Yoshua 7:7 - ŊMALƐ KRƆŊKRƆŊ LƐ

⁷ ni Yoshua kɛɛ akɛ, “Ao! Nuŋtsɔ Nyɔŋmɔ, mɛni hewɔ ni okɛ gbɔmɛi nɛɛ fo Yordan lɛ kɛba? Koni okɛ wɔ abawo Amorbii lɛ adɛŋ koni amɛkpãtã wɔhiɛ? Wɔle nɛkɛ kulɛ wɔkpɛ̃lɛ ni wɔhi Yordan lɛ sɛɛ kɛkɛ.

Ṅmãle̱ Kroṅkroṅ Le̱

⁷ Ni Iošua kē̱: Ao, Nuṅtšo̱ Iehowa! Menihewo̱ oṅõ ne̱ke̱ maṅ ne̱ ke̱-fo Iordan, koni oṅõwo̱ owo Amorbii le̱ adeṅ, ni ame̱kpãtã wo̱hĩe? Wo̱le kũle̱ wo̱kplẽ ní wo̱hĩ Iordan se̱!

Yoshua 7:7 ပူးပေါင်းရင်းမြစ်များ

2 Maŋtsɛmɛi 3:10

Kɛkɛ ni Israel Maŋtsɛ Yehoram kɛɛ akɛ, “Ao! Yehowa etsɛ wɔ maŋtsɛmɛi etɛ̃ nɛɛ, koni etu wɔ ewo Moabbii adɛŋ!”

Lalai 116:11

Mikɛ tsuifãa kɛɛ akɛ, “Gbɔmɔ ko kwraa bɛ ni aaaŋɔ he afɔ enɔ.”

2 Mose 16:3

Amɛkɛɛ, “Yehowa hã wɔgboi yɛ Ijipt be ni wɔtara loo kɛ kukwɛii ahe ni wɔyeɔ nii wɔtɔrɔɔ lɛ moŋ kulɛ, ehi fe nɔ ni nyɛjie wɔ kɛba ŋa nɛɛ nɔ, ni nyɛkɛ hɔmɔ abagbe asafo muu nɛɛ fɛɛ nɛɛ.”

2 Mose 17:3

Shi kumai ye maŋ lɛ yɛ jɛi, ni amɛwie huhuuhu amɛshi Mose amɛkɛɛ, “Mɛɛ hewɔ obajie wɔ yɛ Ijipt? Koni okɛ kumai abagbe wɔ kɛ wɔbii kɛ wɔkooloi?”

4 Mose 14:16

‘Nyɛ ni Yehowa, onyɛɛɛ okɛ omaŋbii lɛ ayashɛ shikpɔŋ lɛ ni owo shi yɛ he akɛ okɛbaahã amɛ lɛ nɔ lɛ, hewɔ ni oyaplenee amɛ yɛ shiaŋa lɛ nɔ lɛ.’

4 Mose 14:3

Mɛɛba Yehowa ekpala wɔ kɛba shikpɔŋ nɛɛ nɔ koni wɔbanyɔnyɔi yɛ klante naa koni aŋɔ wɔŋamɛi kɛ wɔbifabii anom nɛɛ? Ani ehiii moŋ akɛ wɔkpale kɛya Ijipt ekoŋŋ?”

Mateo 17:17

Shi Yesu here nɔ ni ekɛɛ, “Ao yinɔbii ni heee yeee ni bɛ amɛŋlɛnɔ! Mɛɛ beyinɔ mikɛ nyɛ aaahi shi kɛyashi? Mɛɛ beyinɔ nɔŋŋ mato mitsui shi mahã nyɛ kɛyashi? Nyɛkɛ lɛ abaa biɛ nyɛbahãa mi!”

Mateo 17:20

Shi ekɛɛ amɛ akɛ, “Nyɛhemɔkɛyeli ni faaa lɛ hewɔŋ. Ejaakɛ anɔkwale mikɛɔ nyɛ akɛ kɛji nyɛyɛ hemɔkɛyeli ni tamɔ sinapi wu lɛ, nyɛaakɛɛ gɔŋ nɛɛ akɛ, ‘Fãa yɛ biɛ kɛya jɛi!’ Ni eeefã; ni nɔ ko bɛ ni nyɛnyɛŋ nyɛfee. [

Hebribii 12:5

ni nyɛhiɛ ekpa hewalɛwoo wiemɔ ni Nyɔŋmɔ kɛ nyɛ wieɔ bɔ ni akɛ bii wieɔ lɛ nɔ akɛ, “Mibi, kaabu Nuŋtsɔ lɛ tsɔsemɔ lɛ akɛ nɔ ko bibioo, ni asaŋ, kɛ ekã ohiɛ lɛ, kaahã onijiaŋ miije wui;

Yoshua 7:6

Kɛkɛ ni Yoshua kɛ Israel onukpai lɛ kɛ dɔlɛ gbala amɛhe atadei, ni amɛloo mlu amɛwo amɛyiteiaŋ, ni amɛkɛ amɛhiɛi bumɔ shi yɛ Yehowa Kpãŋmɔ Adeka lɛ hiɛ kɛyashi gbɛkɛ;

Yoshua 7:8

Ao! Nuŋtsɔ, te makɛɛ tɛŋŋ be ni Israel enaa sɛɛsɛɛ yɛ ehenyɛlɔi ahiɛ nɛɛ?

Kojolɔi 20:23

Kɛkɛ ni amɛyiŋ kɛtee ni amɛyafo yɛ Yehowa hiɛ kɛyashi gbɛkɛ, ni amɛbi Yehowa nii akɛ, “Ani wɔtsi wɔbɛŋkɛ ekoŋŋ ni wɔkɛ wɔnyɛmimɛi, Benyaminbii lɛ, ayawu?” Yehowa kɛɛ akɛ, “Nyɛfãa ni nyɛkɛ amɛ ayawua.”

1 Samuel 4:3

Be ni Israel tabilɔi lɛ ku amɛsɛɛ kɛjɛ ta lɛ naa kɛba amɛshitoohe lɛ, Israel maŋ onukpai lɛ kɛɛ akɛ, “Mɛɛ hewɔ ni Yehowa ŋmɛ gbɛ ni Filistibii lɛ anine tsɔ̃ wɔnɔ ŋmɛnɛ nɛkɛ? Nyɛhãa ni wɔyaŋɔa Yehowa Kpãŋmɔ Adeka lɛ yɛ Shilo kɛbaa biɛ koni ebahi wɔteŋ, koni ehere wɔyiwala yɛ wɔhenyɛlɔi lɛ adɛŋ.”