Yoshua 6:6 - ŊMALƐ KRƆŊKRƆŊ LƐ

⁶ Yoshua, Nun bi lɛ, tsɛ osɔfoi lɛ, ni ekɛɛ amɛ akɛ, “Nyɛwoa Kpãŋmɔ Adeka lɛ, ni nyɛhãa osɔfoi kpawo ahiɛa ojwɛni akloŋto bɛji kɛnyiɛa Yehowa Kpãŋmɔ Adeka lɛ hiɛ.”

Ṅmãle̱ Kroṅkroṅ Le̱

⁶ Ni Iošua, Nun bi le̱, tšé̱ oso̱foi le̱, ni ekē̱ame̱ ake̱: Nyewóa kpãṅmo̱ adeka le̱, ni oso̱foi kpawo ahĩe nyã́mo̱ te̱tre̱mantre̱i kpawo le̱ ke̱-nyie Iehowa adeka le̱ hĩe.

Yoshua 6:6 ပူးပေါင်းရင်းမြစ်များ

2 Mose 25:14

Akɛ tsei nɛɛ ahɔlɔ gai ni yɔɔ adeka lɛ ŋmawuiaŋ biɛ kɛ biɛ lɛ amli koni akɛwo.

Bɔfoi 9:1

Shi Saul kã he ekɛ gbele miiwo Nuŋtsɔ lɛ kaselɔi lɛ ahe gbeyei lolo, ni eyiŋ kɛtee osɔfonukpa lɛ ŋɔɔ,

Yoshua 24:11

No sɛɛ ni nyɛfo Yordan lɛ, ni nyɛba Yeriko. Yeriko lumɛi lɛ kɛ nyɛ wu, ni nakai nɔŋŋ Amorbii lɛ kɛ Perizbii lɛ kɛ Kanaanbii lɛ kɛ Hitbii lɛ kɛ Girgashbii lɛ kɛ Hivbii lɛ kɛ Yebusbii lɛ hu kɛ nyɛ wu; shi mihã nyɛye amɛ fɛɛ amɛnɔ kunim.

Yoshua 3:3

ni amɛwo maŋbii lɛ shi amɛkɛɛ, “Kɛji nyɛna osɔfoi lɛ, ni ji Levibii lɛ, tere Yehowa, nyɛNyɔŋmɔ lɛ, Kpãŋmɔ Adeka lɛ kɛho pɛ, nyɛ hu nyɛfãa kɛjɛa hei ni nyɛyɔɔ lɛ koni nyɛnyiɛa sɛɛ, bɔ ni afee ni nyɛna he ni gbɛ lɛ kã, ejaakɛ nyɛtsɔ̃ko gbɛ nɛɛ nɔ dã.

Yoshua 3:6

Ni ekɛɛ osɔfoi lɛ akɛ, “Nyɛwoa Kpãŋmɔ Adeka lɛ koni nyɛkɛnyiɛa maŋ lɛ hiɛ.” Osɔfoi lɛ wo Kpãŋmɔ Adeka lɛ, ni amɛkɛnyiɛ maŋ lɛ hiɛ.

Yoshua 6:13

ni osɔfoi kpawo lɛ ni hiɛɔ ojwɛni akloŋto bɛji lɛ kɛnyiɛɔ Yehowa Kpãŋmɔ Adeka lɛ hiɛ lɛ, yi mli ni amɛmiikpã bɛji lɛ; hii tabilɔi lɛ nyiɛ osɔfoi ni kpãa bɛji lɛ ahiɛ, ni ta ni nyiɛɔ sɛɛ lɛ nyiɛ Kpãŋmɔ Adeka lɛ sɛɛ. Be mli ni anyiɛ kɛyaa lɛ belɛ aakpã bɛji lɛ.

Yoshua 6:5

Kɛji amɛkpã ojwɛni akloŋto bɛji lɛ, ni nyɛnu gbɛɛmɔ lɛ ni esɛɛ tsɛ kakadaŋŋ lɛ, maŋ muu lɛ fɛɛ abɔ oshe waa, ni maŋ lɛ he gbogbo lɛ baagbee shi shwɛtɛɛ, koni Israel tabilɔi lɛ ateŋ mɔ fɛɛ mɔ aya ehiɛ tɛ̃ɛ kɛbote maŋ lɛ mli.”

Yoshua 6:7

Ni Yoshua kɛɛ maŋ lɛ hu akɛ, “Nyɛfãa kɛhoa, ni nyɛbɔlea maŋ lɛ kɛkpea, ni nyɛhãa tabilɔi lɛ anyiɛa Yehowa Adeka lɛ hiɛ.”

Yoshua 6:8

Be ni Yoshua kɛ maŋ lɛ wie lɛ, osɔfoi kpawo lɛ ni hiɛ ojwɛni akloŋto bɛji kpawo lɛ fo mli kɛho yɛ Yehowa hiɛ, ni amɛyi hiɛ, ni amɛmiikpã bɛji lɛ, ni Yehowa Kpãŋmɔ Adeka lɛ nyiɛ amɛsɛɛ.

1 Samuel 4:3

Be ni Israel tabilɔi lɛ ku amɛsɛɛ kɛjɛ ta lɛ naa kɛba amɛshitoohe lɛ, Israel maŋ onukpai lɛ kɛɛ akɛ, “Mɛɛ hewɔ ni Yehowa ŋmɛ gbɛ ni Filistibii lɛ anine tsɔ̃ wɔnɔ ŋmɛnɛ nɛkɛ? Nyɛhãa ni wɔyaŋɔa Yehowa Kpãŋmɔ Adeka lɛ yɛ Shilo kɛbaa biɛ koni ebahi wɔteŋ, koni ehere wɔyiwala yɛ wɔhenyɛlɔi lɛ adɛŋ.”