƆŊKRƆŊ LƐ

⁵ Mibakpãtã mɛi fɛɛ ni kwɔɔ kɛyaa tsui ayiteiaŋ amɛyajaa hulu kɛ nyɔɔŋtsere kɛ ŋulamii yɛ jɛi lɛ ahiɛ. Mibakpãtã mɛi hu ni kotoɔ Yehowa lɛ, ni amɛkãa lɛ kitã akɛ amɛbaaye lɛ anɔkwa, shi amɛkɛ jemawɔŋ Molek gbɛi lɛ kãa kitã ahiɛ.

Ṅmãle̱ Kroṅkroṅ Le̱

⁵ ke̱ mei hũ ni dšáa ṅwei asafo le̱ ye̱ *tšũiayiteaṅ le̱, ke̱ mei ni dšáa Iehowa ni ame̱kãale̱ kitã ni ame̱sā ame̱kãmoo̱ †Malkam hũ kitā le̱, *Ier. 19,13. †Ier. 49,1.

Zefania 1:5 ပူးပေါင်းရင်းမြစ်များ

1 Maŋtsɛmɛi 11:33

Mibafee enɛ, ejaakɛ Solomon ekwa mi, eyaja Astarte, Sidonbii lɛ anyɔŋmɔ lɛ, kɛ Kemosh, Moab nyɔŋmɔ lɛ, kɛ Molek, Amonbii anyɔŋmɔ lɛ; ebaaa ejeŋ jogbaŋŋ koni efee jalɛnii ni sa mihiɛ ni eye mikpɔi kɛ mimlai lɛ anɔ, tamɔ bɔ ni etsɛ David fee lɛ.

1 Maŋtsɛmɛi 11:5

Ejaakɛ Solomon yaja Astarte, Sidonbii lɛ anyɔŋmɔ lɛ, kɛ Molek, Amonbii lɛ anyɔŋmɔ, ni Yehowa hiɔ lɛ.

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

2 Maŋtsɛmɛi 17:32

Amɛja amɛ diɛŋtsɛ amɛnyɔŋmɔi nɛɛ, tamɔ bɔ ni amɛfeɔ momo dani aŋɔ amɛ kɛba Israel lɛ. Amɛja Yehowa hu, shi moŋ amɛhala amɛteŋ mɛi komɛi nɔŋŋ, ni amɛwo amɛ osɔfoi yɛ amɛjamɔ hei lɛ; ni osɔfoi nɛɛ ji mɛi ni shãa afɔlei amɛhãa maŋbii lɛ yɛ jamɔ hei grɔŋŋi lɛ.

2 Maŋtsɛmɛi 17:33

No hewɔ lɛ, amɛjaa Yehowa, ni asaŋ amɛjaa amɛ diɛŋtsɛ amɛnyɔmɔi lɛ hu, tamɔ bɔ ni eyɔɔ yɛ jeŋmaji ni ayaloo amɛ kɛjɛ mli kɛba lɛ akusumi yɔɔ lɛ.

2 Maŋtsɛmɛi 17:41

No hewɔ lɛ, nɛkɛ jeŋmaji nɛɛ ja Yehowa, shi amɛsɔ̃mɔ amɛmãgãi lɛ hu. Amɛbii kɛ amɛbii abii hu, bɔ ni amɛtsɛmɛi lɛ fee lɛ, nakai nɔŋŋ amɛ hu amɛfeɔ kɛbashi ŋmɛnɛ gbi nɛɛ.

2 Maŋtsɛmɛi 23:12

Ni afɔleshãa latɛ ni yɔɔ Maŋtsɛ Ahaz ŋwɛitsu lɛ yiteŋ ni Yuda maŋtsɛmɛi lɛ fee, kɛ afɔleshãa latɛi lɛ ni maŋtsɛ Manase fee yɛ Yehowa we lɛ kpoi enyɔ lɛ anɔ lɛ, Maŋtsɛ Yosia kumɔ eshwie shi, ni egbɛlɛ, ni eloo kɛjɛ jɛi, ni ekɛyawo Kidron Jɔɔ lɛ mli.

Yesaia 22:1

Ninaa ni kɔɔ Ninaa Jɔɔ lɛ he nɛ. Mɛni ji tsui ayiteŋ ni bo kɛ omɛi fɛɛ ekwɔ kɛtee nɛɛ?

Yesaia 44:5

Mɔnɛ baakɛɛ mɔnɛ akɛ, ‘Yehowa nɔ ji mi;’ ni mɔ kroko aaaŋɔ Yehowa gbɛi awo ehe, ni mɔ ko hu aaaŋma yɛ enine he akɛ, ‘Yehowa nɔ nɛ’, ni eeeŋɔ Yehowa gbɛi ewo ehe.”

Yesaia 45:23

Mikɛ mi diɛŋtsɛ migbɛi ekã mihe kitã: Jalɛ wiemɔ ko eje minaa, ni ekuŋ esɛɛ efolo. Nakutso fɛɛ nakutso aaakũla mi, ni lilɛi fɛɛ lilɛi aaakã kitã akɛɛ akɛ,

Yesaia 48:1

Nyɛ Israelbii, nyɛ mɛi ni akɛ Israel gbɛi ewo nyɛ, ni nyɛjɛ Yuda mli, nyɛboa enɛ toi! Nyɛkɛ Yehowa gbɛi lɛ kãa kitã, ni nyɛkɛɔ akɛ Israel Nyɔŋmɔ lɛ, lɛ ji Nyɔŋmɔ, shi anɔkwale kome nɛkɛ bɛ mli.

Yeremia 12:16

Ni kɛji be ni aaashɛ nakai be lɛ amɛkase mimɛi lɛ ajeŋba, ni amɛkɛ migbɛi aaakã kitã akɛ, ‘Mina Yehowa, tamɔ bɔ ni amɛtsɔ̃ɔ mimaŋbii lɛ Baal gbɛi kɛ kitãkãmɔ lɛ, no lɛ mibaŋɔ amɛ mashi mimɛi lɛ anɔ.’

Yeremia 19:13

Yerusalɛm maŋ lɛ mli shĩai kɛ Yuda maŋtsɛmɛi awei fɛɛ he ni ashãshãa tsofakɛŋma yɛ amɛtsui lɛ ayiteiaŋ akɛhã ŋulamii, asaŋ ni akɛ dãa shwie shi ahã nyɔŋmɔi krokomɛi yɛ jɛi lɛ, abaabule amɛ fɛɛ tswɛm tamɔ Tofet.’ ”

Yeremia 32:29

Babilonbii ni ebatua maŋ lɛ baana abote maŋ lɛ mli, ni amɛbaama maŋ lɛ naa la koni amɛshã. Amɛbaashã shĩai ni maŋbii lɛ shã tsofakɛŋma yɛ amɛyiteiaŋ amɛkɛhã Baal, asaŋ ni amɛfɔse wain hu amɛshwie shi akɛ afɔle yɛ jɛi amɛhã nyɔŋmɔi krokomɛi, ni amɛkɛ nakai feemɔ wo mimli la lɛ.

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Yeremia 49:1

Nɔ ni Yehowa kɛɛ yɛ Amonbii ahe nɛ, “Ani Israel bɛ bihii, aloo Israel bɛ mɛi ni yeɔ enii hewɔ ni mɛi ni jaa wɔŋ Molek lɛ ebaŋɔ Gadbii ashikpɔŋ, ni amɛbahi jɛi maji lɛ amli lɛ?

Yeremia 5:2

Tsɛbelɛ amɛkɛɔ akɛ, “Wɔna Yehowa” shi amale kitã amɛkãa lɛ.

Yeremia 5:7

“Te aaafee tɛŋŋ manyɛ mikɛfa bo hu? Obii lɛ kwa mi, ni amɛtsɛɔ nibii ni jeee nyɔŋmɔi amɛkɛkãa kitã. Kɛji mihã amɛ nii amɛye ni amɛtɔrɔ lɛ, kɛkɛ lɛ amɛje mi, amɛwu lɛ, sɛɛ amɛtee ajwamãŋi awe.

Yeremia 7:10

kɛkɛ lɛ nyɛba nyɛbadamɔ mihiɛ yɛ mishĩa nɛɛ ni nyɛmiikɛɛ akɛ, ‘Wɔhe eje mli;’ kɛkɛ lɛ no sɛɛ lɛ nyɛtee nyɛyafee nihiinii ni mihiɔ lɛ ekoŋŋ lo?

Yeremia 7:9

Aso nyɛaaju, ni nyɛaagbe gbɔmɔ, ni nyɛaafite gbãlã, ni nyɛaakãmɔ amale kitãi, ni nyɛaashã tsofakɛŋma nyɛkɛhã Baal, ni nyɛaayaja nyɔŋmɔi krokomɛi ni nyɛleee,

Yeremia 8:2

Abaagbɛ wui nɛɛ amli aka hulu kɛ nyɔɔŋtsere kɛ ŋulamii, ni ji nibii ni amɛsumɔ ni amɛsɔ̃mɔ, ni no hewɔ lɛ, amɛyanyiɛ amɛsɛɛ ni amɛja amɛ lɛ. Abuaŋ amɛwui nɛɛ anaa, ni afuŋ hu; shi moŋ amɛbaatsɔ̃ tamɔ wamɔ yɛ tumo nɔ.

Hosea 10:2

Amɛyeee anɔkwa, ni no hewɔ lɛ, agbɛnɛ, amɛbaana he nyɔmɔwoo. Yehowa baakumɔ amɛfɔleshãa latɛi lɛ eshwie shi, ni ebaafite amɛshiui lɛ.

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

Amos 5:26

Nyɛbaawo nyɛmãgãi ni nyɛfee nyɛhã nyɛhe ni ji nyɛmaŋtsɛ Sakut kɛ Kaiwan hu nyɛtere;

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Bɔfoi 10:9

Enɔ jetsɛremɔ, be ni amɛnyiɛ gbɛ lɛ nɔ ni amɛbɛŋkɛ maŋ lɛ, Petro tee sɔlemɔ yɛ tsu yiteŋ aaafee shwane ŋmɛlɛ nyɔŋma kɛ enyɔ mli.

Romabii 14:11

Ejaakɛ aŋma akɛ, “Nuŋtsɔ lɛ kɛɛ, ‘Akɛni mihiɛ kã nɛɛ nakutso fɛɛ nakutso aaakula shi ahã mi, ni lilɛi fɛɛ lilɛi aaajaje Nyɔŋmɔ atsɔ̃ɔ.’ ”

5 Mose 10:20

Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

5 Mose 4:19

Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

Yoshua 23:7

bɔ ni afee ni maji krokomɛi anɔ bii ni ashi futu nyɛ lɛ asu ko akabagbale nyɛ ni nyɛmiitsɛ amɛnyɔŋmɔi lɛ agbɛii nyɛkɛmiikã kitã, aloo ni nyɛsɔ̃mɔ amɛ, aloo nyɛja amɛ.