Yoshua 8:35 - ŊMALƐ KRƆŊKRƆŊ LƐ

³⁵ Wiemɔ ko kwraa bɛ nibii ni Mose ewo amɛ he kitã lɛ fɛɛ mli ni Yoshua kaneee yɛ Israel asafo lɛ, ni ji hii kɛ yei kɛ gbekɛbii kɛ gbɔi ni yɔɔ amɛteŋ lɛ, fɛɛ ahiɛ etsɔ̃ɔɔ amɛ.

Ṅmãle̱ Kroṅkroṅ Le̱

³⁵ Wiemo̱ ko be̱ ye̱ nii ní Mose wo be kitã le̱ fẽ mli, ní Iošua kanee ye̱ Israel asafo le̱ ke̱ yei ke̱ gbekẽbii ke̱ gbo̱i ni yo̱ ame̱teṅ le̱ ahĩe.

Yoshua 8:35 ပူးပေါင်းရင်းမြစ်များ

Ezra 10:1

Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

Nehemia 8:2

No hewɔ lɛ, nyɔŋ ni ji kpawo lɛ nɔ klɛŋklɛŋ gbi lɛ nɔ lɛ, Osɔfo Ezra kɛ Mla lɛ ba asafo lɛ hiɛ. Hii kɛ yei kɛ mɛi fɛɛ ni kɛji amɛnu wiemɔi lɛ ni amɛaanu shishi lɛ yɛ jɛi.

Nehemia 8:3

Ekane yɛ blohu ni yɔɔ Nu Agbo lɛ hiɛ lɛ mli, kɛjɛ leebi kɛyashi shwane fintiŋŋ yɛ hii kɛ yei kɛ mɛi fɛɛ ni aaanyɛ shishi anu lɛ hiɛ. Maŋ muu lɛ fɛɛ miibo Mla Wolo lɛ mli wiemɔi lɛ toi.

2 Mose 12:38

Maji srɔtoi anɔ bii babaoo hu fata he kɛtee kɛ agbɛnɛ toi kɛ tsinai babaoo diɛŋtsɛ.

Yeremia 26:2

ni ekɛɛ mi akɛ, “Yaadamɔ Yehowa Sɔlemɔ we lɛ kpo lɛ nɔ, koni okɛ wiemɔi fɛɛ ni mifã bo akɛ owie lɛ ashwie Yuda maji lɛ amli bii fɛɛ ni baa amɛbajaa yɛ Yehowa Sɔlemɔ we lɛ ahiɛ. Kaashi wiemɔ ko wiemɔ ko.

Yoel 2:16

Nyɛbuaa maŋ lɛ naa, nyɛsaa amɛ nyɛhãa kpee krɔŋkrɔŋ; nyɛbuaa gbekɛbii kɛ mɛi ni yeɔ fufɔ lɛ anaa! Ayɛmforo wu tete aje kpo yɛ esɛɛtsuŋ, ni ayɛmforo hu aje kpo yɛ epiaŋ.

Zakaria 8:23

Bɔ ni Yehowa, Taiatsɛ lɛ kɛɛ ekoŋŋ nɛ, “Nakai be lɛ mli lɛ mɛi nyɔŋma ni jɛ majimaji ni wieɔ wiemɔi srɔtoi anɔ baamɔ Yudanyo kome atade mli, ni amɛaakɛɛ lɛ akɛ, ‘Ha wɔkɛ bo aya, ejaakɛ wɔnu akɛ Nyɔŋmɔ kɛ nyɛ yɛ.’ ”

Marko 10:14

Shi be ni Yesu na lɛ, emli fu, ni ekɛɛ ekaselɔi lɛ akɛ, “Nyɛhãa gbekɛbii lɛ abaa miŋɔɔ, ni nyɛkatsia amɛ gbɛ, ejaakɛ mɛi ni tamɔ mɛnɛɛmɛi anɔ ji Nyɔŋmɔ Maŋtsɛyeli lɛ.

Bɔfoi 20:27

ejaakɛ mijaje Nyɔŋmɔ yiŋtoo muu lɛ fɛɛ mitsɔ̃ɔ nyɛ ni mishiuuu eko nɔ.

Bɔfoi 21:5

Ni eba mli akɛ, be ni wɔye gbii lɛ tã lɛ, wɔkɛshwie nɔ, ni amɛ kɛ amɛŋamɛi kɛ amɛbii fɛɛ bajie wɔ gbɛ kɛyashi maŋ lɛ klotia; ni wɔkula shi yɛ ŋshɔ lɛ naa, ni wɔsɔle.

5 Mose 29:10

“Ŋmɛnɛ gbi nɛɛ lɛ, nyɛ fɛɛ nyɛdamɔ Yehowa, nyɛNyɔŋmɔ lɛ, hiɛ, nyɛkutseiatsɛmɛi lɛ, kɛ nyɛkutsei lɛ amli onukpai lɛ, kɛ nyɛmaŋ nitsulɔi lɛ, kɛ nyɛ Israel maŋ lɛ mli hii fɛɛ,

5 Mose 29:11

kɛ nyɛbii bibii lɛ, kɛ nyɛŋamɛi lɛ, kɛ gbɔi ni kɛ nyɛ yɔɔ nyɛshitoohei lɛ amli lɛ, laiyalɔi kɛ faaŋyalɔi fɛɛ.

5 Mose 29:9

No hewɔ lɛ, nyɛjwɛŋa kpãŋmɔ nɛɛ mli wiemɔi lɛ anɔ koni nyɛye nɔ, bɔ ni afee ni nyɛshwere yɛ nibii fɛɛ ni nyɛfeɔ lɛ mli.

5 Mose 31:12

Abua maŋ lɛ fɛɛ naa kɛkpe, hii kɛ yei kɛ gbekɛbii kɛ gbɔi ni yɔɔ nyɛmaji lɛ amli lɛ, koni amɛbo mlai lɛ atoi ni amɛkase bɔ ni afee ni amɛshe Yehowa, nyɛNyɔŋmɔ lɛ, gbeyei koni amɛjwɛŋ nɔ ni amɛye mla nɛɛ mli wiemɔi lɛ fɛɛ anɔ.

5 Mose 4:2

Nyɛkɛ nɔ ko akafataa mlai ni miwoɔ nyɛ nɛɛ ahe, ni asaŋ nyɛkajiea nɔ ko yɛ mli hu. Nyɛyea Yehowa, nyɛNyɔŋmɔ lɛ, mlai ni miwoɔ nyɛ nɛɛ nɔ.