Yoshua 8:1 - ŊMALƐ KRƆŊKRƆŊ LƐ

¹ Yehowa kɛɛ Yoshua akɛ, “Kaashe gbeyei, ni otsui akafã! Ŋɔ̃ɔ tabilɔi lɛ fɛɛ ofata ohe koni nyɛfã ta kɛya Ai. Naa, mibahã nyɛye Ai maŋtsɛ kɛ emaŋbii lɛ kɛ emaŋ lɛ kɛ eshikpɔŋ lɛ fɛɛ nɔ kunim.

Ṅmãle̱ Kroṅkroṅ Le̱

¹ Ni Iehowa kē̱ Iošua ake̱: Käše gbeyei, ni otšui akafã! Ṅõ tabilo̱i le̱ fẽ ofata ohe, ni ofã ke̱-ya Ai! Na, miṅõ Ai maṅtše̱ ke̱ emaṅbii le̱ ke̱ emaṅ le̱ ke̱ ešikpoṅ le̱ miwo odeṅ.

Yoshua 8:1 ပူးပေါင်းရင်းမြစ်များ

Lalai 27:1

Yehowa ji mila kɛ miyiwalaheremɔ, namɔ po gbeyei mashe? Yehowa ji miwala hewalɛ ni wa, namɔ hiɛ po mihe aaakpokpo yɛ?

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 43:2

Kɛji oofo faa ni mli kwɔ lɛ, mikɛ bo yɛ; ni oofo faa hu nu lɛ esuŋ bo; Kɛji onyiɛ la mli lɛ, eshaŋ bo, ni lalilɛi lɛ kpãtãŋ ohiɛ.

Yeremia 46:27

“Miwebii Yakob shwiei, nyɛkashea gbeyei! Ao Israel! Kaaye ŋkɔmɔ, ejaakɛ, naa, mibahere oyiwala kɛjɛ shɔŋŋ; mibahere oshwiei ayiwala hu kɛjɛ nomŋɔɔ shikpɔŋ lɛ nɔ. Yakob shwiei aaaku amɛsɛɛ amɛba amɛbaana hejɔlɛ kɛ toiŋjɔlɛ, ni mɔ ko woŋ amɛhe gbeyei dɔŋŋ.

Yeremia 49:3

Ao Heshbon, wɔ lele, shi akpãtã Ai maŋ lɛ hiɛ. Nyɛ Raba yei, nyɛfoa, nyɛmiaa kɛ kpekpe, nyɛyea ŋkɔmɔ; nyɛjoa foi kɛyaa kɛbaa yɛ koowieiaŋ, ejaakɛ abaaloo nyɛwɔŋ Molek kɛ ewulɔmɛi lɛ kɛ esɔ̃ɔlɔi lɛ kɛya nomŋɔɔ mli.

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Mateo 8:26

Ni ekɛɛ amɛ akɛ, “Mɛɛba nyɛsheɔ gbeyei nɛkɛ, nyɛ ni nyɛhemɔkɛyeli faaa?” Kɛkɛ ni ete shi ni efã kɔɔyɔɔ lɛ kɛ ŋshɔ lɛ yi, ni eŋmɛ dɛmm.

5 Mose 1:21

Naa shikpɔŋ lɛ, no Yehowa, nyɛNyɔŋmɔ lɛ kɛfɔ̃ nyɛhiɛ nɛɛ. Nyɛyaa ni nyɛyaŋɔa tamɔ bɔ ni Yehowa, nyɛtsɛmɛi aNyɔŋmɔ lɛ, kɛɛ nyɛ lɛ. Nyɛkashea gbeyei, ni nyɛtsuii akafãa hu.’

5 Mose 31:8

Yehowa ji mɔ ni aaanyiɛ ohiɛ kɛya; ni ekɛ bo aaahi shi; ehaŋ onine anyɛ shi lɛ, eshiŋ bo hu. Kaashe gbeyei, ni otsui akafã hu.”

5 Mose 7:18

Nyɛkashea amɛ gbeyei, shi moŋ nyɛkaia nɔ ni Yehowa, nyɛNyɔŋmɔ lɛ, fee Ijipt maŋtsɛ lɛ kɛ emaŋbii lɛ fɛɛ lɛ.

5 Mose 7:21

Nyɛtsui akafãa yɛ amɛhewɔ, ejaakɛ Yehowa, nyɛNyɔŋmɔ lɛ, ni ji Nyɔŋmɔ kpeteŋkple ni he yɔɔ gbeyei lɛ, ji mɔ ni yɔɔ nyɛteŋ lɛ.

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Yoshua 10:7

Enɛ hewɔ lɛ, Yoshua kɛ Israel tabilɔi kãkãlɔi lɛ fɛɛ kɛ amɛta lɛ fɛɛ fã kɛjɛ Gilgal kɛtee.

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Yoshua 2:24

Amɛkɛɛ Yoshua akɛ, “Yehowa etu shikpɔŋ lɛ ewo wɔdɛŋ lɛɛlɛŋ. Shikpɔŋ lɛ nɔ bii lɛ ejijaa yɛ wɔhewɔ.”

Yoshua 6:2

Kɛkɛ ni Yehowa kɛɛ Yoshua akɛ, “Naa, mibahã oye Yeriko kɛ emaŋtsɛ lɛ kɛ ehii kãkãlɔi lɛ anɔ kunim.

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”