Yoshua 4:23 - ŊMALƐ KRƆŊKRƆŊ LƐ

²³ ejaakɛ Yehowa, nyɛNyɔŋmɔ, lɛ hã Yordan mli nu lɛ gbi hã nyɛ kɛyashi beyinɔ ni nyɛfo nyɛtã tamɔ bɔ ni Yehowa, nyɛNyɔŋmɔ lɛ, fee Ŋshɔ Tsuru lɛ, be ni ehã egbi ehã wɔ kɛyashi beyinɔ ni wɔfo wɔtã lɛ,

Ṅmãle̱ Kroṅkroṅ Le̱

²³ edšake̱ Iehowa, nye-Nyoṅmo̱ le̱, hã Iordan mli nu le̱ gbĩ ye̱ nyehĩe ke̱-yaši beyino̱ ni nyefo, take̱ bo̱ni Iehowa, nye-Nyoṅmo̱ le̱, fe *Ṅšo̱-tšuru le̱, ní ehã egbĩ ye̱ wo̱hĩe ke̱-yaši beyino̱ ní wo̱fo le̱, *2 Mose 14,21. 22.

Yoshua 4:23 ပူးပေါင်းရင်းမြစ်များ

1 Maŋtsɛmɛi 8:43

no lɛ bo lɛ toi yɛ ŋwɛi ni ji oshihilɛhe lɛ, ni ofee nɔ fɛɛ nɔ ni gbɔ lɛ boɔ tsɛɔ bo yɛ he lɛ ohã lɛ. Enɛ baahã shikpɔŋ lɛ nɔ majimaji fɛɛ ale ogbɛi lɛ koni amɛja bo tamɔ omaŋ Israelbii feɔ lɛ. Ni amɛsaa amɛaana amɛle akɛ ogbɛi aŋɔ wo nɛkɛ Sɔlemɔtsu ni mimã kɛhã ojamɔ nɛɛ.

Nehemia 9:11

Ohã ŋshɔ lɛ mli gba yɛ amɛhiɛ, ni amɛnyiɛ shikpɔŋ gbiŋ nɔ kɛtsɔ̃ ŋshɔ lɛ teŋ. Shi mɛi ni tiuɔ amɛ lɛ oshɛrɛ amɛ oshwie ŋshɔ kwɔŋkwɔŋ lɛ mli ni amɛshiu tamɔ tɛ yɛ nu hamahama lɛ mli.

Lalai 78:13

Egba ŋshɔ lɛŋ, ni ehã amɛtsɔ̃ mli kɛho; ni ehã ŋshɔ lɛ tsɔ̃ tamɔ gbogbo ni ma shi.

2 Mose 14:21

Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,

2 Mose 15:19

Be ni Farao okpɔŋɔi lɛ kɛ eshwiilii lɛ kɛ ekpɔŋɔiatsɛmɛi lɛ bote ŋshɔ lɛ mli lɛ, Yehowa hã ŋshɔ lɛ mli nu lɛ ku esɛɛ ebaha amɛnɔ, shi Israelbii lɛ nyiɛ shikpɔŋ gbiŋ nɔ kɛtsɔ ŋshɔ lɛ mli kɛtee.

Yesaia 43:16

Bɔ ni Yehowa kɛɛ nɛ, “Be ko lɛ Yehowa gba gbɛ kɛtsɔ̃ ŋshɔ lɛ mli; egba tɛmpɔŋ kɛtsɔ̃ nu hamahama mli.