Yoshua 5:9 - ŊMALƐ KRƆŊKRƆŊ LƐ

⁹ Kɛkɛ ni Yehowa kɛɛ Yoshua akɛ, “Ŋmɛnɛ gbi nɛɛ, mifɔ nyɛhe muji ni awo yɛ Ijipt lɛ mishwie.” No hewɔ ni atsɛɔ shitoohe nɛɛ akɛ Gilgal kɛbashi ŋmɛnɛ lɛ.

Ṅmãle̱ Kroṅkroṅ Le̱

⁹ Ni Iehowa kē̱ Iošua ake̱: Ṅme̱ne̱ gbĩ ne̱ mikoklo Mizraim kpatō le̱ ke̱-dše̱ nyeno̱! Nohewo̱ le̱ awo dše̱i gbe̱i ake̱ Gilgal ke̱-baši ṅme̱ne̱.

Yoshua 5:9 ပူးပေါင်းရင်းမြစ်များ

1 Mose 34:14

Yakob bii lɛ kɛɛ Shekem kɛ etsɛ Hamor akɛ, “Wɔnyɛŋ nɛkɛ nɔ ko wɔfee ni wɔkɛ wɔnyɛmi yoo ahã mɔ ko ni ji foolɔ ejaakɛ no lɛ wɔto kpa.

2 Samuel 19:15

Enɛ hewɔ lɛ, Maŋtsɛ David ku esɛɛ eba Yordan lɛ naa, ni Yuda hii lɛ ba Gilgal koni amɛbakpee lɛ ni akɛ lɛ afo faa lɛ.

Nehemia 12:29

Mɛi komɛi hu jɛ Bet-Gilgal kɛ Geba koi asɛɛ kɛ Azmavet, ejaakɛ lalɔi nɛɛ etotoo akrowai kɛbɔle Yerusalɛm.

Lalai 119:39

Hã ahorabɔɔ ni misheɔ lɛ akagbale mi, ejaakɛ okpɔi lɛ fɛɛ hi.

Yeremia 9:25

Yehowa kɛɛ akɛ, “Naa, be miiba ni mibagbala Israelbii ni efo ketia lɛ atoi ejaakɛ amɛtamɔ mɛi ni efoko ketia lɛ nɔŋŋ.

Ezekiel 23:3

Be ni amɛ ji oblayei yɛ Ijipt lɛ amɛbɔ ajwamãŋ yɛ jɛi, ni jɛi atara amɛfufɔi ahe yɛ, ni jɛi hu afite amɛ yɛ.

Ezekiel 23:8

Efɔ̃ko ajwamãŋbɔɔ ni ebɔi kɛjɛ Ijipt lɛ, ejaakɛ hii kɛ lɛ wɔ eblayeiaŋ ni amɛmiamia eblayeiaŋ kpokpoai lɛ, ni amɛhiɛ lɛ basabasa tamɔ ajwamãŋ ko.

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

3 Mose 24:14

“Mɔ mɔ ni lomɔ lɛ kɛje shitoohe lɛ mli kɛya esɛɛ. Mɛi fɛɛ ni nu akɛ elomɔ lɛ kɛ amɛniji abashwie eyiteŋ, koni no sɛɛ lɛ maŋtso muu lɛ atswia lɛ tɛ ni egbo.

Amos 5:5

shi nyɛkataoa Betel sɛɛgbɛ, ni nyɛkayaa Gilgal hu, aloo nyɛmitse mli kɛmiiya Beersheba; ejaakɛ abaaŋɔ Gilgalbii nom, ni Betel hiɛ baakpãtã.”

Mika 6:5

Mimaŋbii, nyɛkaia nɔ yiŋ ni Moab maŋtsɛ Balak to yɛ nyɛhe, kɛ nɔ hetoo ni Bileam, Beor bi lɛ, hã lɛ. Nyɛkaia nibii ni ba yɛ gbɛ lɛ nɔ kɛjɛ Akasia shitoohe lɛ kɛtee Gilgal tɔ̃ɔ lɛ. Nyɛkaia nibii nɛɛ bɔ ni afee ni nyɛna nibii ni mi, Yehowa, mitsu ni mikɛhere nyɛyiwala lɛ.”

Zefania 2:8

Yehowa kɛɛ akɛ, “Minu jɛmɔi ni Moabbii jɛɔ mimaŋbii lɛ, kɛ ahora ni Amonbii hu bɔɔ miwebii lɛ, kɛ shwãa ni amɛshwãa akɛ amɛbaashɔ̃ mimaŋbii lɛ ashikpɔŋ lɛ yɛ amɛdɛŋ lɛ.

Yoshua 24:14

“No hewɔ lɛ, nyɛshea Yehowa gbeyei, ni nyɛjiea nyɛyitsoŋ nyɛsɔ̃mɔa lɛ kɛ anɔkwayeli; nyɛkwaa nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia kɛ Ijipt hu lɛ koni nyɛsɔ̃mɔ Yehowa.

Yoshua 4:19

Israelbii lɛ fo Yordan lɛ yɛ klɛŋklɛŋ nyɔŋ lɛ nɔ gbi ni ji nyɔŋma lɛ nɔ, ni amɛyato shi yɛ Gilgal yɛ Yeriko bokãgbɛ husu lɛ nɔ.

Yoshua 5:8

Be ni afo maŋ lɛŋ hii fɛɛ ketia lɛ agbe naa lɛ, maŋ muu lɛ hi shi yɛ shitoohe ni amɛyɔɔ lɛ kɛyashi hii lɛ ahe tã.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

1 Samuel 7:16

Ni daa afi lɛ efãa gbɛ eyasaraa Betel kɛ Gilgal kɛ Mizpa, ni ekojoɔ sajisaji ni eba hei nɛɛ,