Yoshua 8:33 - ŊMALƐ KRƆŊKRƆŊ LƐ

³³ Kɛkɛ ni Israel muu fɛɛ, ni ji gbɔi kɛ Israel fɔmɔbii fɛɛ, kɛ amɛmaŋ onukpai lɛ kɛ maŋnɔkwɛlɔi lɛ kɛ kojolɔi lɛ yabua shi yɛ Kpãŋmɔ Adeka lɛ ŋmawuiaŋ biɛ kɛ biɛ, yɛ Levibii osɔfoi ni tereɔ Kpãŋmɔ Adeka lɛ ahiɛ. Israel fã jwere Gerizim Gɔŋ lɛ hiɛ, ni fã hu jwere Ebal Gɔŋ lɛ hiɛ tamɔ bɔ ni Yehowa tsulɔ Mose ewo amɛ kitã eto akɛ afee kɛji abaajɔɔ Israelbii lɛ.

Ṅmãle̱ Kroṅkroṅ Le̱

³³ Ni Israel mū le̱ fẽ ke̱ ame̱nukpai le̱ ke̱ no̱kwe̱le̱i le̱ ke̱ kodšolo̱i le̱ damo̱ adeka le̱ mase̱i bie̱ ke̱ bie̱ ye̱ oso̱foi Levibii ní tĕreo̱ Iehowa kpãṅmo̱ adeka le̱ ahĩe, gboi ke̱ maṅbii fẽ; ame̱fã damo̱ *Gerizim goṅ le̱ ṅe̱le̱no̱, ni fã hũ damo̱ Ebal goṅ le̱ ṅe̱le̱no̱, take̱ bo̱ni Iehowa tšũlo̱ Mose ewo kitã tšutšu le̱ ake̱ adšō̱ Israel maṅ le̱. *5 Mose 11,29; 27,12. 13.

Yoshua 8:33 ပူးပေါင်းရင်းမြစ်များ

2 Mose 12:49

Mla kome akã shi ahã maŋnyo kɛ mɔ ni bato nyɛ gbɔ fɛɛ.”

3 Mose 24:22

Mla koome nɛɛ akã shi ahã nyɛ fɛɛ, gbɔ kɛ maŋnyo fɛɛ, ejaakɛ mi ji Yehowa, nyɛNyɔŋmɔ lɛ.”

4 Mose 15:15

Gbɛjianɔtoo kome baakã shi ahã shikpɔŋ muu lɛ nɔ gbɔmɛi fɛɛ; ni ekã shi akɛ naanɔ akpɔ ahã nyɛ, Israel fɔmɔbii kɛ mɔkpɔŋ ni ebato nyɛ gbɔ lɛ fɛɛ ashwiei. Israelnyo kɛ mɔkpɔŋ lɛ, amɛ fɛɛ pɛ yɛ Yehowa hiɛ.

4 Mose 15:16

No hewɔ lɛ, mla kome kɛ gbɛjianɔtoo kome baahi shi ahã nyɛ Israel fɔmɔbii kɛ gbɔ ni ebato nyɛ lɛ fɛɛ.”

4 Mose 15:29

Mla kome akã shi ahã mɔ fɛɛ mɔ ni jeee kwa ekwa efee esha lɛ, Israel fɔmɔbi ni jio, mɔkpɔŋ ni ebato gbɔ yɛ nyɛteŋ ni jio.

Yohane 4:20

Gɔŋ nɛɛ nɔ wɔtsɛmɛi lɛ sɔle yɛ, ni nyɛ lɛ nyɛkɛɛ akɛ Yerusalɛm ji he ni sa akɛ asɔle yɛ.”

5 Mose 11:29

Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ ni nyɛyaa nyɛyaŋɔ lɛ nɔ lɛ, daamɔ Gerizim Gɔŋ lɛ yiteŋ koni ojaje nɔ ni ji jɔɔmɔ lɛ otsɔ̃ɔ; ni loomɔ lɛ odamɔ Ebal Gɔŋ lɛ yiteŋ ojaje otsɔ̃ɔ.

5 Mose 31:12

Abua maŋ lɛ fɛɛ naa kɛkpe, hii kɛ yei kɛ gbekɛbii kɛ gbɔi ni yɔɔ nyɛmaji lɛ amli lɛ, koni amɛbo mlai lɛ atoi ni amɛkase bɔ ni afee ni amɛshe Yehowa, nyɛNyɔŋmɔ lɛ, gbeyei koni amɛjwɛŋ nɔ ni amɛye mla nɛɛ mli wiemɔi lɛ fɛɛ anɔ.

5 Mose 31:25

Mose fã Levibii osɔfoi ni tereɔ Yehowa Kpãŋmɔ Adeka lɛ, ni ekɛɛ amɛ akɛ,

5 Mose 31:9

Kɛkɛ ni Mose ŋma mla lɛ ewo wolo mli, ni ekɛhã osɔfoi lɛ, ni ji Levi shwiei, mɛi ni tereɔ Yehowa Kpãŋmɔ Adeka lɛ, kɛ Israelbii lɛ amaŋ onukpai lɛ fɛɛ.

Yoshua 23:2

Yoshua fɔ̃ nine etsɛ Israel tso muu fɛɛ kɛbakpe. Maŋ onukpai kɛ weku nukpai kɛ kojolɔi kɛ maŋ nitsulɔi fɛɛ ba, ni Yoshua kɛɛ amɛ akɛ, “Agbɛnɛ migbɔ.

Yoshua 24:1

Yoshua bua Israel akutsei lɛ fɛɛ anaa kɛba Shekem. Kɛkɛ ni etsɛ maŋ onukpai lɛ kɛ weku nukpai lɛ kɛ kojolɔi lɛ kɛ maŋ nitsulɔi lɛ fɛɛ, ni amɛbadamɔ Nyɔŋmɔ hiɛ.

Yoshua 3:14

Lɛɛlɛŋ be ni maŋbii lɛ famɔ amɛbui lɛ koni amɛyafo Yordan lɛ, ni osɔfoi tere Kpãŋmɔ Adeka lɛ kɛnyiɛ amɛhiɛ,

Yoshua 3:3

ni amɛwo maŋbii lɛ shi amɛkɛɛ, “Kɛji nyɛna osɔfoi lɛ, ni ji Levibii lɛ, tere Yehowa, nyɛNyɔŋmɔ lɛ, Kpãŋmɔ Adeka lɛ kɛho pɛ, nyɛ hu nyɛfãa kɛjɛa hei ni nyɛyɔɔ lɛ koni nyɛnyiɛa sɛɛ, bɔ ni afee ni nyɛna he ni gbɛ lɛ kã, ejaakɛ nyɛtsɔ̃ko gbɛ nɛɛ nɔ dã.

Yoshua 3:6

Ni ekɛɛ osɔfoi lɛ akɛ, “Nyɛwoa Kpãŋmɔ Adeka lɛ koni nyɛkɛnyiɛa maŋ lɛ hiɛ.” Osɔfoi lɛ wo Kpãŋmɔ Adeka lɛ, ni amɛkɛnyiɛ maŋ lɛ hiɛ.

Yoshua 4:10

Osɔfoi lɛ ni tere Kpãŋmɔ Adeka lɛ wa damɔ shi yɛ Yordan teŋ kɛyashi beyinɔ ni agbe nɔ fɛɛ nɔ ni Yehowa fã Yoshua akɛ ekɛɛ maŋ lɛ koni afee lɛ naa, tamɔ bɔ ni Mose fã Yoshua lɛ pɛpɛɛpɛ. Israelbii lɛ ahe fee oya kɛfo faa lɛ.

Yoshua 4:18

Be ni osɔfoi lɛ ni tere Yehowa Kpãŋmɔ Adeka lɛ je Yordan lɛ mli, ni amɛnaji sa shikpɔŋ gbiŋ nɔ pɛ, kɛkɛ ni Yordan mli nu lɛ yiridi kɛba ekoŋŋ, ni esram nɔ tamɔ tsuutsu lɛ.

Yoshua 6:6

Yoshua, Nun bi lɛ, tsɛ osɔfoi lɛ, ni ekɛɛ amɛ akɛ, “Nyɛwoa Kpãŋmɔ Adeka lɛ, ni nyɛhãa osɔfoi kpawo ahiɛa ojwɛni akloŋto bɛji kɛnyiɛa Yehowa Kpãŋmɔ Adeka lɛ hiɛ.”