Yoshua 7:5 - ŊMALƐ KRƆŊKRƆŊ LƐ

⁵ Aibii lɛ gbe Israelbii lɛ ateŋ mɛi aaafee nyɔŋmai etɛ̃ kɛ ekpaa. Aibii lɛ wo Israelbii lɛ foi kɛjɛ Ai maŋ agbo lɛ naa kɛtee Shebarim, ni amɛgbe Israelbii lɛ be ni amɛkpelekeɔ jɔɔ lɛ. Sane nɛɛ hã Israelbii lɛ atsui fã, ni amɛhe jɔ tamɔ nu.

Ṅmãle̱ Kroṅkroṅ Le̱

⁵ Ni Aibii le̱ gbe ame̱teṅ mei aafe nyoṅmai-etẽ ke̱ ekpa, ni ame̱woame̱ foi ke̱-dše̱ Ai agbó le̱ nä ke̱-te Šebarim, ni ame̱tſiaame̱ nii, beni ame̱kplekeo̱ ši le̱. Ni maṅ le̱ tšui fã, ni ame̱he dšo̱ ake̱ nu.

Yoshua 7:5 ပူးပေါင်းရင်းမြစ်များ

Lalai 22:14

Aloo mi ashwie tamɔ nu, ni mitalɔi amli egoi: ni mitsui esere yɛ mimli tamɔ wo agbaku.

Lalai 58:7

Hã amɛlaaje tamɔ nu ni hoɔ kɛyaa, ni anaanaa amɛnɔ tamɔ jwɛi koni amɛgboi.

Yesaia 13:7

No hewɔ lɛ, mɔ fɛɛ mɔ niji baagboi yɛ ehe, gbɔmɛi adesai fɛɛ atsuii baafã,

Ezekiel 21:7

Ni kɛji amɛbi bo akɛ, ‘Mɛni hewɔ ohũɔ lɛ?’ Okɛɛ akɛ, ‘Saji ni minu lɛ hewɔ ni. Kɛji eba mli lɛ, mɔ fɛɛ mɔ baashe gbeyei, ni kɔ̃ɔji fɛɛ baakplɔke, ni mɔ fɛɛ mɔ baatsɔ̃ feetɔ, ni nakutsei fɛɛ tswɛm baakpokpo tamɔ ayawaŋ nu. Naa, be lɛ eshɛ, ni ebaaba mli kɛ̃;’ ” Nuŋtsɔ Yehowa kɛɛ.

3 Mose 26:36

“Ni nyɛteŋ mɛi ni baashwɛ yɛ nyɛhenyɛlɔi lɛ ashikpɔji lɛ anɔ lɛ, mahã nyɛtsɔ̃mɔ gbeyeilɔi feetɔi, mɛi ni baa ni etse kɛyaagbee shi gbɛɛmɔ kɛkɛ po baawo amɛ foi, ni amɛbaajo foi tamɔ ajoɔ klante naa foi, ni amɛaanyɔnyɔi, tsɛbelɛ mɔ ko mɔ ko enyiɛɛɛ amɛsɛɛ.

Nahum 2:10

Akpãtã Nineve hiɛ, afee lɛ butuu etsɔ̃ amaŋfɔ̃! Gbeyei emɔmɔ tsuii, nakutsei miikpokpo hewalɛ etã yɛ mɛi amli, ni hiɛiaŋ fɛɛ eshale.

5 Mose 1:44

Kɛkɛ ni Amorbii lɛ ni yɔɔ nakai gɔji ashikpɔŋ lɛ nɔ lɛ je kpo, ni amɛ kɛ nyɛ bakpe, ni amɛshwie nyɛ, tamɔ wobii shwieɔ mɔ lɛ, ni amɛtswia nyɛ nii kɛjɛ Edom aahu kɛyashi Horma.

Yoshua 2:11

Amrɔ nɔŋŋ ni wɔnu saji nɛɛ lɛ, wɔtsui fã, ni shi ofɔ̃ shi nuu fɛɛ nuu nɔ yɛ nyɛhewɔ, ejaakɛ Yehowa, nyɛNyɔŋmɔ lɛ, lɛ ji ŋwɛi ni yɔɔ shɔŋŋ lɛ kɛ shikpɔŋ ni yɔɔ ŋwɛi shishi lɛ nɔ Nyɔŋmɔ.

Yoshua 2:9

ni eyakɛɛ amɛ akɛ, “Mile akɛ Yehowa kɛ shikpɔŋ nɛɛ ehã nyɛ, ni nyɛhe ŋmiŋmi emɔmɔ wɔmaŋbii fɛɛ, ni shikpɔŋ lɛ nɔ bii fɛɛ ejijaa yɛ nyɛhewɔ;

Yoshua 5:1

Be ni Amorbii amaŋtsɛmɛi fɛɛ ni yɔɔ Yordan sɛɛ yɛ anaigbɛ lɛ kɛ Kanaanbii amaŋtsɛmɛi fɛɛ ni yɔɔ ŋshɔnaa lɛ nu akɛ Yehowa hã Yordan lɛ mli nu lɛ gbi kɛyashi Israelbii lɛ fo faa lɛ tã lɛ, amɛtsui fã, ni mɔ fɛɛ mɔ mli ekãa laaje yɛ Israelbii lɛ ahewɔ.