Yoshua 8:2 - ŊMALƐ KRƆŊKRƆŊ LƐ

² Feemɔ Ai maŋ lɛ kɛ emaŋtsɛ lɛ tamɔ ofee Yeriko kɛ emaŋtsɛ lɛ; shi agbɛnɛ lɛ nyɛbaanyɛ nyɛha maŋ lɛŋ nibii kɛ kooloi lɛ. Nyɛwoa maŋ lɛ ka yɛ esɛɛgbɛ.”

Ṅmãle̱ Kroṅkroṅ Le̱

² Ni ofe Ai ke̱ emaṅtše̱ le̱, tamo̱ bo̱ni *ofe Ieriko ke̱ emaṅtše̱ le̱; emli nii ke̱ emli koloi le̱ ke̱ke̱ nyehaä nyehãa nyedientše̱ nyehe. Ya, wo maṅ le̱ kã ye̱ ese̱gbe̱! *6,21.

Yoshua 8:2 ပူးပေါင်းရင်းမြစ်များ

2 Kronika 13:13

Be mli ni enɛ yaa nɔ lɛ, asomoaŋ Yeroboam ewo tabilɔi gbɛ koni amɛlɔgɔ Yudabii lɛ kɛyawo amɛ ka yɛ amɛsɛɛgbɛ. No mli lɛ Israel ta tso muu lɛ diɛŋtsɛ egba ta kɛmiikwɛ Yudabii ata lɛ hiɛ kɛ hiɛ, ni ta lɛ fã ko hu ewo Yudabii lɛ aka yɛ amɛsɛɛgbɛ.

2 Kronika 20:22

Be ni lalatsɛmɛi lɛ wo lamɔ kɛ yijiemɔ lɛ nɔ lɛ, Yehowa hã kawolɔi ni aleee he ni amɛjɛ batua mɛi ni eba amɛbaatua Yuda lɛ, ni akpãtã amɛhiɛ. Gbɔmɛi nɛɛ ji Amonbii lɛ kɛ Moabbii lɛ kɛ Seir Gɔŋ lɛ nɔ bii lɛ.

Lalai 39:6

Lɛɛlɛŋ, gbɔmɔ fɛɛ gbɔmɔ lɛ, ehoɔ eyaa tamɔ hɔɔŋ. Anɔkwa, egbaa ehe naa yakatswaa. Etĩaa nii anaa, tsɛbelɛ eleee mɔ ni baaye.

Abe̱i 13:22

Gbɔmɔ kpakpa shiɔ gboshinii ehãa ebii abii; shi eshafeelɔ nii lɛ jalɔ atiaa ahãa.

Abe̱i 28:20

Nuu anɔkwafo aaana jɔɔmɔ babaoo; shi mɔ ni yeɔ oyai koni ena nii lɛ, eyeŋ ehe.

Yeremia 17:11

Mɔ ni taoɔ nii ni jeee gbɛ kpakpa nɔ etsɔ̃ɔ lɛ, etamɔ afi ni yabuɔ wɔji ni jeee lɛ eŋmɛ nɔ. Eninamɔ lɛ ŋmɛɔ lɛ yɛ ewala teŋ, ni enaagbee mli lɛ etsɔ̃ɔ kwashia.

Yeremia 51:12

Nyɛfãa kɛ aflaŋaa, nyɛyatuaa Babilon maŋ lɛ he gbogbo lɛ; nyɛbua jogbaŋŋ, nyɛtoa bulɔi; nyɛtoa mɛi ni baawo Babilon maŋ lɛ he ka, ejaakɛ nɔ ni Yehowa to eyiŋ akɛ ebaafee Babilonbii lɛ ena efee.

5 Mose 2:35

Wɔloo kooloi lɛ wɔhã wɔhe akɛ haanii kɛ maji ni wɔŋɔŋɔɔ lɛ amli nibii hu.

5 Mose 20:14

Shi maŋ lɛŋ yei lɛ kɛ gbekɛbii lɛ kɛ shĩa kooloi lɛ, no ji nɔ fɛɛ nɔ ni yɔɔ maŋ lɛŋ lɛ, nyɛŋɔa akɛ ta mli nii ni Yehowa, nyɛNyɔŋmɔ lɛ, kɛduro nyɛ.

5 Mose 3:2

Shi Yehowa kɛɛ mi akɛ, ‘Nyɛkashea Og gbeyei, ejaakɛ mijɔɔ lɛ kɛ etabilɔi lɛ kɛ eshikpɔŋ lɛ fɛɛ nɔ mihã nyɛ koni nyɛfee amɛ tamɔ nyɛfee Sihon, Amorbii amaŋtsɛ lɛ ni hi Heshbon lɛ.’

Yoshua 10:1

Yerusalɛm maŋtsɛ Adonizedek nu akɛ Yoshua eye Ai maŋ lɛ nɔ kunim, ni ekpãtã hiɛ butubutu, ni asaŋ efee Ai kɛ emaŋtsɛ lɛ bɔ ni efee Yeriko kɛ emaŋtsɛ lɛ. Agbɛnɛ enu hu akɛ Gibeonbii lɛ etee amɛkɛ Israelbii lɛ eyakpãŋ, ni amɛ kɛ amɛ efee ekome, ni amɛfutu amɛ tete amɛ kɛ amɛ yɛ. Be ni Adonizedek nu saji nɛɛ lɛ

Yoshua 10:28

Nakai gbi lɛ nɔŋŋ lɛ Yoshua yatua Makeda maŋ lɛ, ni egbe emaŋtsɛ lɛ kɛ maŋ lɛ mli bii fɛɛ; eshwɛɛɛ gbɔmɔ hiɛkãalɔ kome nɛkɛ. Efee Makeda maŋtsɛ lɛ bɔ ni efee Yeriko maŋtsɛ lɛ.

Yoshua 11:14

Israelbii lɛ ha maji lɛ amli bii lɛ anibii fɛɛ kɛ amɛkooloi hu amɛhã amɛhe. Asaŋ amɛkɛ klante gbe maji lɛ amli gbɔmɛi kɛyashi amɛkpãtã mɔ fɛɛ mɔ hiɛ; amɛshwɛɛɛ gbɔmɔ hiɛkãalɔ kome nɛkɛ.

Yoshua 6:21

Amɛkpãtã maŋ lɛŋ nɔ fɛɛ nɔ hiɛ yɛ klante naa, hii kɛ yei kɛ gbekɛbii kɛ onukpai, kɛ toi kɛ tsinai kɛ tejii fɛɛ.

Yoshua 8:12

Yoshua hala hii aaafee akpei enumɔ, ni ehã amɛyawo ka yɛ Betel kɛ Ai teŋ yɛ maŋ lɛ anaigbɛ.

Yoshua 8:14

Be ni Ai maŋtsɛ lɛ na ta ni Israelbii lɛ egba lɛ, lɛ kɛ ewebii lɛ fɛɛ ni ji maŋ lɛŋ hii lɛ ahe fee oya, ni amɛfã mra kɛtee Yordan Jɔɔ lɛ mli koni amɛ kɛ Israelbii lɛ abakpe yɛ ŋã kplanaa lɛ nɔ; shi eleee kwraa akɛ awo lɛ ka yɛ maŋ lɛ sɛɛ gbɛ.

Yoshua 8:19

Amrɔ nɔŋŋ ni Yoshua kpã enine mli lɛ, Israelbii tabilɔi lɛ ni eyawo ka lɛ tetee shi kɛjɛ hei ni amɛteetee amɛhe yɛ lɛ, ni amɛwowoo foi kɛyabote Ai maŋ lɛŋ, ni amɛŋɔ̃ maŋ lɛ. Oya nɔŋŋ ni amɛma maŋ lɛ naa la.

Yoshua 8:24

Be ni Israelbii lɛ egbe Aibii lɛ fɛɛ yɛ ŋã lɛ nɔ he ni Aibii lɛ nyiɛ amɛsɛɛ kɛtee lɛ, (no ji amɛhã Aibii fɛɛ nyɔnyɔi yɛ klante naa) amɛku amɛsɛɛ kɛba Ai maŋ lɛ mli; ni amɛbagbe mɔ fɛɛ mɔ hu ni yɔɔ jɛi.

Yoshua 8:3

No hewɔ lɛ, be ni Yoshua kɛ Israelbii lɛ fɛɛ fã koni amɛ kɛ Aibii lɛ ayawu lɛ, Yoshua hala hii kãkãlɔi sɔŋŋ akpei nyɔŋmai etɛ̃, ni ewo amɛ gbɛ nyɔɔŋ,

Yoshua 8:7

shi nyɛ lɛ, nyɛbaafamɔ kpo yɛ he ni nyɛwo ka lɛ yɛ lɛ koni nyɛbaŋɔ Ai maŋ lɛ, ejaakɛ Yehowa, nyɛNyɔŋmɔ lɛ, baahã nyɛye maŋ lɛ nɔ kunim.

Yoshua 8:8

Kɛji nyɛnine shɛ maŋ lɛ nɔ lɛ, nyɛmaa maŋ lɛ naa la, koni nyɛfea lɛ tamɔ bɔ ni Yehowa efã lɛ. Naa, kitã miwoɔ nyɛ nɛɛ.”

Yoshua 8:9

Kɛkɛ ni Yoshua wo hii tabilɔi kãkãlɔi ni ehala lɛ gbɛ, ni amɛyiŋ amɛtee, ni amɛyawo ka lɛ yɛ Betel kɛ Ai teŋ, yɛ Ai anaigbɛ.

Yoshua 9:3

Shi Gibeonbii lɛ, be ni amɛnu nɔ ni Yoshua efee Yeriko kɛ Ai lɛ,