Yoshua 5:6 - ŊMALƐ KRƆŊKRƆŊ LƐ

⁶ Israelbii nyiɛ ŋã lɛ nɔ afii nyɔŋmai ejwɛ sɔŋŋ kɛyashi maŋ lɛ mli hii tabilɔi ni fata he be ni ashi Ijipt lɛ fɛɛ gboi, ejaakɛ amɛbooo Yehowa toi; ni no hewɔ lɛ, Yehowa kã amɛ kitã akɛ ehaŋ amɛna shikpɔŋ lɛ ni, lɛ, Yehowa ekã amɛtsɛmɛi lɛ ehe kitã akɛ ekɛbaahã amɛ lɛ, ni ji shikpɔŋ kpakpa ni baa nii lɛ.

Ṅmãle̱ Kroṅkroṅ Le̱

⁶ Edšake̱ afii nyoṅmai-edſe̱ so̱ṅṅ Israelbii le̱ nyie ṅã le̱ no̱, ke̱-yaši beyino̱ ni *maṅ le̱ mli tabilo̱i ní dše̱ Mizraim le̱ fẽ tã, edšake̱ ame̱boo Iehowa gbē toi, ni Iehowa kãame̱ kitã ake̱ ehãṅ ame̱nà šikpoṅ ní Iehowa kã ame̱tše̱mei le̱ akitã ake̱ eeṅõ-hãwo̱, ní dši šikpoṅ ní fufo̱ ke̱ wò hoo̱ ye̱ no̱ le̱. *4 Mose 14,22. 23.

Yoshua 5:6 ပူးပေါင်းရင်းမြစ်များ

Lalai 107:4

Amɛteŋ mɛi komɛi tsomlo yɛ shiaŋa ni nɔ ko nɔ ko bɛ nɔ lɛ nɔ; amɛnaaa gbɛ ko ni kã kɛyaa maŋ ni gbɔmɛi yɔɔ mli mli.

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Ezekiel 20:15

Asaŋ mikã amɛ kitã yɛ ŋa lɛ nɔ akɛ mikɛ amɛ baŋ shikpɔŋ ni mikɛhã amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

Ezekiel 20:6

Nakai gbi lɛ mikã amɛ kitã akɛ majie amɛ kɛjɛ Ijipt shikpɔŋ lɛ nɔ kɛya shikpɔŋ ko ni mito miha amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

Yoel 3:18

Nakai gbi lɛ, gɔji lɛ anɔ aaayi tɔ kɛ waintromii, ni aaana tsinai yɛ gɔŋ fɛɛ gɔŋ nɔ; ni nu aaaho yɛ Yuda jɔi lɛ fɛɛ amli. Nuhiŋmɛi aaaho kɛaajɛ Yehowa We lɛ, ni eeeyahã Akasia Jɔɔ lɛ nu.

4 Mose 14:23

amɛteŋ mɔ kome nɛkɛ shɛŋ shikpɔŋ lɛ ni miwo ehe shi mito akɛ mikɛbaahã amɛtsɛmɛi lɛ nɔ. Mɛi fɛɛ ni kwa mi lɛ ateŋ mɔ kome nɛkɛ shɛŋ shikpɔŋ lɛ nɔ.

4 Mose 26:63

No hewɔ lɛ, gbɔmɛi nɛɛ ayikulɛ nɛɛ ji nɔ ni Mose kɛ Osɔfo Eleazar na be ni amɛkane Israelbii lɛ yɛ Moab ŋa kplenee lɛ nɔ yɛ Yordan Faa lɛ naa yɛ Yeriko ŋlɛnɔ lɛ.

5 Mose 1:3

Afi ni ji nyɔŋmai ejwɛ lɛ mli nyɔŋ ni ji nyɔŋma kɛ ekome lɛ klɛŋklɛŋ gbi lɛ nɔ lɛ, Mose kɛ Israelbii lɛ wie wiemɔi fɛɛ ni Yehowa efã lɛ akɛ ekɛ amɛ awie lɛ.

5 Mose 2:14

Be ni wɔye yɛ gbɛteŋ kɛjɛ beyinɔ ni wɔshi Kadesh Barnea kɛyashi wɔfo Zered Faa lɛ fee afii nyɔŋmai etɛ̃ kɛ kpaanyɔ. Nakai be mli lɛ tsutsu yinɔ tabilɔi lɛ fɛɛ egboi tamɔ bɔ ni Yehowa kã kitã lɛ.

5 Mose 2:7

“Ejaakɛ Yehowa, nyɛNyɔŋmɔ lɛ, ejɔɔ nyɛ yɛ nɔ fɛɛ nɔ ni nyɛtsu mli; ni ebaa nyɛyi yɛ nyɛgbɛnyiɛmɔ mli yɛ nɛkɛ shiaŋa kpeteŋkple nɛɛ nɔ. Afii nyɔŋmai ejwɛ nɛɛ fɛɛ mli lɛ, Yehowa, nyɛNyɔŋmɔ lɛ, kɛ nyɛ yɛ, ni nɔ ko nɔ ko bɛ ni hia nyɛ.

5 Mose 8:4

Nɛkɛ afii nyɔŋmai ejwɛ nɛɛ fɛɛ lɛ nyɛtadei tserɛɛɛ yɛ nyɛhe lɛ, nyɛnaji efuufuu hu.

Hebribii 3:11

No hã mikã kitã yɛ mimlifu lɛ mli akɛ, ‘Kɛ amɛbote mihejɔɔmɔ lɛ mli fii!’ ”

Yoshua 1:6

Wajemɔ ohe ni ofee ekãa; ejaakɛ shikpɔŋ lɛ ni mikã maŋbii nɛɛ atsɛmɛi lɛ ehe kitã akɛ mikɛbaahã amɛ lɛ, bo obaahã etsɔ̃ amɛnɔ.

Yoshua 24:7

Nyɛtsɛmɛi lɛ bolɔ amɛtsɛ Yehowa, ni ekɛ duŋ kpii fo nyɛ kɛ Ijiptbii lɛ ateŋ; asaŋ ehã ŋshɔ lɛ yi, ni eha Ijiptbii lɛ anɔ. Nyɛna nɔ ni mifee Ijiptbii lɛ kɛ nyɛhiŋmɛi. Nyɛhi ŋã lɛ nɔ be babaoo.

Yoshua 5:5

Hii fɛɛ ni shi Ijipt lɛ afolɔ amɛ ketia momo; shi mɛi fɛɛ ni afɔ yɛ gbɛteŋ be ni ajɛ Ijipt abaa lɛ, afolɔko amɛ ketia.

Yoshua 5:7

No hewɔ lɛ, nɛkɛ hii nɛɛ abii ni ebaye amɛsɛɛ lɛ, amɛ ji mɛi ni Yoshua fo amɛ ketia nɛɛ, ejaakɛ foolɔi ji amɛ, akɛni afolɔko amɛ ketia lɛ.