Yoshua 8:28 - ŊMALƐ KRƆŊKRƆŊ LƐ

²⁸ Yoshua shã Ai maŋ lɛ, ni ehã etsɔ̃ naanɔ amaŋfɔ̃.

Ṅmãle̱ Kroṅkroṅ Le̱

²⁸ Ni Iošua šã Ai ni ehã etšṍ nāno̱ amaṅfõkú ke̱-baši ṅme̱ne̱.

Yoshua 8:28 ပူးပေါင်းရင်းမြစ်များ

2 Maŋtsɛmɛi 19:25

“Ani onuko akɛ nakai mifeɔ kɛjɛ blema beebe? Nakai mito miyiŋ kɛjɛ blema beebe, nɔ ni miha eba mli ŋmɛnɛ nɛɛ lɛ. No ji akɛ akpãtã maji ni atswa gbogboi awo amɛhe lɛ ahiɛ koni amɛtsɔ̃mɔ amaŋfɔ̃i koikoi,

Yesaia 17:1

Damasko he gbalɛ nɛ, “Naa, abuŋ Damasko ashiŋ maji lɛ anɔ dɔŋŋ, shi ebaatsɔ̃ amaŋfɔ̃.

Yesaia 25:2

Oha maŋ lɛ fee koikoi; maŋ ni atswa gbogbo awo he lɛ etsɔ̃ koikoi; Maŋsɛɛbii amaŋtsɛ we lɛ ekumɔ, ni akuŋ sɛɛ amaŋ kɔkɔɔkɔ.

Yeremia 49:2

Naa, mi Yehowa, miikɛɛ akɛ be miiba, be ni mahã mɛi ni yɔɔ Amonbii amaŋ wulu Raba lɛ mli anu ta oshebɔɔ he. Ebaatsɔ̃ koikoi, ni abaashã ekrowai lɛ wɛɛ kɛmɔ shi, ni Israel baaye mɛi ni baye enɔ lɛ anɔ. Mi, Yehowa, mikɛɛ.

Yeremia 50:26

Nyɛjɛa hei fɛɛ nyɛbatuaa lɛ, nyɛjwaraa eboŋoi ashinai lɛ; nyɛbuaa haanii lɛ anaa tamɔ ŋmaa kei, ni nyɛkpãtãa maŋ lɛ hiɛ butuu, ni nyɛkashĩa enɔ ko nɔ ko.

Yeremia 9:11

Kɛkɛ ni Yehowa kɛɛ akɛ, “Mahã Yerusalɛm atsɔ̃ maŋ koikoi, ebaatsɔ̃ ŋaŋgbei ashihilɛhe. Yuda maji lɛ baatsɔ̃ amaŋfɔ̃ ni mɔ ko mɔ ko ehiŋ jɛi.”

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

5 Mose 13:16

Nyɛbuaa maŋ lɛ mli nibii fɛɛ ni ji haanii lɛ naa nyɛbuaa shi, yɛ maŋ blohu lɛ mli koni nyɛma maŋ lɛ kɛ haanii lɛ fɛɛ naa la nyɛshãa akɛ shãa afɔle nyɛkɛhãa Yehowa, nyɛNyɔŋmɔ lɛ. Akasaa maŋ lɛ ama dɔŋŋ koni etsɔ̃ amaŋfɔ̃ kɛya naanɔ.

5 Mose 13:17

Nyɛkaŋɔa musunii lɛ eko kwraa nyɛtoa nyɛhãa nyɛhe bɔ ni afee ni Yehowa afo emlifu ni naa wa lɛ sɛɛ. Eeena nyɛ mɔbɔ, ni emusuŋ aaatsɔ̃ lɛ yɛ nyɛhe, ni eeehã nyɛyi afa tamɔ bɔ ni ewo nyɛtsɛmɛi lɛ shi lɛ,

Yoshua 4:9

Yoshua diɛŋtsɛ hu hole tɛi nyɔŋma kɛ enyɔ komɛi emãmɔ shi yɛ Yordan teŋ he ni osɔfoi ni tere Kpãŋmɔ Adeka lɛ anaji mãmɔ lɛ. Tɛi nɛɛ yɛ jɛi kɛbashi ŋmɛnɛ.

Yoshua 8:29

Esɛŋ Ai maŋtsɛ lɛ yɛ tso ko nɔ kɛyashi gbɛkɛnaashi hulu lɛ shinyɔɔ be mli dani Yoshua fã, ni ayajie maŋtsɛ lɛ gbonyo lɛ yɛ tso lɛ nɔ, ni ashɛ lɛ afɔ̃ maŋ lɛ agbo lɛ naa. Ato tɛ ashwie Ai maŋtsɛ lɛ gbonyo lɛ nɔ, ni etsɔ̃ gɔŋ ni ma shi kɛbashi ŋmɛnɛ.