Zefania 1:2 - ŊMALƐ KRƆŊKRƆŊ LƐ

² Yehowa kɛɛ akɛ, Mibakpãtã nibii fɛɛ ahiɛ yɛ shikpɔŋ lɛ nɔ.

Ṅmãle̱ Kroṅkroṅ Le̱

² Makpãtã nii fẽ hĩe ke̱-adše̱ šikpoṅ le̱ no̱! Iehowa kē̱.

Zefania 1:2 ပူးပေါင်းရင်းမြစ်များ

1 Mose 6:7

No hewɔ lɛ, Yehowa kɛɛ akɛ, “Makpãtã gbɔmɔ ni mibɔ lɛ lɛ hiɛ kɛje shikpɔŋ lɛ nɔ kɛjɛ gbɔmɔ nɔ aahu kɛyashi kooloi kɛ nii ni wamɔɔ kɛ loofɔji anɔ ejaakɛ shi edɔ mi akɛ mibɔ amɛ.”

2 Kronika 24:24

Tabilɔi ni Siriabii lɛ kɛba ta lɛ ayikulɛ fioo, kɛ̃lɛ Yehowa hã amɛye Yuda tabilɔi babaoo lɛ anɔ kunim, ejaakɛ Yudabii lɛ ekwa Yehowa, amɛtsɛmɛi aNyɔŋmɔ lɛ. Enɛ nɔ tsɔ̃ ni agbala Maŋtsɛ Yoash toi.

2 Kronika 36:21

No hewɔ lɛ, Yehowa wiemɔ ni ekɛtsɔ̃ Gbalɔ Yeremia nɔ lɛ ba mli akɛ, “Shikpɔŋ lɛ baakã shi akɛ amaŋfɔ̃ afii nyɔŋmai kpawo koni ehe ni kulɛ esa akɛ ejɔɔ ni enaaa ejɔɔ lɛ ena ejɔɔ.” Ejaakɛ gbii abɔ fɛɛ ni shikpɔŋ lɛ kã shi amaŋfɔ̃ ni ahuuu nɔ lɛ, eeeye hejɔɔmɔ gbii lɛ kɛyaashi afii nyɔŋmai kpawo lɛ aaashɛ.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yeremia 34:22

Naa, mibafã, Yehowa kɛɛ, ni mahã amɛku amɛsɛɛ kɛba ni amɛbaatua maŋ nɛɛ, ni amɛbaaye nɔ, ni amɛbaama maŋ lɛ naa la amɛshã. Mibahã Yuda maji lɛ atsɔ̃mɔ amaŋfɔ̃i ni gbɔmɛi bɛ mli.”

Yeremia 36:29

Ni Yuda Maŋtsɛ Yehoiakim lɛ, nɔ ni okɛɛ yɛ ehe nɛ. Bɔ ni Yehowa kɛɔ nɛ, ‘Bo lɛ oshã nɛkɛ wolo kpo nɛɛ, ni obi Yeremia akɛ mɛni hewɔ oŋma yɛ wolo kpo lɛ mli akɛ, Babilon maŋtsɛ lɛ baaba kɛ̃ koni ebafite shikpɔŋ nɛɛ, koni ekpãtã enɔ gbɔmɛi kɛ kooloi fɛɛ ahiɛ lɛ.’

Yeremia 7:20

No hewɔ lɛ, mi, Yehowa, bɔ ni mikɛɔ nɛ, ‘Naa, mimli baafu, ni mimli baawo Sɔlemɔ we nɛɛ, gbɔmɛi kɛ kooloi kɛ ŋa nɔ tsei kɛ ŋmɔshi niyenii fɛɛ la. Mimlila lɛ naa baawa tamɔ la ni miitso, ni anyɛŋ agbe.’ ”

Yāfó 2:17

Yehowa etsu eyiŋtoo lɛ he nii; nɔ ni ekɛɛ lɛ efee tamɔ bɔ ni eto jeeŋmɔ ko lɛ. Ekpãtã nibii ahiɛ ni mɔbɔnalɛ bɛ mli; ehã henyɛlɔ lɛ eye bo yɔɔ. Ni ehã ohenyɛlɔi lɛ ena onɔ hewalɛ.

Mika 7:13

Shi shikpɔŋ lɛ aaatsɔ̃ shiaŋa yɛ enɔ bii lɛ anifɔ̃ɔjianii ni amɛfeɔ lɛ ahewɔ.