Yoshua 6:2 - ŊMALƐ KRƆŊKRƆŊ LƐ

² Kɛkɛ ni Yehowa kɛɛ Yoshua akɛ, “Naa, mibahã oye Yeriko kɛ emaŋtsɛ lɛ kɛ ehii kãkãlɔi lɛ anɔ kunim.

Ṅmãle̱ Kroṅkroṅ Le̱

² Ni Iehowa kē̱ Iošua ake̱: Na, mitu Ieriko ke̱ emaṅtše̱ le̱ ke̱ hĩĩ kãkãlo̱i le̱ miwo odeṅ.

Yoshua 6:2 ပူးပေါင်းရင်းမြစ်များ

2 Samuel 5:19

Kɛkɛ ni David yabi Yehowa nii ekɛɛ, “Ani mifã ta kɛyanina Filistibii lɛ lo? Ooohã maye amɛnɔ kunim lo?” Yehowa here David nɔ akɛ, “Fãa ta okɛyanina amɛ, ejaakɛ bɔ fɛɛ bɔ ni fee lɛ mahã oye amɛnɔ kunim.”

Nehemia 9:24

Kɛkɛ ni bii lɛ ba koni amɛbaye Kanaanbii lɛ kɛ amɛmaŋtsɛmɛi lɛ anɔ; amɛfee amɛ bɔ ni amɛsumɔɔ.

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

5 Mose 7:24

Ebaatu maji lɛ amaŋtsɛmɛi lɛ ewo nyɛdɛŋ; ni nyɛaagbe amɛ, ni amɛgbɛii baalaaje yɛ jeŋ. Amɛteŋ mɔ ko mɔ ko nyɛŋ nyɛhiɛ adamɔ kɛyaashi beyinɔ ni nyɛaakpãtã amɛhiɛ.

Yoshua 12:9

Israelbii lɛ ye maŋtsɛmɛi ni agbɛii baa nɛɛ anɔ kunim: Yeriko maŋtsɛ kɛ Ai ni bɛŋkɛ Betel maŋtsɛ,

Yoshua 2:24

Amɛkɛɛ Yoshua akɛ, “Yehowa etu shikpɔŋ lɛ ewo wɔdɛŋ lɛɛlɛŋ. Shikpɔŋ lɛ nɔ bii lɛ ejijaa yɛ wɔhewɔ.”

Yoshua 2:9

ni eyakɛɛ amɛ akɛ, “Mile akɛ Yehowa kɛ shikpɔŋ nɛɛ ehã nyɛ, ni nyɛhe ŋmiŋmi emɔmɔ wɔmaŋbii fɛɛ, ni shikpɔŋ lɛ nɔ bii fɛɛ ejijaa yɛ nyɛhewɔ;

Yoshua 20:1

Yehowa kɛɛ Yoshua akɛ,

Yoshua 6:1

Be nɛɛ mli lɛ aŋã Yeriko maŋ lɛ agbo lɛ naa kpɛŋŋ yɛ Israelbii lɛ ahewɔ: mɔ ko mɔ ko ejɛɛɛ mli ejeee kpo lɛ, mɔ ko mɔ ko hu eyaaa mli.

Yoshua 6:3

Bo kɛ hii tabilɔi lɛ fɛɛ, nyɛbɔlea Yeriko maŋ lɛ kɛkpea, shi kome daa gbi. Nyɛfea nakai kɛyashia gbii ekpaa.

Yoshua 8:1

Yehowa kɛɛ Yoshua akɛ, “Kaashe gbeyei, ni otsui akafã! Ŋɔ̃ɔ tabilɔi lɛ fɛɛ ofata ohe koni nyɛfã ta kɛya Ai. Naa, mibahã nyɛye Ai maŋtsɛ kɛ emaŋbii lɛ kɛ emaŋ lɛ kɛ eshikpɔŋ lɛ fɛɛ nɔ kunim.

Kojolɔi 11:21

Shi Yehowa, Israel Nyɔŋmɔ lɛ, hã Israelbii lɛ ye Sihon kɛ emaŋ lɛ fɛɛ nɔ kunim. No hewɔ lɛ, Israelbii lɛ ŋɔ Amorbii ashikpɔŋ muu lɛ fɛɛ ni amɛyɔɔ nɔ lɛ amɛfee amɛnɔ.

Kojolɔi 11:24

Ani nɔ ni onyɔŋmɔ Kemosh kɛhã bo akɛ onɔ lɛ, oŋɔɔɔ? Wɔ hu, nɔ fɛɛ nɔ ni Yehowa, wɔ Nyɔŋmɔ lɛ, ehã wɔ lɛ, wɔɔŋɔ akɛ wɔnɔ.