Yoshua 7:6 - ŊMALƐ KRƆŊKRƆŊ LƐ

⁶ Kɛkɛ ni Yoshua kɛ Israel onukpai lɛ kɛ dɔlɛ gbala amɛhe atadei, ni amɛloo mlu amɛwo amɛyiteiaŋ, ni amɛkɛ amɛhiɛi bumɔ shi yɛ Yehowa Kpãŋmɔ Adeka lɛ hiɛ kɛyashi gbɛkɛ;

Ṅmãle̱ Kroṅkroṅ Le̱

⁶ Ke̱ke̱ ni Iošua gbla atadei, ni eṅõ ehĩe ebu šikpoṅ ye̱ Iehowa adeka le̱ hĩe ke̱-yaši gbe̱ke̱, le̱ ke̱ Israel onukpai le̱ fẽ, ni ame̱lō mlu ame̱wo ame̱yiteaṅ.

Yoshua 7:6 ပူးပေါင်းရင်းမြစ်များ

1 Mose 37:29

Shi be ni Ruben ku esɛɛ kɛba bu lɛ he ekoŋŋ lɛ, Yosef bɛ bu lɛ mli. Kɛkɛ ni Ruben gbala ehe atadei lɛ,

1 Mose 37:34

Ni Yakob gbala ehe atade lɛ, ni ekɔ kpekpe emia ehɛ, ni eye ebi lɛ he ŋkɔmɔ gbii pii.

2 Samuel 1:11

Kɛkɛ ni David mɔ ehe atade lɛ mli, ni egbala lɛ yɛ ewerɛ sɔŋŋ ni eho ehe naa. Mɛi fɛɛ ni fata ehe lɛ hu fee nakai,

2 Samuel 1:12

ni amɛye ŋkɔmɔ, ni amɛwo yara, ni amɛfo, ni amɛhi ŋmaa kɛyashi gbɛkɛ yɛ Saul kɛ ebi Yonatan kɛ Yehowa maŋbii ni enyɔnyɔɔ yɛ ta lɛ mli lɛ ahewɔ.

2 Samuel 1:2

Ni gbi ni ji etɛ̃ lɛ nɔ lɛ, Saul tabilɔi lɛ eko kɛ ehe atade ni etserɛ kɛ eyiteŋ hu mlu ba David ŋɔɔ kɛjɛ ta lɛ naa. Be ni nuu lɛ shɛ David hiɛ lɛ eho egbee shi, ni ekɛ ehiɛ bu shi, ni ekoto David.

2 Samuel 12:16

David sɔle ekpa Nyɔŋmɔ fai ehã gbekɛ lɛ koni ehe awa lɛ; David hi ŋmaa, ni eho ekã shikpɔŋ yɛ etsu lɛ mli nyɔɔŋnyɔɔŋ fɛɛ.

2 Samuel 13:19

Kɛkɛ ni Tamar loo lamlu eshwie eyiteŋ, ni egbala atade wuyaa fɛɛfɛo ni ewo lɛ, ni ekɔlɔ eniji eshwie eyiteŋ, ni ehiɛ yaafo gegeege kɛtee.

2 Samuel 13:31

Amrɔ lɛ nɔŋŋ ni Maŋtsɛ David ho edamɔ shi, ni egbala atadei lɛ yɛ ehe, ni eho ekã shikpɔŋ. Etsuji fɛɛ ni damɔ emasɛi nakai be lɛ gbalagbalaa amɛ hu amɛtadei.

2 Maŋtsɛmɛi 22:11

Ni be ni Maŋtsɛ Yosia nu Mla Wolo lɛ mli wiemɔi lɛ, ekɛ dɔlɛ gbala etadei yɛ ehe.

2 Kronika 34:19

Be ni Maŋtsɛ Yosia nu Mla Wolo lɛ mli sane lɛ, egbala ehe atadei;

Ezra 10:1

Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

Nehemia 9:1

Nakai nyɔŋ lɛ nɔ gbi ni ji nyɔŋmai enyɔ kɛ ejwɛ lɛ nɔ lɛ, Israelbii lɛ bakpe. Amɛhi ŋmãa; amɛbumɔ kpekpe, ni amɛkɛ mlu wo amɛyiteŋ.

Ester 4:1

Be ni Mɔdekai na le nibii fɛɛ ni afee lɛ, ekɛ awerɛho gbala ehe atadei lɛ, ni ekɔ kpekpe ebu; asaŋ eloo lamlu ewo eyiteŋ. Kɛkɛ ni eje kpo kɛbote maŋ lɛ mli kɛ yaafo gegeege.

Ester 4:3

Shikpɔŋ fɛɛ shikpɔŋ nɔ he ni maŋtsɛ lɛ kitã kɛ akpɔ lɛ yashɛ lɛ, ŋkɔmɔyeli kpeteŋkple bagbee shi yɛ jɛi Yudafoi lɛ ateŋ. Amɛhi ŋmãa, amɛye ŋkɔmɔ, amɛwo yara amɛfo, ni mɛi babaoo kɔlɔ kpekpe amɛbu, ni amɛho amɛkamɔ lamlu mli.

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Hiob 2:12

Nanemɛi nɛɛ na Hiob yɛ shɔŋŋ, shi amɛyooo lɛ. Shi be ni amɛyoo Hiob lɛ, amɛfo waa; amɛteŋ mɔ fɛɛ mɔ kɛ dɔlɛ gbala ehe atade, ni amɛloo mlu amɛwo amɛyiteiaŋ.

Hiob 42:6

No hewɔ lɛ, eedɔ mi, ni miishwa mihe yɛ sũ kɛ lamlu mli.”

Yāfó 2:10

Zion maŋ onukpai lɛ shwata shikpɔŋ, ni amɛfee diŋŋ. Amɛloo mlu amɛwo amɛyiteiaŋ, ni amɛbumɔ kpekpe. Yerusalɛm oblayei lɛ emamɔ amɛhiɛ shi.

4 Mose 14:6

Kɛkɛ ni Yoshua, Nun bi lɛ, kɛ Kaleb, Yefune bi lɛ, ni ji hii ni atsu ni amɛyasara shikpɔŋ lɛ amɛkwɛ lɛ ateŋ mɛi enyɔ lɛ, gbala amɛtadei;

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

4 Mose 16:45

“Nyɛtsia nyɛhe kɛjea nɛkɛ asafo nɛɛ he kɛyaa sɛɛ koni makpãtã amɛhiɛ hiŋmɛitswaa mli.” Shi Mose kɛ Aaron kɛ amɛhiɛ bumɔ shi,

Bɔfoi 14:14

Shi be ni bɔfoi lɛ ni ji Barnaba kɛ Paulo nu he lɛ, amɛgbala amɛtadei ni amɛsha foi amɛyabote asafo lɛ teŋ amɛhiɛ blɔmɔ akɛ,

Yoshua 7:7

ni Yoshua kɛɛ akɛ, “Ao! Nuŋtsɔ Nyɔŋmɔ, mɛni hewɔ ni okɛ gbɔmɛi nɛɛ fo Yordan lɛ kɛba? Koni okɛ wɔ abawo Amorbii lɛ adɛŋ koni amɛkpãtã wɔhiɛ? Wɔle nɛkɛ kulɛ wɔkpɛ̃lɛ ni wɔhi Yordan lɛ sɛɛ kɛkɛ.

Kpojiemɔ 18:19

Ni amɛkɛ mlu wo amɛyiteaŋ, ni amɛkɛ yaafo kɛ ŋkɔmɔyeli bo amɛkɛɛ, “Ao! Ao! Maŋ kpeteŋkple lɛ ni emli mɛi fɛɛ ni yɔɔ lɛji yɛ ŋshɔ hiɛ lɛ tsɔ̃ eninamɔ lɛ nɔ amɛfee niiatsɛmɛi lɛ! Ejaakɛ ŋmɛlɛtswaa kome mli ni fɛɛ ebɔ lɛ nɛɛ!”

Kojolɔi 11:35

Be ni Yefta na lɛ lɛ, egbala ehe atadei, ni ekɛɛ: “Ao mibi, ohã mihe ejɔ̃ mihe naakpa; bo pam ohã oshara bashara mi nɛɛ! Ejaakɛ miwo Yehowa shi, ni minyɛŋ minaa makpale.”

Kojolɔi 20:23

Kɛkɛ ni amɛyiŋ kɛtee ni amɛyafo yɛ Yehowa hiɛ kɛyashi gbɛkɛ, ni amɛbi Yehowa nii akɛ, “Ani wɔtsi wɔbɛŋkɛ ekoŋŋ ni wɔkɛ wɔnyɛmimɛi, Benyaminbii lɛ, ayawu?” Yehowa kɛɛ akɛ, “Nyɛfãa ni nyɛkɛ amɛ ayawua.”

Kojolɔi 20:26

Kɛkɛ ni Israelbii lɛ fɛɛ ni ji ta muu lɛ fɛɛ yiŋ kɛtee Betel ni amɛyafo. Amɛho amɛtara shi yɛ jɛi yɛ Yehowa hiɛ, ni amɛhi ŋmãa nakai gbi lɛ kɛyashi gbɛkɛ. Amɛshãshãa shãa afɔlei kɛ shidaa afɔlei yɛ Yehowa hiɛ.

Kojolɔi 21:2

No hewɔ lɛ, maŋ lɛ yiŋ kɛtee Betel. Amɛhi shi yɛ jɛi yɛ Nyɔŋmɔ hiɛ kɛyashi gbɛkɛ. Amɛfo waa kɛ dɔlɛ

1 Samuel 4:12

Benyaminnyo ko jo foi kɛjɛ ta lɛ naa kɛba Shilo nakai gbi lɛ nɔŋŋ kɛ atade ni etserɛ kɛ eyiteŋ su.