Yuda 1:18 - ŊMALƐ KRƆŊKRƆŊ LƐ

¹⁸ Amɛkɛɛ nyɛ akɛ, “Naagbee be lɛ mli lɛ, hefɛoyelɔi ni nyiɛɔ yɛ amɛ diɛŋtsɛ amɛkɔnɔi fɔ̃ji lɛ anaa lɛ aaaba.”

Ṅmãle̱ Kroṅkroṅ Le̱

¹⁸ ake̱ ame̱ké̱uye ake̱ *nāgbē be le̱ mli le̱ hefe̱oyelo̱i ni nyieo̱ ye̱ ame̱dientše̱ ame̱ko̱no̱i fõdši le̱ anã le̱ aaba. *1 Tim 4,1. 2 Pet. 3,3.

Yuda 1:18 ပူးပေါင်းရင်းမြစ်များ

Bɔfoi 20:29

Ejaakɛ mile akɛ, kɛ mikpa mihe lɛ, klãji fulɔi baabote nyɛteŋ, ni amɛbaŋ toiku lɛ yi.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

2 Timoteo 4:3

Ejaakɛ be ko baaba ni gbɔmɛi ekpɛlɛŋ tsɔ̃ɔmɔ kpakpa lɛ dɔŋŋ, shi moŋ amɛaabua tsɔɔlɔi anaa amɛwo amɛhe yɛ amɛ diɛŋtsɛ amɛkɔnɔi lɛ anaa, ejaakɛ amɛtoiiaŋ miifɛlɛ̃ amɛ;

2 Petro 2:1

Shi amalegbalɔi hu te shi yɛ Israelbii lɛ ateŋ, tamɔ bɔ ni amaletsɔ̃ɔlɔi baaba nyɛ hu nyɛteŋ lɛ. Amɛkɛ hiɛkpãtãmɔ tsɔ̃ɔmɔi aaaba nigii, ni Nuŋtsɔ lɛ ni kpɔ̃ amɛ lɛ po, amɛaakwa lɛ, ni amɛkɛ hiɛkpãtãmɔ ni he yɔɔ oya aaaba amɛ diɛŋtsɛ amɛnɔ.

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,

Yuda 1:16

Mɛnɛɛmɛi ji huhuuhu wielɔi kɛ krɔlɔi ni nɔ esaaa amɛhiɛ, ni nyiɛɔ yɛ amɛ diɛŋtsɛ amɛkɔnɔi anaa, ni amɛnaabu wieɔ naafuu wiemɔi, ni amɛsumɔɔ mɛi ahiɛsaa yɛ sɛɛnamɔ hewɔ.

Yuda 1:4

Ejaakɛ gbɔmɛi komɛi eju shi ebabote wɔteŋ, mɛi ni blema beebe ajɛ aŋma amɛhe sane afɔ̃ shi ahã nɛkɛ kojomɔ nɛɛ, mɛi ni sheee Nyɔŋmɔ gbeyei ni ŋɔɔ wɔNyɔŋmɔ dromɔ lɛ amɛbɔɔ nyɛnyɛŋtswi, ni amɛkwaa Nyɔŋmɔ ni ji nɔyelɔ koome lɛ kɛ wɔNuŋtsɔ Yesu Kristo lɛ.