Yoshua 6:21 - ŊMALƐ KRƆŊKRƆŊ LƐ

²¹ Amɛkpãtã maŋ lɛŋ nɔ fɛɛ nɔ hiɛ yɛ klante naa, hii kɛ yei kɛ gbekɛbii kɛ onukpai, kɛ toi kɛ tsinai kɛ tejii fɛɛ.

Ṅmãle̱ Kroṅkroṅ Le̱

²¹ Ni mä le̱ṅ nii fẽ, hĩĩ ke̱ yei, gbekẽbii ke̱ onukpai, tšinai ke̱ tōi ke̱ tedšii fẽ le̱, ame̱ke̱ klante feame̱ musu.

Yoshua 6:21 ပူးပေါင်းရင်းမြစ်များ

1 Maŋtsɛmɛi 20:42

Kɛkɛ ni gbalɔ lɛ kɛɛ Maŋtsɛ Ahab akɛ, “Bɔ ni Yehowa kɛɛ nɛ: ‘Akɛni oŋmɛɛ mɔ ni mijɔɔ enɔ mihã bo koni ogbe lɛ lɛ hewɔ lɛ, okɛ bo diɛŋtsɛ ohe baatse yɛ enajiaŋ kɛ omaŋ lɛ hu yɛ emaŋ lɛ najiaŋ.’ ”

Yeremia 48:18

Nyɛ mɛi ni nyɛyɔɔ Dibon, nyɛshia nyɛgbojee sɛɛ nyɛkpelekea shi nyɛbataraa shikpɔŋ mlu mli, ejaakɛ Moab hiɛkpãtãlɔ lɛ ete shi ewo nyɛ, ni ekumɔ nyɛmɔji lɛ eshwie shi.

5 Mose 13:16

Nyɛbuaa maŋ lɛ mli nibii fɛɛ ni ji haanii lɛ naa nyɛbuaa shi, yɛ maŋ blohu lɛ mli koni nyɛma maŋ lɛ kɛ haanii lɛ fɛɛ naa la nyɛshãa akɛ shãa afɔle nyɛkɛhãa Yehowa, nyɛNyɔŋmɔ lɛ. Akasaa maŋ lɛ ama dɔŋŋ koni etsɔ̃ amaŋfɔ̃ kɛya naanɔ.

5 Mose 2:34

Wɔŋɔ emaji fɛɛ nakai be lɛ mli nɔŋŋ, ni wɔkpãtã maŋ fɛɛ maŋ kɛ hii kɛ yei kɛ gbekɛbii fɛɛ ahiɛ; wɔshwɛɛɛ gbɔmɔ hiɛkãalɔ kome nɛkɛ.

5 Mose 7:16

Maji fɛɛ ni Yehowa, nyɛNyɔŋmɔ lɛ, aaatu awo nyɛdɛŋ lɛ, nyɛkpãtãa amɛhiɛ ni mɔbɔnalɛ bɛ mli; ni nyɛkajaa amɛnyɔŋmɔi lɛ, ejaakɛ no baahã nyɛdu tsɔne.

Yoshua 10:28

Nakai gbi lɛ nɔŋŋ lɛ Yoshua yatua Makeda maŋ lɛ, ni egbe emaŋtsɛ lɛ kɛ maŋ lɛ mli bii fɛɛ; eshwɛɛɛ gbɔmɔ hiɛkãalɔ kome nɛkɛ. Efee Makeda maŋtsɛ lɛ bɔ ni efee Yeriko maŋtsɛ lɛ.

Yoshua 10:39

Eye maŋ lɛ kɛ emli maŋtsɛ lɛ kɛ maŋ lɛ akrowai lɛ fɛɛ anɔ kunim. Amɛkɛ klante kpãtã maji lɛ kɛ gbɔmɛi fɛɛ ni yɔɔ amɛmli lɛ ahiɛ butuu. Eshwɛɛɛ gbɔmɔ hiɛkãalɔ kome nɛkɛ. Bɔ ni Yoshua fee Hebron kɛ Libna kɛ emaŋtsɛ lɛ, nakai pɛpɛɛpɛ efee Debir kɛ emaŋtsɛ lɛ.

Yoshua 11:11

Israelbii lɛ kɛ klante gbe Hazor mli gbɔmɛi fɛɛ. Eshwɛɛɛ gbɔmɔ hiɛkãalɔ kome nɛkɛ; ni no sɛɛ lɛ Israelbii lɛ ma Hazor maŋ lɛ naa la, ni amɛshã.

Yoshua 11:14

Israelbii lɛ ha maji lɛ amli bii lɛ anibii fɛɛ kɛ amɛkooloi hu amɛhã amɛhe. Asaŋ amɛkɛ klante gbe maji lɛ amli gbɔmɛi kɛyashi amɛkpãtã mɔ fɛɛ mɔ hiɛ; amɛshwɛɛɛ gbɔmɔ hiɛkãalɔ kome nɛkɛ.

Yoshua 8:2

Feemɔ Ai maŋ lɛ kɛ emaŋtsɛ lɛ tamɔ ofee Yeriko kɛ emaŋtsɛ lɛ; shi agbɛnɛ lɛ nyɛbaanyɛ nyɛha maŋ lɛŋ nibii kɛ kooloi lɛ. Nyɛwoa maŋ lɛ ka yɛ esɛɛgbɛ.”

Yoshua 8:22

Israel tabilɔi lɛ ekomɛi hu fã kpo kɛjɛ maŋ lɛŋ amɛbatua Aibii lɛ. No hewɔ lɛ, Israelbii lɛ wo Aibii lɛ teŋ; mɛi komɛi yɛ amɛbiɛ, ni mɛi komɛi hu yɛ amɛbiɛ, ni amɛgbe Aibii lɛ kɛyashi eshwɛɛɛ amɛteŋ gbɔmɔ kome ni hiɛ kã aloo ni ena gbɛ ejo foi.

Yoshua 9:3

Shi Gibeonbii lɛ, be ni amɛnu nɔ ni Yoshua efee Yeriko kɛ Ai lɛ,

Kpojiemɔ 18:21

Ni bɔfo ko ni he wa wo tɛ ko ni tamɔ wiɛ wulu, ni eshɛ efɔ̃ ŋshɔŋ ni ekɛɛ, “Nɛkɛ aaatsi Babilon maŋ kpeteŋkple lɛ atswa shi waa, ni anaŋ lɛ kwraa dɔŋŋ.

1 Samuel 15:3

No hewɔ lɛ, yaa ni oyatua Amalekbii lɛ, ni okpãtã nɔ fɛɛ nɔ ni amɛyɔɔ lɛ hiɛ. Okɛ amɛhe akake amɛ, shi ogbe amɛ, nuu ni jio, abifao ni kã fufɔ naa ni jio, tsina ni jio, yooma ni jio, teji ni jio, ogbe fɛɛ.”

1 Samuel 15:8

Emɔ Amalekbii amaŋtsɛ Agag hiɛkãalɔ; shi agbe emaŋbii lɛ blublu.