Yoshua 8:31 - ŊMALƐ KRƆŊKRƆŊ LƐ

³¹ Emã latɛ lɛ bɔ pɛpɛɛpɛ ni Yehowa tsulɔ Mose wo Israelbii lɛ ehe kitã lɛ, no ji bɔ ni aŋma yɛ Mla Wolo lɛ mli lɛ: “Afɔleshãa latɛ ni akɛ tɛi muji ni ŋaalɔ dade naa esako he dã ma.” Israelbii lɛ shã shãa afɔlei yɛ nɔ amɛkɛhã Yehowa, ni amɛshã shidaa afɔlei hu.

Ṅmãle̱ Kroṅkroṅ Le̱

³¹ take̱ bo̱ni Iehowa tšũlo̱ Mose le̱ wo Israelbii le̱ akitã le̱, bo̱ni aṅmã ye̱ Mose mlawolo le̱ mli le̱: afo̱lešãlate̱ ni ake̱ te̱i mudši ní moko wóko dade no̱ ye̱ no̱ pẽṅ mã; ni ame̱šã šã-afo̱lei ye̱ no̱ ame̱hã Iehowa, ni ame̱šã šidà-afo̱lei hũ.

Yoshua 8:31 ပူးပေါင်းရင်းမြစ်များ

2 Maŋtsɛmɛi 14:6

Shi mɛi ni gbe etsɛ lɛ abii lɛ, egbeee amɛ; ejaakɛ edamɔ Yehowa Mla ni ewo yɛ Mose Wolo lɛ mli akɛ, “Akagbe fɔlɔi yɛ amɛbii atɔ̃mɔi ahewɔ, ni asaŋ akagbe bii hu yɛ amɛtsɛmɛi atɔ̃mɔi ahewɔ, shi moŋ mɔ fɛɛ mɔ lɛ, efɔŋ ni eeefee lɛ, no he gbele lɛ diɛŋtsɛ egbo.”

2 Maŋtsɛmɛi 22:8

Be ni Shafan yɔɔ Sɔlemɔ we lɛ, Hilkia kɛ wolo ko hã lɛ, ni ekɛɛ lɛ akɛ, “Miyana Mla Wolo lɛ yɛ Yehowa we lɛ.” Shafan kane wolo lɛ.

2 Kronika 25:4

Shi moŋ egbeee amɛbii koni ekɛye kitã ni Yehowa ewo yɛ Mose Mla Wolo lɛ mli lɛ nɔ. No ji akɛ, “Tsɛmɛi akagbo amɛbii atɔ̃mɔi ahe gbele, ni bii hu akagbo amɛtsɛmɛi atɔ̃mɔi ahe gbele; shi moŋ mɔ fɛɛ mɔ lɛ egbo lɛ diɛŋtsɛ etɔ̃mɔ he gbele.”

2 Kronika 35:12

ni amɛ jiejie kooloi lɛ hei ni ashãa lɛ, ni amɛjara amɛhã maŋbii lɛ yɛ amɛtsɛmɛi awei kuikui lɛ anaa koni amɛkɛhã Yehowa tamɔ bɔ ni aŋma yɛ Mose Wolo lɛ mli lɛ. Nakai nɔŋŋ amɛfee tsinai lɛ hu.

Ezra 6:18

Ni amɛto osɔfoi lɛ kɛ amɛsafokui lɛ, kɛ Levibii yɛ amɛmlijai lɛ anaa amɛhã Nyɔŋmɔ sɔ̃ɔmɔ nitsumɔ ni yɔɔ Yerusalɛm lɛ, taakɛ bɔ ni aŋmã yɛ Mose wolo lɛ mli lɛ.

Nehemia 13:1

Nakai gbi lɛ be ni akaneɔ Mose Mla lɛ yɛ maŋbii lɛ atoiŋ lɛ, ana ni aŋmã yɛ mli akɛ Amonnyo loo Moabnyo akaba Nyɔŋmɔ maŋbii lɛ ahenaabuamɔ lɛ mli kɔkɔɔkɔ;

2 Mose 18:12

Ni Yetro, Mose shaanuu lɛ, yashã shãa afɔle kɛ afɔlei krokomɛi ehã Yehowa, ni Aaron kɛ Israel onukpai lɛ fɛɛ ba koni amɛ kɛ Mose shaanuu lɛ abaye nii yɛ he krɔŋkrɔŋ lɛ.

2 Mose 24:5

Ni etsu Israelbii lɛ ateŋ oblahii komɛi, ni amɛkɛ tsina hii yashã afɔle kɛ shidaa afɔle amɛhã Yehowa.

Mateo 12:26

Ni kɛji Satan fã Satan lɛ, egba ewo lɛ diɛŋtsɛ ehe; belɛ te emaŋtsɛyeli lɛ aaafee tɛŋŋ adamɔ shiŋ?

5 Mose 27:2

Ni gbi nɔ ni nyɛaafo Yordan Faa lɛ kɛya shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ lɛ, nyɛholea tɛi kpelei nyɛmamɔa shi, ni nyɛmaa hiɛ ni amɛnɔ afee trotro,

5 Mose 27:8

Ni nyɛŋmaa nɛkɛ mlai nɛɛ amli wiemɔi lɛ, koni amɛje shi faŋŋ yɛ tɛi lɛ anɔ.”

Yoshua 1:8

Kaahã nɛkɛ Mla Wolo nɛɛ mli wiemɔi lɛ miikpa yɛ odaaŋ; shi jwɛŋmɔ he be fɛɛ be, nyɔɔŋ kɛ shwane, ni ojwɛŋ nɔ bɔ ni afee ni ohiɛ ahi ohe nɔ, ni ofee bɔ ni aŋma yɛ mli lɛ pɛpɛɛpɛ, ejaakɛ no baahã oshwere.