Yoshua 5:13 - ŊMALƐ KRƆŊKRƆŊ LƐ

¹³ Be ni Yoshua ebɛŋkɛ Yeriko lɛ, gbi ko trukaa eyaawo ehiɛ nɔ lɛ, naa nuu ko damɔ ehiɛ ni egbala eklante ehiɛ. Yoshua tsi bɛŋkɛ nuu lɛ, ni ebi lɛ akɛ, “Wɔgbɛfaŋ oyɔɔ aloo wɔhenyɛlɔi lɛ agbɛfaŋ?”

Ṅmãle̱ Kroṅkroṅ Le̱

¹³ Ni eba mli ake̱, beni Iošua yo̱ Ieriko mase̱i le̱, ehole ehĩṅme̱ii ano̱ ekwe̱, ni na, *nū ko damo̱ ehĩe ni egbla eklante ehĩe edeṅ. Ni Iošua te eṅõ ni ekē̱le̱ ake̱: Wo̱gbe̱fãṅ oyo̱ alo wo̱henye̱lo̱i le̱ agbe̱fãṅ? *4 Mose 22,23. 31.

Yoshua 5:13 ပူးပေါင်းရင်းမြစ်များ

1 Mose 18:1

Yehowa jie ehe kpo etsɔ̃ɔ Abraham yɛ Mamre tsei lɛ ahe, be ni eta shi yɛ buu lɛ shinaa lɛ naa shwane ketekete lɛ.

1 Mose 18:2

Abraham yaawo ehiɛ nɔ ni ekwɛ lɛ, naa hii etɛ̃ damɔ emasɛi. Be ni ena amɛ lɛ, esha foi kɛjɛ buu lɛ shinaa lɛ shi kɛtee koni eyakpee amɛ. Ekoto amɛ

1 Mose 28:16

Kɛkɛ ni Yakob hiɛ tsɛ̃ kɛjɛ ewɔ lɛ mli, ni ekɛɛ akɛ, “Yehowa yɛ biɛ kwa, ni mi lɛ mileee nɛɛ!”

1 Mose 33:1

Yakob wo ehiɛ nɔ ekwɛ, ni naa Esau miiba kɛ mɛi ohai ejwɛ. No hewɔ lɛ, Yakob ja gbekɛbii lɛ amli ehã Lea kɛ Rahel kɛ weyei enyɔ lɛ.

1 Mose 33:5

Be ni Esau wo ehiɛ nɔ ni ena yei lɛ kɛ gbekɛbii lɛ, ebi Yakob akɛ, “Namɛi ji mɛi ni kɛ bo nyiɛ nɛɛ?” Ni Yakob to he akɛ, “Bii ni Nyɔŋmɔ eduro otsulɔ lɛ ni.”

1 Kronika 12:22

Gbi fɛɛ gbi lɛ mɛi baa amɛbafataa David he. Kɛkɛ ni David bana ta kpeteŋkple ni anyɛɛɛ akane.

1 Kronika 21:27

Kɛkɛ ni Yehowa fã bɔfo lɛ, ni ekɛ klante lɛ wo ehebo lɛ mli.

1 Kronika 21:30

David nyɛɛɛ jɛi eya koni eyabi Nyɔŋmɔ nii ejaakɛ ŋmiŋmi emɔ lɛ yɛ Yehowa bɔfo lɛ klante lɛ hewɔ.

2 Mose 23:23

Mibɔfo lɛ aaanyiɛ nyɛhiɛ kɛyanina Amorbii lɛ kɛ Hitbii lɛ kɛ Perizbii lɛ kɛ Kanaanbii lɛ kɛ Hivbii lɛ kɛ Yebusbii lɛ, ni makpãtã amɛhiɛ butubutu.

Daniel 10:5

Miwo mihiɛ nɔ, ni mina nuu ko ni ewo klala atade, ni Ufaz shika kpãa fi emliteŋ.

Daniel 8:3

Be ni miwo mihiɛ nɔ lɛ, mina gwantɛŋ nuu agbo ko damɔ faa lɛ naa. Eyɛ aklontoi enyɔ; aklontoi nɛɛ kwɔlɔ naakpa, ni ekome kwɔ fe ekome; shi aklontoi lɛ ateŋ nɔ ni kwɔ lɛ no moŋ ji aklonto ni gwantɛŋ nuu lɛ je sɛɛkpee.

Zakaria 1:8

“Mina ninaa ko nyɔɔŋ ni nuu ko ta okpɔŋɔ tsuru nɔ, ni edamɔ shi yɛ mirto tsei ateŋ yɛ jɔɔ ko mli. Ni okpɔŋɔi tsuji kɛ okpɔŋɔi okɔbɛŋi kɛ okpɔŋɔi yɛji hu damɔ shi yɛ esɛɛ.”

4 Mose 22:23

Be ni teji lɛ na Yehowa bɔfo lɛ damɔ gbɛ lɛ nɔ ni egbala eklante ehiɛ edɛŋ lɛ, ewi gbɛ lɛ, ni eyanyiɛ ŋa lɛ mli. Balaam yi teji lɛ koni ekɛdɔ eyi kɛba gbɛ lɛ nɔ.

4 Mose 22:31

Kɛkɛ ni Yehowa gbele Balaam hiŋmɛii, ni ena Yehowa bɔfo lɛ damɔ gbɛ lɛ nɔ kɛ eklante ni egbala ehiɛ edɛŋ. Balaam mã eyi shi, ni ekɛ ehiɛ bu shi.

Bɔfoi 1:10

Ni be ni eyaa ni amɛkwɛɔ ŋwɛi gãa lɛ, naa, hii enyɔ ni wo atadei yɛji damɔ amɛmasɛi,

Yoshua 6:2

Kɛkɛ ni Yehowa kɛɛ Yoshua akɛ, “Naa, mibahã oye Yeriko kɛ emaŋtsɛ lɛ kɛ ehii kãkãlɔi lɛ anɔ kunim.

Kpojiemɔ 1:13

kɛ mɔ ko yɛ kanetsei lɛ ateŋ ni tamɔ Gbɔmɔ Bi, ni ewo atade yuu ni ekɛ shika kpãa efi etsitsi.

Kojolɔi 13:11

Kɛkɛ ni Manoa te shi ni enyiɛ eŋã lɛ sɛɛ ni ebanina nuu lɛ. Ebi nuu lɛ akɛ, “Ani bo ji nuu lɛ ni kɛ yoo nɛɛ bawie lɛ?” Nuu lɛ to he akɛ, “Miŋ.”

Kojolɔi 13:22

Manoa kɛɛ eŋã lɛ akɛ, “Gboimɔ wɔbaagboi lɛ, ejaakɛ wɔna Nyɔŋmɔ.”