Yoshua 9:9 - ŊMALƐ KRƆŊKRƆŊ LƐ

⁹ Amɛ jie Yoshua naa akɛ, “Maŋsɛɛ shɔŋŋ otsuji jɛ baa nɛɛ yɛ Yehowa, nyɛNyɔŋmɔ lɛ, hewɔ. Wɔnu ehe sane, ni ji nibii fɛɛ ni efee yɛ Ijipt lɛ,

Ṅmãle̱ Kroṅkroṅ Le̱

⁹ Ni ame̱kē̱le̱ ake̱: Maṅse̱ šoṅṅ otšũdsi dše̱ ni ame̱ba ye̱ Iehowa, o-Nyoṅmo̱ le̱, gbe̱i ahewo̱; edšake̱ wo̱nu ehe sane le̱ ke̱ nibii fẽ ni efe ye̱ Mizraim,

Yoshua 9:9 ပူးပေါင်းရင်းမြစ်များ

1 Maŋtsɛmɛi 8:41

“Ni gbɔ tete ni jɛɛɛ omaŋ Israelbii ateŋ, shi moŋ ogbɛi lɛ hewɔ lɛ eeejɛ maŋsɛɛ shɔŋŋ eba,

Nehemia 9:5

Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Lalai 148:13

hã amɛ jie Yehowa gbɛi lɛ yi, ejaakɛ ekoome egbɛi lɛ nɔ awo gojoo fe gbɛii fɛɛ. Lɛ enunyam lɛ kwɔ fe shikpɔŋ kɛ ŋwɛi fɛɛ tete.

Lalai 72:19

Ajie enunyam gbɛi lɛ yi kɛya naanɔ! Jeŋ muu lɛ fɛɛ ayi tɔ kɛ enunyam lɛ! Amen! Amen!

Lalai 78:12

Efee naakpɛɛnii yɛ amɛtsɛmɛi lɛ ahiɛ yɛ Ijipt shikpɔŋ lɛ nɔ, yɛ Zoan ŋa lɛ nɔ.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

2 Mose 15:14

Jeŋ maji lɛ nu he, ni amɛhe kpokpo, ŋmiŋmi emɔmɔ Filistibii lɛ.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Yesaia 55:5

Naa, ooofɔ̃ nine otsɛ maji ni oleee; ni maji ni leee bo hu aaahiɛ foi kɛaaba oŋɔɔ, yɛ Yehowa, oNyɔŋmɔ lɛ hewɔ, ejaakɛ ewo ohiɛ nyam!

Yesaia 66:19

ni amɛaana okadi ni tsɔ̃ɔ akɛ mi ji mɔ ni gbalaa amɛtoi lɛ. “Ni matsu mɛi ni ahe baaje toigbalamɔ lɛ mli lɛ kɛaatee Tarshish kɛ Libia kɛ Lud, ni ji gãitsɛ̃lɔi amaŋ lɛ. Matsu kɛya Tubal kɛ Helabii ŋshɔkpɔi ni yɔɔ shɔŋŋ ni amɛnuko mihe, asaŋ amɛnako minunyam lɛ bii hu aŋɔɔ. Amɛaajaje minunyam lɛ amɛtsɔ̃ɔ yɛ jeŋmaji lɛ ateŋ.

4 Mose 14:15

No hewɔ lɛ, kɛji okpãtã maŋ nɛɛ blublu hiɛ lɛ, majimaji ni enu ogbɛi he lɛ aaakɛɛ akɛ,

4 Mose 20:14

Ni Mose tsu bɔfoi kɛjɛ Kadesh kɛtee Edom maŋtsɛ lɛ ŋɔɔ ni ayakɛɛ lɛ akɛ, “Bɔ ni onyɛmimɛi Israelbii kɛɛ nɛ: Bo diɛŋtsɛ ole, amanehului fɛɛ ni wɔna:

Bɔfoi 8:7

Ejaakɛ mɛi pii ni mumɔi fɔ̃ji yɔɔ amɛmli lɛ amumɔi lɛ bolɔ kɛ gbee ni wa ni amɛje amɛmli, ni atsa mɛi ni ekumɔ kɛ obubuafoi pii hu.

5 Mose 20:11

Kɛji ahã nyɛ naajɔlɛ hetoo, ni agbele maŋ lɛ agbo lɛ ahã nyɛ lɛ, no lɛ mɛi fɛɛ ni yɔɔ maŋ lɛŋ lɛ, nyɛnyɛa amɛnɔ koni amɛtsu nii amɛhã nyɛ, ni amɛsɔmɔ nyɛ.

5 Mose 20:15

Nɛkɛ ji bɔ ni nyɛkɛ maji fɛɛ ni yɔɔ shikpɔji krokomɛi ni kɛ nyɛteŋ jɛkɛ pii anɔ lɛ aye ahã.

Yoshua 9:10

kɛ nɔ ni efee Amorbii amaŋtsɛmɛi enyɔ ni yɔɔ Yordan lɛ bokãgbɛ lɛ, ni ji Heshbon maŋtsɛ Sihon kɛ Bashan maŋtsɛ Og, ni hi Ashtarot lɛ.

Yoshua 9:16

Be ni Israelbii lɛ kɛ Gibeonbii lɛ ekpãŋ gbii etɛ̃ sɛɛ lɛ, Israelbii lɛ nu akɛ amɛkɛ Gibeonbii lɛ jekɛɛɛ; amɛyɛ amɛkpokpai anɔ nɔŋŋ.

Yoshua 9:17

No hewɔ lɛ, Israelbii lɛ fã nyiɛmɔ, ni gbi ni ji etɛ̃ lɛ nɔ lɛ amɛyanina amɛmaji lɛ ni ji Gibeon kɛ Kefira kɛ Beerot kɛ Kiriat Yearim.

Yoshua 9:24

Gibeonbii lɛ to he amɛhã Yoshua akɛ, “Agba otsuji bɔ ni Yehowa, oNyɔŋmɔ lɛ, wo etsulɔ Mose shi akɛ ekɛ shikpɔŋ muu lɛ fɛɛ baahã nyɛ, ni ebaakpãtã shikpɔŋ lɛ nɔ bii lɛ fɛɛ ahiɛ ehã nyɛ. Sane nɛɛ hã wɔshe gbeyei; ni no hã wɔye nɛkɛ sane nɛɛ.