Yoshua 7:26 - ŊMALƐ KRƆŊKRƆŊ LƐ

²⁶ Asafo lɛ loo tɛ amɛkɛbua Akan nɔ, ni tɛi lɛ tsɔ̃ gɔŋ ni ma shi kɛbashi ŋmɛnɛ. Kɛkɛ ni Yehowa mlifu ni naa wa lɛ sɛɛ fo. No hewɔ lɛ, kɛbashi ŋmɛnɛ lɛ atsɛɔ jɛi akɛ Amanehulu Jɔɔ.

Ṅmãle̱ Kroṅkroṅ Le̱

²⁶ Ni ame̱to te̱i ame̱ſie eno̱ kú agbo ke̱-baši ṅme̱ne̱. Ni Iehowa kpale ke̱-dše̱ emlifũ ní nā wa le̱ mli. Nohewo̱ le̱ awo dše̱i gbe̱i ake̱ Akor dšō̱ ke̱-baši ṅme̱ne̱. Ies. 35.10. Hos. 2,17.

Yoshua 7:26 ပူးပေါင်းရင်းမြစ်များ

2 Samuel 18:17

Ajie Absalom gbonyo lɛ, ni ashɛ afɔ̃ bu agbo ko mli yɛ koo lɛ mli. Kɛkɛ ni amɛto tɛ amɛshwie enɔ aahu ni etsɔ̃ ku kpeteŋkple. Israelbii lɛ jo foi, ni mɔ fɛɛ mɔ tee ewe.

2 Samuel 21:14

Akɛ Saul kɛ Yonatan wui lɛ tee, ni ayafu yɛ Saul tsɛ Kish fuuhe lɛ, yɛ Zela yɛ Benyamin shikpɔŋ lɛ nɔ. Afee nɔ fɛɛ nɔ pɛpɛɛpɛ bɔ ni maŋtsɛ lɛ efã lɛ. No sɛɛ dani Nyɔŋmɔ bo shikpɔŋ lɛ nɔ bii lɛ afai ni amɛkpa amɛhã shikpɔŋ lɛ toi.

2 Kronika 29:10

“Mito miyiŋ akɛ mi kɛ Yehowa, Israel Nyɔŋmɔ lɛ, baakpãŋ bɔ ni afee ni efo emlifu lɛ sɛɛ ehã wɔ.

Ezra 10:14

No hewɔ lɛ, hã wɔlumɛi lɛ aye asafo muu lɛ fɛɛ najiaŋ ni mɛi fɛɛ ni yɔɔ wɔmaji lɛ amli ni amɛŋɔ maŋsɛɛ yei lɛ aba yɛ be ni ato mli. Maŋ fɛɛ maŋ mli onukpai kɛ emli kojolɔi afata amɛhe kɛba, kɛyashi beyinɔ ni wɔNyɔŋmɔ lɛ mlifu ni naa wa ni kã wɔnɔ lɛ aaaje wɔnɔ.”

Lalai 85:4

Oo wɔyiwalaheremɔ Nyɔŋmɔ, ŋɔɔ wɔ oto wɔtoohe ekoŋŋ ni ofo omli ni efu wɔ lɛ sɛɛ!

2 Mose 32:12

Mɛɛ hewɔ hu ni ooohã Ijiptbii ana hegbɛ amɛwie akɛ, ‘Moaŋ yiŋ fɔŋ ni eto hewɔ eyajie amɛ kɛtee lɛ, koni eyagbe amɛ yɛ gɔji lɛ anɔ ni eplenee amɛ yɛ shikpɔŋ lɛ nɔ.’ Na tsui ohã amɛ, ni efɔŋ ni oto oyiŋ akɛ obaafee amɛ lɛ, okɛfa amɛ.

Yesaia 40:2

“Nyɛkɛ Yerusalɛmbii awiea tsuijurɔ naa; ni nyɛkɛa Yerusalɛmbii akɛ amɛtawuu be lɛ sɛɛ efo, ni akɛ amɛnishaianii lɛ efa. Eshai ni amɛfee lɛ amɛna he nyɔmɔwoo toi enyɔ kɛjɛ Yehowa dɛŋ.”

Yesaia 65:10

Amɛaaja mi, ni amɛaakpala amɛtoi kɛ tsinai kɛya Sharon ŋa ni yɔɔ anaigbɛ lɛ nɔ, ni amɛkɛ amɛkooloi aaaya Akor Jɔɔ ni yɔɔ bokãgbɛ lɛ hu mli koni amɛyaye nii.

Yāfó 3:53

Amɛshɛ mi, hiɛkãalɔ, amɛfɔ̃ bu mli ni amɛkɛ tɛi shwie minɔ!

Hosea 2:15

Makpale ewain tromi lɛ mahã lɛ, ni mahã Amanehulu Jɔɔ lɛ atsɔ̃ Hiɛnɔkãmɔ Agbo ahã lɛ. Eeehere mi nɔ tamɔ efee yɛ eblayeiaŋ lɛ be ni ejɛ Ijipt eba lɛ.

Hosea 2:17

Ejaakɛ mibakɔ jemawɔji Baali lɛ agbɛii yɛ edaaŋ; ni etsiŋ amɛtã tete po dɔŋŋ.

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Yoel 2:18

Kɛkɛ ni Yehowa ye shikpɔŋ lɛ he awuŋã ni ena emaŋ lɛ mɔbɔ.

Yona 1:15

Kɛkɛ ni amlakui lɛ wo Yona, ni amɛshɛ lɛ amɛfɔ̃ ŋshɔ lɛ mli; kɛkɛ ni ŋshɔ lɛ ŋmɛ.

Zakaria 6:8

Agbɛnɛ bɔfo lɛ kɛɛ mi akɛ, “Naa, okpɔŋɔi ni yaa kooyigbɛ shikpɔŋ lɛ nɔ lɛ ejɔɔ mi, Yehowa, mitsui he yɛ nakai kooyigbɛ shikpɔŋ lɛ gbɛfaŋ.”

4 Mose 25:8

ni etiu Israelnyo lɛ kɛtee buu lɛ mli, ni eyadu Israelnyo lɛ kɛ Midianyoo lɛ fɛɛ akplɔ bɔ ni etsɔ̃ amɛmli kɛyaje kpo. Biɛ tsɔ̃ ni gbele hela lɛ ni miikpãtã Israelbii lɛ ahiɛ lɛ sɛɛ fo.

5 Mose 13:17

Nyɛkaŋɔa musunii lɛ eko kwraa nyɛtoa nyɛhãa nyɛhe bɔ ni afee ni Yehowa afo emlifu ni naa wa lɛ sɛɛ. Eeena nyɛ mɔbɔ, ni emusuŋ aaatsɔ̃ lɛ yɛ nyɛhe, ni eeehã nyɛyi afa tamɔ bɔ ni ewo nyɛtsɛmɛi lɛ shi lɛ,

5 Mose 13:18

ejaakɛ nyɛbo Yehowa, nyɛNyɔŋmɔ lɛ, toi, ni nyɛye ekitãi ni miwoɔ nyɛ ŋmɛnɛ gbi nɛɛ lɛ nɔ, ni nyɛfee nɔ ni ja yɛ Yehowa, nyɛNyɔŋmɔ lɛ, hiɛ.”

Yoshua 10:27

be ni hulu yaanyɔ shi dani Yoshua hã ajie amɛ yɛ tsei lɛ anɔ, ni ashɛrɛ amɛ ashwie tɛkplo lɛ ni amɛyatee yɛ mli lɛ nɔŋŋ mli. Kɛkɛ ni akoklo tɛi kpeteŋkplei akɛtsi tɛkplo lɛ naa; ni eyɛ nakai kɛbashi ŋmɛnɛ.

Yoshua 7:24

Kɛkɛ ni Yoshua kɛ Israelbii lɛ fɛɛ mɔ Akan, Zeranyo lɛ, ni akɛ jwiɛtɛi lɛ kɛ mama lɛ kɛ shika antɛle lɛ kɛ ebihii kɛ ebiyei kɛ agbɛnɛ etoi kɛ etsinai kɛ etejii kɛ ebuu lɛ, no ji nɔ fɛɛ nɔ ni eyɔɔ, fɛɛ fata ehe ni akpala amɛ kɛtee Akor Jɔɔ lɛŋ.

Yoshua 8:29

Esɛŋ Ai maŋtsɛ lɛ yɛ tso ko nɔ kɛyashi gbɛkɛnaashi hulu lɛ shinyɔɔ be mli dani Yoshua fã, ni ayajie maŋtsɛ lɛ gbonyo lɛ yɛ tso lɛ nɔ, ni ashɛ lɛ afɔ̃ maŋ lɛ agbo lɛ naa. Ato tɛ ashwie Ai maŋtsɛ lɛ gbonyo lɛ nɔ, ni etsɔ̃ gɔŋ ni ma shi kɛbashi ŋmɛnɛ.