Yoshua 4:24 - ŊMALƐ KRƆŊKRƆŊ LƐ

²⁴ koni je lɛŋ gbɔmɛi fɛɛ ana ale akɛ Yehowa yɛ hewalɛ, koni nyɛshe Yehowa, nyɛNyɔŋmɔ lɛ, gbeyei kɛya naanɔ.”

Ṅmãle̱ Kroṅkroṅ Le̱

²⁴ koni šikpoṅ le̱ no̱ mãdši fẽ ana ale Iehowa nine le̱ ake̱ eye̱ hewale̱, ni nyeše Iehowa, nye-Nyoṅmo̱ le̱, gbeyei dāne̱.

Yoshua 4:24 ပူးပေါင်းရင်းမြစ်များ

1 Maŋtsɛmɛi 8:40

bɔ ni afee ni amɛshe bo gbeyei, gbii abɔ fɛɛ ni amɛyɔɔ shikpɔŋ lɛ ni oŋɔ hã wɔtsɛmɛi lɛ nɔ lɛ.

1 Maŋtsɛmɛi 8:60

Enɛ baahã shikpɔŋ lɛ nɔ majimaji fɛɛ ana ale akɛ Yehowa pɛ ji Nyɔŋmɔ, nyɔŋmɔ ko nyɔŋmɔ ko bɛ he ko dɔŋŋ.

2 Maŋtsɛmɛi 19:19

No hewɔ lɛ, agbɛnɛ, bo Yehowa, wɔNyɔŋmɔ, miikpa bo fai, heremɔ wɔyiwala kɛjɛ edɛŋ, koni shikpɔŋ lɛ nɔ maŋtsɛyelii fɛɛ ana ale akɛ bo, Yehowa, okome too pɛ ji Nyɔŋmɔ.”

2 Maŋtsɛmɛi 5:15

Kɛkɛ ni Naaman ku esɛɛ eba Nyɔŋmɔ gbɔmɔ lɛ ŋɔɔ ekoŋŋ, lɛ kɛ emɛi ni nyiɛ esɛɛ lɛ fɛɛ. Eba ni ebadamɔ shi yɛ Elisha hiɛ, ni ekɛɛ lɛ akɛ, “Naa, kpaako mina mile akɛ shikpɔŋ lɛ nɔ fɛɛ lɛ, nyɔŋmɔ ko nyɔŋmɔ ko bɛ ni tamɔ Israel Nyɔŋmɔ lɛ; no hewɔ lɛ, ofainɛ ni ohe otsulɔ dɛŋ nikeenii ko.”

1 Kronika 29:12

Bo ohãa anaa nii; bo ohãa mɔ hiɛ baa nyam; ni bo oyeɔ nii fɛɛ nɔ. Odɛ̃ŋ hewalɛ fɛɛ kɛ nyɛmɔ fɛɛ yɔɔ; ni hewalɛ ni akɛfeɔ gbɔmɔ mɔ wulu, asaŋ ni akɛhãa mɔ naa hewalɛ lɛ, Bo odɛ̃ŋ eyɔɔ.

Hiob 40:9

Aso ohewalɛ shɛɔ Nyɔŋmɔ nɔ lɛ, ni obaanyɛ ohã ogbee ashi tamɔ Nyɔŋmɔ nɔ lɛ lo?

Lalai 106:8

Shi kɛ̃lɛ ehere amɛyiwala yɛ egbɛi lɛ hewɔ; koni ehã ale ehewalɛ kpeteŋkple lɛ.

Lalai 89:13

Okɔ̃ɔjiaŋ wa waa! Onineshi wa naakpa! Ohewalɛ lɛ nɔ kwɔ gojoo!

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

2 Mose 14:31

Ni Israelbii lɛ na Yehowa hewalɛ wulu ni ejie lɛ kpo etsɔ̃ɔ Ijiptbii lɛ, ni Israelbii lɛ she Yehowa gbeyei, ni amɛhe Yehowa kɛ etsulɔ Mose amɛye.

2 Mose 15:16

Gbeyei kɛ ŋmiŋmi eloo amɛ, onineshi tsiimɔ sɔŋŋ ehã amɛmu shi dɛoo kɛyaashi beyinɔ ni Yehowa, omaŋ lɛ aaaho, kɛyaashi mɛi ni okpɔ̃ lɛ aaaho.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

5 Mose 28:10

No lɛ shikpɔŋ lɛ nɔ maji lɛ fɛɛ aaana akɛ Yehowa kɛ egbɛi ewo bo akɛ lɛ diɛŋtsɛ emaŋ, ni amɛbaashe bo gbeyei.

5 Mose 6:2

Nyɛ kɛ nyɛshwiei awala gbii abɔ fɛɛ mli lɛ, esa akɛ nyɛshe Yehowa, nyɛNyɔŋmɔ lɛ, gbeyei ni nyɛye akpɔi kɛ kitãi ni miwoɔ nyɛ nɛɛ fɛɛ nɔ, koni nyɛwala sɛɛ atsɛ.

1 Samuel 17:46

Ŋmɛnɛ gbi nɛɛ lɛ Yehowa baahã maye onɔ kunim, ni mafo oyi, ni mikɛ Filistibii ata lɛ mli gbohii lɛ baahã ŋwɛi loofɔji kɛ shikpɔŋ lɛ nɔ kooloi kakawuai koni amɛye, koni jeŋ muu lɛ fɛɛ ana ale akɛ Nyɔŋmɔ ko yɛ Israel.