Yuda 1:16 - ŊMALƐ KRƆŊKRƆŊ LƐ

¹⁶ Mɛnɛɛmɛi ji huhuuhu wielɔi kɛ krɔlɔi ni nɔ esaaa amɛhiɛ, ni nyiɛɔ yɛ amɛ diɛŋtsɛ amɛkɔnɔi anaa, ni amɛnaabu wieɔ naafuu wiemɔi, ni amɛsumɔɔ mɛi ahiɛsaa yɛ sɛɛnamɔ hewɔ.

Ṅmãle̱ Kroṅkroṅ Le̱

¹⁶ Mene̱mei dši hũhũhũ-wielo̱i ke̱ kro̱lo̱i ni nõ esaa ame̱hīe, ni nyieo̱ ame̱dientše̱ ame̱ko̱no̱i fõdši anã, ni ame̱nãbu wieo̱ nāfū-wiemo̱i, ni ame̱kwe̱o̱ gbomei ahīeṅtšei ano̱ ye̱ se̱námo̱ hewo̱.

Yuda 1:16 ပူးပေါင်းရင်းမြစ်များ

Hiob 32:21

Mikwɛŋ mɔ ko mɔ ko hiɛ, ni midɔkɔŋ minaa mihaŋ mɔ ko.

Hiob 34:19

Ni ekwɛɛɛ lumɛi ahiɛ ni ebuuu niiatsɛ fe ohiafo, ejaakɛ lɛ eninenaa nitsumɔnii ji amɛ fɛɛ kwa lɛ bem?

Lalai 106:25

Amɛwie huhuuhu yɛ amɛbuui amli; ni amɛbooo Yehowa gbee toi.

Lalai 15:4

Mɔ ni nyɛɔ mɛi fɛɛ ni Nyɔŋmɔ ekwa amɛ, shi moŋ ewoɔ mɛi ni sheɔ Yehowa gbeyei lɛ ahiɛ nyam; mɔ ni kɛ ekã kitã ni eeena amane yɛ he po lɛ, etsakeee.

Lalai 17:10

Amɛkpliŋ amɛtsui, ni amɛnaaa mɔbɔ, ni amɛkɛ amɛnaabui wieɔ hewoo wiemɔi.

Lalai 73:8

Amɛyeɔ mɛi ahe fɛo, ni nishaianii he amɛwieɔ; amɛfaa amɛhe amɛwieɔ, ni mɛi apiŋmɔ pɛ he amɛjwɛŋɔ.

Abe̱i 28:21

Hiɛaŋkwɛmɔ ehiii, ejaakɛ aboloo atrɔma kome pɛ hewɔ lɛ, gbɔmɔ aaafee efɔŋ.

Yesaia 29:24

Ni mɛi ni duɔ gbɛ yɛ mumɔ gbɛfaŋ lɛ aaana jwɛŋmɔ, ni mɛi ni wieɔ huhuuhu lɛ aaakase nii.”

3 Mose 19:15

“Kaatsɔ̃ jalɛ sane hiɛ obu shi ni oye ohã ohiafo aloo ohiɛ shwie gbɔmɔ wulu hiɛ. Kojomɔ onaanyo gbɔmɔ yɛ jalɛ naa.

4 Mose 14:36

Kɛkɛ ni hii lɛ ni Mose tsu yasara shikpɔŋ lɛ nigii, ni amɛku amɛsɛɛ amɛba ni amɛbatã shikpɔŋ lɛ he sane fɔŋ amɛkɛhã maŋ lɛ wie huhuuhu amɛshi Yehowa lɛ,

4 Mose 16:11

Naa, kpee ni bo kɛ osafo lɛ bakpe nɛɛ lɛ, Yehowa he nyɛkpe nyɛwo lɛ, ni huhuuhu ni nyɛwieɔ nyɛshiɔ Aaron lɛ, Yehowa moŋ nyɛwieɔ nyɛshiɔ lɛ.”

4 Mose 16:41

Enɔ jetsɛremɔ lɛ maŋ muu lɛ fɛɛ saa wie huhuuhu amɛshi Mose kɛ Aaron ni amɛkɛɛ akɛ, “Nyɛgbe Yehowa webii.”

Luka 15:2

Shi Farisifoi kɛ mlatsɔɔlɔi lɛ wie huhuuhu amɛkɛɛ, “Nuu nɛɛ hereɔ eshafeelɔi atuu ni ekɛ amɛ yeɔ nii.”

Luka 19:7

Ni be ni mɛi na lɛ, amɛ fɛɛ amɛwie huhuuhu amɛkɛɛ, “Eyato nuu eshafeelɔ ŋɔɔ.”

Luka 5:30

Ni Farisifoi lɛ kɛ amɛmlatsɔ̃ɔlɔi lɛ wie ekaselɔi lɛ ahe huhuuhu ni amɛkɛɛ, “Mɛni hewɔ nyɛkɛ toohelɔi kɛ eshafeelɔi yeɔ nii ni nyɛkɛ amɛ nuɔ nii nɛɛ?”

Yohane 6:41

Kɛkɛ ni Yudafoi lɛ wie ehe huhuuhu akɛ ekɛɛ akɛ, “Mi ji aboloo ni jɛ ŋwɛi lɛ;”

Yohane 6:61

Be ni Yesu yoo akɛ ekaselɔi lɛ miihuhuu yɛ enɛ hewɔ lɛ, ekɛɛ amɛ akɛ, “Ani enɛ tɔ̃tɔ̃ɔ nyɛnane nɛɛ?

1 Korintobii 10:10

Ni nyɛsaa nyɛkawiea huhuuhu tamɔ bɔ ni amɛteŋ mɛi komɛi hu wie huhuuhu ni hiɛkpãtãlɔ lɛ bakpãtã amɛhiɛ lɛ.

Galatabii 5:16

Shi nɔ ni mikɛɔ ji, “Nyɛnyiɛa yɛ Mumɔ naa, ni nyɛfeŋ heloo akɔnɔi lɛ anaa nii.”

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

5 Mose 1:27

Nyɛwie huhuuhu yɛ nyɛbui lɛ amli, ni nyɛkɛɛkɛɛ akɛ, ‘Nyɛɛ ni Yehowa nyɛɔ wɔ lɛ hewɔ ni eyajie wɔ kɛje Ijipt shikpɔŋ lɛ nɔ kɛba koni ekɛ wɔ abahã Amorbii lɛ koni amɛkpãtã wɔhiɛ.

Filipibii 2:14

Nyɛfea nyɛnii fɛɛ ni huhuuhu wiemɔi kɛ naataamɔ akahi mli;

1 Tesalonikabii 4:5

jeee yɛ akɔnɔ hiɛdɔɔ mli, tamɔ bɔ ni jeŋmajiaŋbii ni leee Nyɔŋmɔ lɛ feɔ lɛ.

1 Timoteo 6:5

yakayaka blɔmɔi — enɛɛmɛi fɛɛ lɛ mɛi ateŋ ni anaa yɛ ji gbɔmɛi ni amɛjwɛŋmɔ efite ni ashɔ̃ anɔkwale lɛ yɛ amɛdɛŋ ni amɛsusuɔ akɛ Nyɔŋmɔjamɔ ji ninamɔ lɛ.

2 Timoteo 4:3

Ejaakɛ be ko baaba ni gbɔmɛi ekpɛlɛŋ tsɔ̃ɔmɔ kpakpa lɛ dɔŋŋ, shi moŋ amɛaabua tsɔɔlɔi anaa amɛwo amɛhe yɛ amɛ diɛŋtsɛ amɛkɔnɔi lɛ anaa, ejaakɛ amɛtoiiaŋ miifɛlɛ̃ amɛ;

1 Petro 1:14

Nyɛfea nyɛhe bii toibolɔi ni nyɛkabaa nyɛjeŋ yɛ sa be ni nyɛleee nɔ ko lɛ mli akɔnɔi lɛ anaa dɔŋŋ.

1 Petro 2:11

Misuɔmɔmɛi, miiwie miitsɔ̃ɔ nyɛ akɛ gbɔi kɛ mɛi ni yɔɔ maŋsɛɛ, akɛ nyɛtsia nyɛhe kɛjɛa heloosɛɛdiinii ni kɛ susuma wuɔ ta lɛ ahe,

1 Petro 4:2

Koni be ni eshwɛ ehã lɛ yɛ heloo mli shihilɛ nɛɛ mli lɛ, ekahi shi yɛ gbɔmɛi akɔnɔi anaa dɔŋŋ, shi moŋ yɛ Nyɔŋmɔ suɔmɔnaanii anaa.

2 Petro 2:10

shi titri lɛ mɛi ni nyiɛɔ heloo akɔnɔ ni yɔɔ muji sɛɛ, ni amɛbuuu nɔyeli hewalɛ lɛ, tsuisalɔi kɛ yibulɔi ni kɛji amɛmiiye gbɔmɛi agboi ahe osheku ni amɛhe kpokpooo;

2 Petro 2:18

Ejaakɛ akɛni naafuu wiemɔi wuji jeɔ amɛnaa hewɔ lɛ, amɛtsɔ̃ɔ heloo akɔnɔi anɔ amɛkɛ nyɛnyɛŋtswibɔɔ lakaa mɛi ni je mɛi ni baa amɛjeŋ yɛ shishiumɔ mli lɛ adɛŋ etsɛko lɛ;

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,

Yuda 1:15

ni ebakojo mɛi fɛɛ, ni ekã mɛi ni sheee Nyɔŋmɔ gbeyei lɛ fɛɛ yɛ amɛnitsumɔ ni Nyɔŋmɔ gbeyeishemɔ bɛ mli fɛɛ kɛ wiemɔi ni wawai fɛɛ ni eshafeelɔi Nyɔŋmɔkwalɔi ewie yɛ ehe lɛ he.”

Yuda 1:18

Amɛkɛɛ nyɛ akɛ, “Naagbee be lɛ mli lɛ, hefɛoyelɔi ni nyiɛɔ yɛ amɛ diɛŋtsɛ amɛkɔnɔi fɔ̃ji lɛ anaa lɛ aaaba.”