Yoshua 7:21 - ŊMALƐ KRƆŊKRƆŊ LƐ

²¹ Mina Babilon mama fɛɛfɛo ko kɛ jwiɛtɛi ni tsiimɔ ji shekeli ohai enyɔ kɛ agbɛnɛ shika ŋmiiŋmi antɛle kome ni tsiimɔ ji shekeli nyɔŋmai enumɔ yɛ ofɔ̃yeli nibii lɛ ateŋ; mihiɛ kɔ̃ nibii nɛɛ anɔ, ni mikɔlɔ. Mikɛ jwiɛtɛi lɛ hɔ nibii nɛɛ ashishi, ni mifu fɛɛ yɛ mibuu lɛ teŋ tuuŋtu.”

Ṅmãle̱ Kroṅkroṅ Le̱

²¹ mina Šinear bò fe̱fe̱o ko, ke̱ dſie̱te̱i šekeli ohai-enyo̱, ke̱ šika ante̱le kome ni nā šio̱ šekeli nyoṅmai-enumo̱, ye̱ hā-nii le̱ ateṅ, ni mihĩe kõ no̱ ni mikŏlo̱; ni na, aṅõ-tē ye̱ šikpoṅ ye̱ mibū le̱ teṅ, ni dſie̱te̱i le̱ ye̱ šiši.

Yoshua 7:21 ပူးပေါင်းရင်းမြစ်များ

1 Mose 10:10

Eje emaŋtsɛyeli shishi yɛ Babilon kɛ Erek kɛ Akad. Maji nɛɛ fɛɛ lɛ Babilon shikpɔŋ lɛ nɔ amɛyɔɔ.

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 34:27

Yakob bii krokomɛi lɛ banina mɛi ni enyɔnyɔɔ lɛ, ni amɛha maŋ lɛ mli nii, ejaakɛ Shekem ebule amɛnyɛmi yoo lɛ.

1 Mose 6:2

Nyɔŋmɔ gbɔmɛi lɛ yana akɛ gbɔmɛi abiyei lɛ ahe yɛ fɛo, ni amɛŋɔŋɔɔ amɛteŋ yei fɛɛ ni amɛsumɔɔ.

2 Samuel 11:2

Gbi ko gbɛkɛnaashi blɛoo mli lɛ, David ete shi kɛjɛ wɔ mli, ni eeshara shi yɛ maŋtsɛ we lɛ tsu lɛ yiteŋ, ni ejɛ jɛi ni ena yoo ko ni miiju ehe. Kɛji okwɛ yoo nɛɛ lɛ ehe yɛ fɛo jogbaŋŋ naakpa.

2 Maŋtsɛmɛi 7:8

Agbɛnɛ be ni nɛkɛ kpitiyelɔi nɛɛ shɛ shitoohe lɛ mli lɛ, amɛbote buu kome ko mli, ni amɛyeyee nii, ni amɛnunuu dãi; ni amɛloo jwiɛtɛi kɛ shika kɛ mamai, ni amɛkɛyatee. Amɛku amɛsɛɛ kɛbabote buu kroko hu mli, ni amɛloo jɛi nii lɛ hu, ni amɛkɛyato.

Hiob 31:1

Mikã mihiŋmɛi kitã ni no hewɔ lɛ, te aaafee tɛŋŋ mahã oblayoo foro he afee mi akɔnɔ hu?

Lalai 119:37

Kaahã minya yakanii kwɛmɔ he, shi moŋ hã mana wala yɛ owiemɔ lɛ naa.

2 Mose 20:17

“Ohiɛ akakɔ̃ onaanyo nɔ ko nɔ, eshĩa jio, eŋa jio, ewenuu jio, eweyoo jio, etsina jio, eteji jio, enɔ kroko jio, ohiɛ akakɔ̃ nɔ.”

Abe̱i 1:19

Mɛi fɛɛ ni shɔ̃ɔ nii ekãa naa yɛ mɛi adɛŋ lɛ, bɔ ni amɛnaagbee tamɔ nɛ, nɔ ni amɛkɛ hiɛkɔ̃ɔ diɔ sɛɛ lɛ, no nɔŋŋ gbeɔ amɛ.

Abe̱i 23:31

Kaakwɛ wain bɔ ni etsu faa lɛ, bɔ ni ehiɛ yɔɔ fɛo yɛ kpulu lɛ mli lɛ, bɔ ni eyaa kpoo lɛ.

Abe̱i 28:22

Kpɛkpɛɛlɔ yeɔ oya ni ena nii; shi eleee akɛ ohia miiba enɔ.

Abe̱i 4:23

Ohiɛ akã otsui he fe nii fɛɛ; ejaakɛ no mli wala jɛɔ.

Yesaia 28:15

Akɛni nyɛkɛɔ akɛ, “Wɔ kɛ gbele ekpãŋ, ni wɔ kɛ gbohiiaje hu eye efua, no hewɔ lɛ, kɛji ekpelebii ni naa wa lɛ miigwao mɛi kɛmiiho lɛ, ebaŋ he ni wɔyɔɔ, ejaakɛ wɔkɛ amale efee wɔbobaahe, ni wɔkɛ wɔhiɛ teɔ kutumpɔo sɛɛ.”

Yesaia 29:15

Kpoo hã mɛi ni kaa akɛ amɛkɛ amɛyiŋtoi aaatee Yehowa, ni amɛfeɔ dujiaŋnii, mɛi ni kɛɔ akɛ, “Namɔ naa wɔ?” loo “Namɔ le wɔ? lɛ!”

Habakuk 2:9

Kpoo hã mɔ ni etsɔ̃ gbɛ fɔŋ nɔ ena nii ehã ewe, ni ebɔ mɔdɛŋ eyama etsu yɛ he ko grɔŋŋ bɔ ni afee ni efee shweshweeshwe koni efɔŋ ko akasa ehe lɛ.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 12:2

Shi nɔ ko bɛ ni atsimɔ nɔ ni ajieŋ lɛ kpo, aloo ni akɛtee ni aleŋ.

Efesobii 5:3

Shi ajwamãŋbɔɔ kɛ nyaŋemɔ nitsumɔ fɛɛ loo hiɛjoomɔ lɛ akatsĩ tã tete yɛ nyɛteŋ, tamɔ bɔ ni sa mɛi krɔŋkrɔŋi.

Efesobii 5:5

Ejaakɛ nyɛnaa nyɛlea enɛ akɛ, ajwamãŋbɔlɔ ko ajwamãŋbɔlɔ ko loo hiɛjoolɔ ko ni ji wɔŋjalɔ bɛ gbɛfaŋ nɔ yɛ Kristo kɛ Nyɔŋmɔ maŋtsɛyeli lɛ mli.

5 Mose 7:25

Nyɛmamɔa amɛnyɔŋmɔi ni ji amãgãi lɛ anaa la nyɛshãa. Nyɛhiɛ akakɔ̃a jwiɛtɛi loo shika ni yɔɔ nibii nɛɛ ahe lɛ anɔ ni nyɛŋɔ eko nyɛhã nyɛhe, koni no akafee kaa miihã nyɛ, ejaakɛ musu nii ni hã Yehowa, nyɛNyɔŋmɔ lɛ.

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Yakobo 1:15

No sɛɛ lɛ, akɔnɔ lɛ, kɛ eŋɔ hɔ lɛ, efɔɔ esha, ni esha lɛ hu, kɛ eda egbe naa lɛ, efɔɔ gbele.

Yoshua 7:20

Akan to he ehã Yoshua akɛ, “Lɛɛlɛŋ, mifee esha mishi Yehowa, Israel Nyɔŋmɔ lɛ.

Yoshua 7:22

Yoshua tsu bɔfoi, ni amɛjo foi kɛtee Akan buu lɛ mli, ni lɛɛlɛŋ amɛyana nibii lɛ ni akɛtee yɛ buu lɛ mli, ni jwiɛtɛi lɛ hɔ shishi.

2 Petro 2:15

Amɛje gbɛ ni ja lɛ nɔ, ni amɛdu gbɛ kɛyanyiɛ Beor bi Bileam, mɔ ni sumɔ nɔshafeemɔ mli nyɔmɔwoo lɛ, gbɛ lɛ nɔ;