Yoshua 6:19 - ŊMALƐ KRƆŊKRƆŊ LƐ

¹⁹ Shi moŋ jwiɛtɛi fɛɛ kɛ shika fɛɛ kɛ agbɛnɛ nɔ fɛɛ nɔ ni akɛ akɔɔble loo dade fee lɛ, ajɔɔ nɔ ahã Yehowa, ni no hewɔ lɛ, aloo ni akɛba Yehowa nitoohe lɛ.”

Ṅmãle̱ Kroṅkroṅ Le̱

¹⁹ Ši dſie̱te̱i ke̱ šika ke̱ akē̱ble nii ke̱ dade nii fẽ le̱ afeame̱ kroṅkroṅ ahã Iehowa, ni ake̱-ba Iehowa nitōhe le̱.

Yoshua 6:19 ပူးပေါင်းရင်းမြစ်များ

2 Samuel 8:11

Maŋtsɛ David jɔɔ nibii nɛɛ hu anɔ eke akɛ akɛsɔmɔ Yehowa tamɔ bɔ ni ejɔɔ jwiɛtɛi kɛ shika ni eshɔ̃ kɛjɛ majimaji ni eye amɛnɔ lɛ amli kɛba lɛ nɔ lɛ.

1 Maŋtsɛmɛi 14:26

Ebaloo Yehowa we lɛ mli jwetri lɛ kɛ maŋtsɛ we lɛ mli jwetri lɛ; eloo fɛɛ kwa kɛtee. Esaa eloo shika tsɛŋi lɛ ni Solomon fee lɛ kɛtee.

1 Maŋtsɛmɛi 7:51

Be ni Maŋtsɛ Solomon gbe Sɔlemɔtsu lɛ he nitsumɔ lɛ naa lɛ, eŋɔ̃ nibii fɛɛ ni etsɛ David ejɔɔ nɔ eke, ni ji jwiɛtɛi kɛ shika lɛ kɛba ekɛbato Yehowa we lɛ nitoohe lɛ mli.

2 Maŋtsɛmɛi 24:13

Ni eyaloo Yehowa we lɛ jwetri lɛ kɛ maŋtsɛ we lɛ jwetri lɛ fɛɛ kɛtee, ni ejwara shika nibii fɛɛ ni Israel Maŋtsɛ Solomon efee yɛ Yehowa Sɔlemɔtsu lɛ mli dukuduku eshwie, taakɛ bɔ ni Yehowa ewie eto lɛ.

1 Kronika 18:11

Maŋtsɛ David jɔɔ nibii nɛɛ anɔ eke Yehowa, ni ekɛfata jwiɛtɛi kɛ shika ni eloo momo sa yɛ majimaji fɛɛ ni eye amɛnɔ kunim lɛ amli kɛba lɛ he. Maji nɛɛ ji Edom kɛ Moab kɛ Amon kɛ Filistia kɛ Amalek.

1 Kronika 26:20

Levibii lɛ fɛɛ ateŋ lɛ, Ahia ji mɔ ni kwɛɔ Nyɔŋmɔ We lɛ nitoohei lɛ kɛ nibii ni akɛbake Nyɔŋmɔ We lɛ hu atoohe lɛ fɛɛ anɔ.

1 Kronika 26:26

Nɛkɛ Shelomit nɛɛ kɛ enyɛmimɛi ji mɛi ni buɔ nibii krɔŋkrɔŋi lɛ atoohe lɛ he, ni ji nibii ni Maŋtsɛ David kɛ tsɛmɛiawei amli weku nukpai, kɛ asafoiatsɛmɛi ni kwɛɔ mɛi akpe akui kɛ mɛi ni kwɛɔ mɛi oha akui anɔ lɛ kɛ tatsɛmɛi lɛ ejɔɔ nɔ eke Nyɔŋmɔ lɛ.

1 Kronika 26:27

Amɛjɔɔ tai amli nibii ni amɛha lɛ mli eko nɔ amɛkɛke koni akɛtsu Yehowa we lɛ he nii.

1 Kronika 26:28

Shelomit kɛ enyɛmimɛi lɛ adɛŋ nɔ fɛɛ nɔ ni ake koni akɛtsu Sɔlemɔ we lɛ he nii lɛ yɔɔ. Nibii lɛ ekomɛi ji nibii ni Samuel, gbalɔ lɛ, kɛ Saul, Kish bi lɛ, kɛ Abner, Ner bi lɛ, kɛ Yoab, Zeruia bi lɛ, jɔɔ nɔ ke lɛ.

1 Kronika 28:12

David kɛ wolo kroko ni atɛŋ hã Solomon ni miitsɔ̃ɔ bɔ ni esusu nibii ni baa nɛɛ ahe eha: Yehowa we lɛ he kpoi lɛ kɛ piai ni bɔle kpo lɛ kɛkpe lɛ, kɛ Nyɔŋmɔ We lɛ mli nibii atoohei lɛ, kɛ nibii ni mɛi kɛbake Nyɔŋmɔ lɛ hu atoohei lɛ.

2 Kronika 15:18

Eyaŋɔ nibii fɛɛ ni etsɛ ejɔɔ amɛnɔ ekɛhã Yehowa, kɛ agbɛnɛ shika kɛ jwiɛtɛi nibiinibii ni lɛ diɛŋtsɛ hu ejɔɔ amɛnɔ ekɛhã Yehowa lɛ kɛba Nyɔŋmɔ We lɛ.

2 Kronika 31:12

kɛkɛ ni aloo nikeenii lɛ kɛ nibii ni ajɔɔ nɔ ake lɛ fɛɛ tswɛm akɛyato tsui nɛɛ amli. Mɔ ni ato lɛ nibii nɛɛ anɔkwɛlɔnukpa ji Konania, Levinyo lɛ; ni enyɛminuu Shimei ji esɛɛmɔ.

Nehemia 10:38

Kɛ Levibii lɛ miihe nibii amlijaa nyɔŋma mli ekomekome lɛ, osɔfoi lɛ ni ji Aaron bii lɛ afata amɛhe. Levibii lɛ kɛ mlijaa nyɔŋma mli ekomekome lɛ hu mlijaa nyɔŋma mli ekome aba wɔNyɔŋmɔ lɛ we lɛ ni akɛwo nitoohe lɛ mli.

Yeremia 38:11

No hewɔ lɛ, Ebed-Melek ŋɔ hii lɛ efata ehe, ni eyiŋ etee mamai kɛ atadei atoohe lɛ ni yɔɔ maŋtsɛ we lɛ mli. Eyakɔlɔ mamashwɛi kɛ atadei ni etserɛ yɛ jɛi; ni ekɛ taŋkpee shiu nibii nɛɛ ekɛhã Yeremia yɛ bu lɛ mli.

3 Mose 19:24

Shi afi ni ji ejwɛ lɛ nɔ lɛ afee tso yibii lɛ fɛɛ krɔŋkrɔŋ akɛ afɔle ni aashã ahã mi, Yehowa, kɛda mi shi.

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

4 Mose 31:11

Kɛkɛ ni amɛkɛ ta lɛ mli nibii ni amɛha lɛ fɛɛ kɛ nomii lɛ kɛ kooloi lɛ fɛɛ ba,

4 Mose 31:12

ni amɛkɛba Mose kɛ Osɔfo Eleazar kɛ Israelbii asafo lɛ ŋɔ̃ɔ yɛ amɛshitoohe lɛ mli yɛ Moab ŋa kplenee lɛ nɔ yɛ Yordan Faa lɛ sɛɛ yɛ Yeriko ŋlɛnɔ.

4 Mose 31:22

shika kɛ jwiɛtɛi kɛ akɔɔble kɛ dade kɛ sanyaa kɛ sumui,

Mateo 27:6

Shi osɔfonukpai lɛ yaloo jwiɛtɛi lɛ amɛkɛɛ, “Ejaaa akɛ akɛtoɔ (Sɔlemɔ we lɛ) nitoohe lɛ mli ejaakɛ lá yinii ni.”

Marko 12:41

Ni Yesu yata shikatoohe lɛ ŋlɛnɔ eekwɛ bɔ ni mɛi lɛ kɛ shika woɔ onia adeka lɛ mli lɛ. Ni niiatsɛmɛi pii kɛ babaoo wo mli.

Yoshua 7:11

Naa, Israel etɔ̃ minɔ; amɛgbo toi, ni kɔkɔ ni mibɔ amɛ lɛ, amɛyayeee nɔ, ni amɛkɔlɔ musunii lɛ eko tete amɛkɛfutu amɛnibii amli; ni asaŋ amɛju, ni amɛmale hu.