Yuda 1:25 - ŊMALƐ KRƆŊKRƆŊ LƐ

²⁵ Nyɔŋmɔ koome ni ji wɔyiwalaherelɔ kɛtsɔ̃ wɔNuŋtsɔ Yesu Kristo nɔ lɛ, lɛ aŋɔ anunyam kɛ agbojee kɛ hewalɛ kɛ hegbɛ ahã kɛjɛ naanɔ agbɛnɛ kɛ naanɔ fɛɛ. Amen!

Ṅmãle̱ Kroṅkroṅ Le̱

²⁵ Nyoṅmo̱ ni dši nilelo̱ kōme ke̱ wo̱yiwalaherelo̱ ye̱ Iesu Kristo, wo̱-Nuṅtšo̱ le̱, hewo̱ le̱, le̱ aṅó̱ anumnyam ke̱ agbodšē, no̱yeli ke̱ hegbe̱ fẽ ahã agbe̱ne̱ ke̱ dã! Amen. Rom. 16,27. 1 Tim. 1,17.

Yuda 1:25 ပူးပေါင်းရင်းမြစ်များ

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Lalai 104:24

Oo Yehowa, onitsumɔi lɛ fa naakpa, fɛɛ jɛ onilee mli. Shikpɔŋ lɛ nɔ eyi tɔ kɛ onibɔɔnii sɔŋŋ.

Lalai 147:5

WɔNuŋtsɔ lɛ je agbo; ni ehewalɛ fa naakpa, ni enilee lɛ anaaa naa.

Lalai 78:20

Etswa tɛsaa lɛ nɔ, ni nuhiŋmɛi tsɛ̃ kɛjɛ mli; ni eyi kɛteke nɔ etsɔ̃ faa tete. Ani eeenyɛ niyenii hu eduro, aloo ehã emaŋ lɛ loo lo?”

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Luka 1:47

ni mimumɔ mli miifili lɛ yɛ Nyɔŋmɔ miyiwalaherelɔ lɛ hewɔ,

Yohane 4:22

Nyɛ lɛ, nyɛleee mɔ ni nyɛjaa; wɔ lɛ, wɔle mɔ ni wɔjaa, ejaakɛ walaheremɔ lɛ, Yudafoi lɛ aŋɔɔ ejɛ.

Yohane 5:44

Te aaafee tɛŋŋ ni nyɛaanyɛ nyɛhe nyɛyeŋ, nyɛ ni nyɛtaoɔ anunyam yɛ nyɛteaŋ, shi anunyam ni jɛɔ Nyɔŋmɔ koome lɛ ŋɔɔ lɛ nyɛdii sɛɛ lɛ?

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

Romabii 16:27

lɛ Nyɔŋmɔ ni ji nilelɔ kometoo lɛ, aŋɔ anunyam ahã lɛ, yɛ Yesu Kristo mli kɛyashi naanɔ. Amen!

Efesobii 1:8

Ehã dromɔ fa kɛteke nɔ ehã wɔ yɛ jwɛŋmɔ kɛ niiashishinumɔ fɛɛ mli lɛ.

Efesobii 3:10

koni agbɛnɛ atsɔ̃ asafo lɛ nɔ ahã onukpai kɛ mɛi ni yɔɔ hegbɛ yɛ ŋwɛiniiaŋ lɛ ale Nyɔŋmɔ nilee ni jieɔ ehe kpo yɛ gbɛi srɔtoi pii anɔ lɛ.

Efesobii 3:21

lɛ aŋɔ anunyam ahã yɛ asafo lɛ mli kɛ Kristo Yesu mli yɛ yinɔi fɛɛ nɔ kɛyashi naanɔi anaanɔ. Amen!

1 Timoteo 1:17

Shi naanɔi aMaŋtsɛ lɛ, mɔ ni gbooo, mɔ ni anaaa, mɔ ni ji Nyɔŋmɔ kome lɛ, aŋɔ woo kɛ anunyam ahã kɛyashi naanɔi anaanɔ. Amen!

1 Timoteo 2:3

Ejaakɛ enɛ hi ni esa Nyɔŋmɔ ni ji wɔyiwalaherelɔ lɛ hiɛ.

Tito 2:10

amɛkashara nii, shi moŋ amɛhã ana amɛ akɛ mɛi ni yeɔ anɔkwa kɛmɔ shi, koni amɛkɛwula Nyɔŋmɔ ni ji wɔyiwalaherelɔ lɛ tsɔ̃ɔmɔ lɛ yɛ nibii fɛɛ mli.

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Tito 3:4

Shi be ni Nyɔŋmɔ ni ji wɔyiwalaherelɔ lɛ mlihilɛ kɛ egbɔmɛiahedɔɔ lɛ pue lɛ,

Hebribii 13:8

Yesu Kristo lɛ, bɔ ni eyɔɔ nyɛ kɛ ŋmɛnɛ lɛ, nakai nɔŋŋ eyɔɔ kɛyaa naanɔ.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!