Yoshua 6:4 - ŊMALƐ KRƆŊKRƆŊ LƐ

⁴ Osɔfoi kpawo ahiɛ bɛji kpawo ni akɛ ojwɛni akloŋto fee kɛnyiɛ Kpãŋmɔ Adeka lɛ hiɛ. Gbi ni ji kpawo lɛ nɔ lɛ, nyɛbɔlea maŋ lɛ shii kpawo be mli ni osɔfoi lɛ miikpã bɛji lɛ.

Ṅmãle̱ Kroṅkroṅ Le̱

⁴ Ni oso̱foi kpawo ahīe *nyã́mo̱ te̱tre̱mantre̱i kpawo ke̱-nyie adeka le̱ hĩe, ni gbĩ ni dši gbĩ kpawo le̱ nyebo̱lea maṅ le̱ šii kpawo, ni oso̱foi le̱ akpã te̱tre̱mantre̱i le̱. *3 Mose 26,2.

Yoshua 6:4 ပူးပေါင်းရင်းမြစ်များ

1 Mose 2:3

Nyɔŋmɔ jɔɔ gbi ni ji kpawo lɛ ni efee lɛ krɔŋkrɔŋ, ejaakɛ no nɔ ejɔɔ ehe yɛ, be ni egbe ebɔɔ nitsumɔ ni etsu lɛ fɛɛ naa lɛ.

1 Maŋtsɛmɛi 18:43

Kɛkɛ ni ekɛɛ etsulɔ lɛ akɛ, “Kwɔɔ kɛya gɔŋ lɛ nɔ koni okwɛ ŋshɔŋgbɛ.” Tsulɔ lɛ tee eba, ni ebakɛɛ lɛ akɛ. “Nɔ ko nɔ ko bɛ jɛi gbɛ.” Elia kɛɛ etsulɔ lɛ akɛ, “Yaa shii kpawo ni oyakwɛ.”

2 Maŋtsɛmɛi 5:10

Elisha tsu bɔfo ko kɛtee eŋɔɔ akɛ, “Yaa ni oyaju ohe shii kpawo yɛ Yordan Faa lɛ mli ni aaatsa ohela lɛ ahã bo kwraa.”

2 Maŋtsɛmɛi 5:14

No hewɔ lɛ, Naaman kpeleke shi, ni ekɛ ehe yatsɔ Yordan Faa lɛ mli shii kpawo tamɔ bɔ ni Yehowa Nyɔŋmɔ gbɔmɔ lɛ wie lɛ, ni ehe tã, ni ehewolo nɔ bafee trotro ekoŋŋ tamɔ gbekɛ fioo hewolo.

2 Kronika 13:12

Naa, Nyɔŋmɔ kɛ wɔ yɛ, ni lɛ enyiɛ wɔta lɛ hiɛ, asaŋ esɔfoi lɛ hu yɛ biɛ kɛ tɛtɛrɛmantɛrɛi, ni amɛbaakpã kɛbɔ tawuu oshe amɛwo nyɛ. Ataamɛi Israelbii, nyɛkakaa kwraa akɛ nyɛkɛ Yehowa, nyɛtsɛmɛi aNyɔŋmɔ, lɛ baawu ta. Nyɛyeŋ kunim kɔkɔɔkɔ.”

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

2 Kronika 20:19

Ni Levibii ni jɛ Kohat shwiei lɛ kɛ Kora shwiei lɛ hu ateŋ lɛ ho amɛdamɔ shi, ni amɛla kɛ gbee ni wa kɛkafo Yehowa, Israel Nyɔŋmɔ lɛ.

2 Kronika 20:21

Be ni Yehoshafat kɛ maŋ lɛ eto ajina sɛɛ lɛ, ehala lalatsɛmɛi komɛi akɛ amɛwula kɛ atadei ni amɛwoɔ yɛ gbii krɔŋkrɔŋi anɔ lɛ koni amɛla kɛjie Yehowa yi kɛnyiɛ tabilɔi lɛ ahiɛ amɛkɛɛ akɛ, “Ajie Yehowa yi, ejaakɛ esuɔmɔ sɛɛ efooo kɛyaa naanɔ!”

Hiob 42:8

No hewɔ lɛ, agbɛnɛ nyɛmɔmɔa tsinahii kpawo kɛ ojwɛnii hu kpawo kɛyaa mitsulɔ Hiob ŋɔɔ koni nyɛkɛyashãa shãa afɔle nyɛhãa nyɛhe. Mitsulɔ Hiob baakpa fai ehã nyɛ ni mibabo efaikpamɔ lɛ toi, ni mikɛ nyɛ yeŋ yɛ nyɛkooloofeemɔ lɛ naa, ejaakɛ nyɛwieee mihe bɔ ni ja tamɔ Hiob fee lɛ.”

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

3 Mose 14:16

Ekɛ eninejurɔ wao atsɔ mu ni yɔɔ ebɛku lɛ mli lɛ eko eshwã shii kpawo yɛ Yehowa hiɛ.

3 Mose 4:6

ni ekɛ ewao atsɔ lá lɛ mli, koni ekɛ la lɛ eko ashwã shii kpawo yɛ Muhɔɔ Krɔŋkrɔŋ lɛ hiɛ yɛ Yehowa hiɛ.

Zakaria 4:2

Ni ebi mi akɛ, “Mɛni onaa nɛɛ?” Mihã hetoo akɛ, “Miina kanetso ni akɛ shika sɔŋŋ fee; ni emutɔ ko ma eyiteŋ. Kanetso nɛɛ yɛ kanei kpawo mamɔ eyiteŋ; ni kanei nɛɛ, eko fɛɛ eko hu yɛ odontii kpawo ni asuɔ.

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

4 Mose 23:1

Balaam kɛɛ Balak akɛ, “Mãamɔ afɔleshãa latɛi kpawo yɛ biɛ ohã mi; ni obahã mi tsinahii kpawo kɛ ojwɛnii hu kpawo.”

Yoshua 6:13

ni osɔfoi kpawo lɛ ni hiɛɔ ojwɛni akloŋto bɛji lɛ kɛnyiɛɔ Yehowa Kpãŋmɔ Adeka lɛ hiɛ lɛ, yi mli ni amɛmiikpã bɛji lɛ; hii tabilɔi lɛ nyiɛ osɔfoi ni kpãa bɛji lɛ ahiɛ, ni ta ni nyiɛɔ sɛɛ lɛ nyiɛ Kpãŋmɔ Adeka lɛ sɛɛ. Be mli ni anyiɛ kɛyaa lɛ belɛ aakpã bɛji lɛ.

Yoshua 6:3

Bo kɛ hii tabilɔi lɛ fɛɛ, nyɛbɔlea Yeriko maŋ lɛ kɛkpea, shi kome daa gbi. Nyɛfea nakai kɛyashia gbii ekpaa.

Yoshua 6:5

Kɛji amɛkpã ojwɛni akloŋto bɛji lɛ, ni nyɛnu gbɛɛmɔ lɛ ni esɛɛ tsɛ kakadaŋŋ lɛ, maŋ muu lɛ fɛɛ abɔ oshe waa, ni maŋ lɛ he gbogbo lɛ baagbee shi shwɛtɛɛ, koni Israel tabilɔi lɛ ateŋ mɔ fɛɛ mɔ aya ehiɛ tɛ̃ɛ kɛbote maŋ lɛ mli.”

Kpojiemɔ 1:20

Ŋulamii kpawo ni ona yɛ mininejurɔ lɛ kɛ shika kanetsei kpawo lɛ ahe teemɔ sane lɛ nɛ: ‘Ŋulamii kpawo lɛ ji asafoi kpawo lɛ abɔfoi, ni kanetsei kpawo lɛ ji asafoi kpawo lɛ.’ ”

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 10:3

Ni ebo kɛ gbee ni wa, tamɔ jata huuɔ; ni be ni eboɔ lɛ, nyɔŋmɔshiimɔi kpawo lɛ wo amɛgbei.

Kpojiemɔ 15:1

Ni mina naakpɛɛ okadi kroko yɛ ŋwɛi, eda ni eyɛ naakpɛɛ: bɔfoi kpawo ni hiɛ haomɔi kpawo ni ji naagbeenii lɛ, ejaakɛ nomɛi akɛgbeɔ Nyɔŋmɔ mlila lɛ naa.

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 16:1

Ni minu gbee ni wa ni jɛ Sɔlemɔtsu lɛ mli miikɛɛ bɔfoi kpawo lɛ akɛ, “Nyɛyaa ni nyɛyafɔsea Nyɔŋmɔ mlifu tɔi kpawo lɛ nyɛshwiea shikpɔŋ lɛ nɔ.”

Kpojiemɔ 5:1

Ni mina wolo ko yɛ mɔ ni ta maŋtsɛ sɛi lɛ nɔ lɛ ninejurɔ, ni aŋma nii yɛ emli kɛ esɛɛ fɛɛ, ni asɔo naa kɛ naasɔomɔi kpawo.

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Kpojiemɔ 8:2

Ni mina bɔfoi kpawo lɛ ni damɔ Nyɔŋmɔ hiɛ lɛ, ni akɛ tɛtrɛmantrɛi kpawo hã amɛ.

Kpojiemɔ 8:6

Ni bɔfoi kpawo lɛ ni hiɛ tɛtɛrɛmantɛrɛi kpawo lɛ saa amɛhe koni amɛkpã.