Yoshua 7:19 - ŊMALƐ KRƆŊKRƆŊ LƐ

¹⁹ Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”

Ṅmãle̱ Kroṅkroṅ Le̱

¹⁹ Ni Iošua kē̱ Akan ake̱: Mibi, ṅõ anumnyam ohã Iehowa, Israel Nyoṅmo̱ le̱, ní owole̱, ní odšadše otšõmi ko: meni ofe? kãšiumi no̱!

Yoshua 7:19 ပူးပေါင်းရင်းမြစ်များ

2 Maŋtsɛmɛi 20:15

Gbalɔ Yesaia bi akɛ, “Mɛni amɛna yɛ owe lɛ mli?” Ni Hezekia hã hetoo akɛ, “Amɛna nibii fɛɛ ni yɔɔ miwe lɛ. Nɔ ko nɔ ko bɛ minitoohei lɛ ni mikɛtsɔ̃ɔɔ amɛ.”

2 Kronika 30:22

Ni Maŋtsɛ Hezekia jie Levibii lɛ ayi pam yɛ bɔ ni amɛhe esa kɛ sɔɔmɔ kɛji aaja Yehowa lɛ hewɔ. Maŋbii lɛ shãshãa shidaa afɔlei, ni amɛyeyee nii kɛyashi gbii kpawo, ni amɛda Yehowa, amɛtsɛmɛi aNyɔŋmɔ lɛ, shi.

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Lalai 51:3

Ejaakɛ mitɔmɔi lɛ, mi diɛŋtsɛ mile; ni mihe eshai fɛɛ ma mihiɛ daa.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Yesaia 13:12

Mibahã gbɔmɔ adesa he asɛ̃ fe shika ŋmiiŋmi; adesa he baasɛ̃ fe Ofir shika ŋmiiŋmi.

Yeremia 13:16

Nyɛwoa Yehowa, nyɛNyɔŋmɔ lɛ, hiɛ nyam, be ni ehãko duŋ awo nyɛ, be ni nyɛbɔ̃iko tɛrɛmɔ yɛ gɔji ni anɔ ewo duŋ lɛ anɔ; ni be mli ni okwɛɔ la gbɛ lɛ, ehãa duŋ moŋ woɔ, ni duŋ lɛ woɔ kabitii.

Daniel 9:4

Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

Luka 17:18

Aso anaaa amɛteŋ mɔ ko ni kuɔ esɛɛ ekɛ anunyam bahãa Nyɔŋmɔ, akɛ ja maŋsɛɛnyo nɛɛ?

Yohane 9:24

Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”

Romabii 10:10

Ejaakɛ tsui akɛheɔ ayeɔ kɛshɛɔ jalɛ he, ni naabu akɛjajeɔ kɛshɛɔ yiwalaheremɔ he.

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

Tito 2:2

Hiimeji lɛ, amɛhiɛ akã shi, amɛfee mɛi ni hiɛ tsii, amɛjwɛŋmɔ akã shi, amɛfee mɛi ni yɔɔ hemɔkɛyeli kpakpa kɛ suɔmɔ kɛ hiɛmiamɔ.

Yakobo 1:20

Ejaakɛ gbɔmɔ mlifu tsuuu Nyɔŋmɔ jalɛnii.

Yoshua 7:20

Akan to he ehã Yoshua akɛ, “Lɛɛlɛŋ, mifee esha mishi Yehowa, Israel Nyɔŋmɔ lɛ.

Kpojiemɔ 16:9

Ni la dɔlɛ ni naa wa lɛ shã gbɔmɛi, ni amɛwie musubɔɔ wiemɔi amɛshi Nyɔŋmɔ ni yɔɔ hewalɛ yɛ nɛkɛ haomɔi nɛɛ anɔ lɛ gbɛi lɛ, ni amɛtsakeee amɛtsui ni amɛwo ehiɛ nyam.

1 Samuel 14:43

Kɛkɛ ni Saul kɛɛ Yonatan akɛ, “Gbaa mi nɔ pɔtɛɛ ni ofee lɛ.” Yonatan gba Saul sane lɛ ekɛɛ, “Mikɛ tso ko ni mihiɛ sa wo fioo, ni mikɛsa minaa. Naa mi, mifee kralo, abaanyɛ agbe mi.”

1 Samuel 6:5

No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.