Yoshua 7:1 - ŊMALƐ KRƆŊKRƆŊ LƐ

¹ Israelbii lɛ tɔ̃, ni amɛyayeee kɔkɔ ni abɔ amɛ yɛ musunii lɛ gbɛfaŋ lɛ nɔ, ejaakɛ Akan, ni ji Zabdi bi Karmi bi lɛ, ni jɛ Zera we yɛ Yuda akutso lɛŋ lɛ, kɔlɔ musunii lɛ eko. Enɛ hã Yehowa mli fu Israelbii lɛ naakpa.

Ṅmãle̱ Kroṅkroṅ Le̱

¹ Ši Israelbii le̱ tõ ye̱ musunii le̱ agbe̱fãṅ, ni Akan ní dše̱ Iuda akutšo le̱ mli ni dši Zera bi Zabdi bi Karmi bi le̱ kŏ̱lo̱ *musunii le̱ eko, ni Iehowa mli wo Israelbii le̱ ala naakpa. *6,18.

Yoshua 7:1 ပူးပေါင်းရင်းမြစ်များ

1 Mose 34:27

Yakob bii krokomɛi lɛ banina mɛi ni enyɔnyɔɔ lɛ, ni amɛha maŋ lɛ mli nii, ejaakɛ Shekem ebule amɛnyɛmi yoo lɛ.

2 Samuel 24:1

Yehowa mli bafu Israelbii lɛ ekoŋŋ, ni etsɔ̃ David nɔ, ni egbala amɛtoi. Yehowa kɛɛ David akɛ, “Yaa ni oyakane Israelbii kɛ Yudabii lɛ.”

2 Maŋtsɛmɛi 5:24

Shi be ni amɛshɛ gɔŋ ni Elisha yɔɔ nɔ lɛ he lɛ, Gehazi he kotokui lɛ yɛ Naaman tsuji lɛ adɛŋ, ni ekɛyato shĩa lɛ mli, ni ewo Naaman tsuji lɛ agbɛ, ni amɛtee.

1 Kronika 21:7

Nɔ ni afee lɛ eŋɔɔɔ Nyɔŋmɔ naa, ni no hewɔ lɛ, egbala Israel toi.

2 Kronika 24:18

Kɛkɛ ni maŋbii lɛ kpa jamɔ yɛ Yehowa, amɛtsɛmɛi aNyɔŋmɔ lɛ, Sɔlemɔtsu lɛ mli, ni amɛyaja Asherim jemawɔŋ lɛ kɛ amãgãi. Tɔ̃mɔ nɛɛ hã Yehowa mli fu Yuda kɛ Yerusalɛm.

Ezra 9:6

ni mikɛɛ “Ao, miNyɔŋmɔ, mihiɛ egbo, ni eefee mi hiɛgbele akɛ mawo mihiɛ nɔ makwɛ ohiɛ, miNyɔŋmɔ; ejaakɛ wɔtɔ̃mɔi lɛ esu wɔ, ni wɔfɔ ni wɔye lɛ da ni ekwɔ tamɔ ŋwɛi.

Hiob 35:8

Esha ni ofeɔ lɛ, adesa tamɔ bo awui eyeɔ, ni ojalɛ lɛ, gbɔmɔ eyeɔ ebuaa.

Jajelɔ 9:18

Nilee he yɛ sɛɛnamɔ fe tawuu nii; shi eshafeelɔ kome kpãtãa nii kpakpai babaoo hiɛ.

Daniel 9:7

Ao! Nuŋtsɔ, bo lɛ onɔ ji jalɛ; shi wɔ lɛ wɔnɔ ji hiɛgbele tamɔ eyɔɔ wɔnɔ ŋmɛnɛ nɛɛ lɛ, wɔ mɛi ni ji Yudabii kɛ Yerusalɛmbii lɛ kɛ Israelbii fɛɛ, mɛi ni bɛŋkɛ kɛ mɛi hu ni eyaje shɔŋŋ yɛ shikpɔji anɔ ni ogbɛ amɛ oshwã, yɛ anɔkwa ni amɛyayeee bo hewɔ lɛ.

3 Mose 10:6

Mose kɛɛ Aaron kɛ ebihii ni ji Eleazar kɛ Itamar akɛ, “Nyɛkahãa nyɛyiteŋ fea tsaŋtsaŋ aloo nyɛgbalaa nyɛtadei kɛtsɔ̃ɔ akɛ nyɛmiiye ŋkɔmɔ. Kɛ nyɛfee nakai lɛ, nyɛbaagboi, ni Yehowa mli baawo maŋ muu lɛ fɛɛ la. Nyɛhãa nyɛwekumɛi, Israel maŋ muu lɛ fɛɛ, afoa shãa ni Yehowa ehã la eshã nyɛnyɛmimɛi lɛ ni amɛgboi nɛɛ.

Yona 1:7

Enɛ sɛɛ lɛ amlakui lɛ kɛɛkɛɛ amɛhe akɛ, “Nyɛhãa wɔfɔ̃a oshiki kɛtao mɔ koome hewɔ ni nɛkɛ sane fɔŋ nɛɛ eba wɔnɔ nɛɛ.” Amɛfɔ̃ oshiki lɛ; ni oshiki lɛ gbee Yona nɔ.

Yoshua 22:16

ni amɛyawie Yehowa webii lɛ anaa, ni amɛkɛɛ akɛ, “Mɛɛ tɔ̃mɔ ni nyɛtɔ̃ Nyɔŋmɔ nɔ nɛɛ? Nyɛ diɛŋtsɛ nyɛfɔleshãa latɛ ni nyɛma agbɛnɛ nɛɛ tsɔ̃ɔ akɛ nyɛkwa Yehowa, ni nyɛtse ehiɛ atua.

Yoshua 22:18

hewɔ ni nyɛkpaleɔ ŋmɛnɛ gbi nɛɛ yɛ Yehowa sɛɛ nɛɛ? Kɛji nyɛtse Yehowa hiɛ atua ŋmɛnɛ lɛ, wɔ lɛ, lɛ hu emli aaafu Israel asafo muu lɛ fɛɛ.

Yoshua 22:20

Be ni Zera bi Akan yata musunii he lɛ, ani jeee Israel asafo muu lɛ fɛɛ Yehowa mli fu lo? Bɛjeee lɛ ekome kɛkɛ ehiɛ kpãtã yɛ etɔ̃mɔ lɛ hewɔ?”