Yoshua 4:19 - ŊMALƐ KRƆŊKRƆŊ LƐ

¹⁹ Israelbii lɛ fo Yordan lɛ yɛ klɛŋklɛŋ nyɔŋ lɛ nɔ gbi ni ji nyɔŋma lɛ nɔ, ni amɛyato shi yɛ Gilgal yɛ Yeriko bokãgbɛ husu lɛ nɔ.

Ṅmãle̱ Kroṅkroṅ Le̱

¹⁹ Ni maṅ le̱ dše kpo ke̱-dše̱ Iordan mli ye̱ kleṅkleṅ nyõṅ le̱ no̱ gbĩ ni dši gbĩ nyoṅma le̱ no̱, ni ame̱yabo̱ nsra *ye̱ Gilgal ye̱ Ieriko bokãgbe̱ hũsũ le̱ no̱. *5,9.

Yoshua 4:19 ပူးပေါင်းရင်းမြစ်များ

2 Maŋtsɛmɛi 2:1

Agbɛnɛ be bashɛ ní Yehowa baaŋɔ Elia kɛya ŋwɛi yɛ lasuogbele mli. Elia kɛ Elisha nyiɛ gbɛ kɛjɛ Gilgal;

Amos 4:4

“Nyɛ Israelbii, nyɛbaa Betel nyɛbatɔ̃a mla; nyɛyaa Gilgal nyɛyahãa mlanɔtɔ̃mɔ lɛ afaa; nyɛkɛ nyɛfɔlei abaa koni ashã daa leebi; ni nyɛkɛ nyɛnibii amlijaa nyɔŋma mli ekomekome lɛ abaa daa gbii etɛ̃.

Amos 5:5

shi nyɛkataoa Betel sɛɛgbɛ, ni nyɛkayaa Gilgal hu, aloo nyɛmitse mli kɛmiiya Beersheba; ejaakɛ abaaŋɔ Gilgalbii nom, ni Betel hiɛ baakpãtã.”

Mika 6:5

Mimaŋbii, nyɛkaia nɔ yiŋ ni Moab maŋtsɛ Balak to yɛ nyɛhe, kɛ nɔ hetoo ni Bileam, Beor bi lɛ, hã lɛ. Nyɛkaia nibii ni ba yɛ gbɛ lɛ nɔ kɛjɛ Akasia shitoohe lɛ kɛtee Gilgal tɔ̃ɔ lɛ. Nyɛkaia nibii nɛɛ bɔ ni afee ni nyɛna nibii ni mi, Yehowa, mitsu ni mikɛhere nyɛyiwala lɛ.”

5 Mose 1:3

Afi ni ji nyɔŋmai ejwɛ lɛ mli nyɔŋ ni ji nyɔŋma kɛ ekome lɛ klɛŋklɛŋ gbi lɛ nɔ lɛ, Mose kɛ Israelbii lɛ wie wiemɔi fɛɛ ni Yehowa efã lɛ akɛ ekɛ amɛ awie lɛ.

5 Mose 11:30

(Gɔji enyɔ nɛɛ yɛ Yordan Faa lɛ anaigbɛ yɛ Kanaanbii lɛ ni yɔɔ Yordan Jɔɔ lɛ mli lɛ shikpɔŋ lɛ nɔ yɛ More tsei lɛ amasɛi yɛ Gilgal maŋ lɛ ŋlɛnɔ).

Yoshua 10:43

Enɛ sɛɛ lɛ Yoshua kɛ Israelbii lɛ fɛɛ ku amɛsɛɛ kɛba amɛshitoohe lɛ mli yɛ Gilgal.

Yoshua 10:6

Enɛ hã Gibeon hii lɛ tsu mɛi Yoshua ŋɔ̃ɔ yɛ eshitoohe lɛ yɛ Gilgal, ni amɛbakɛɛ lɛ akɛ, “Naa, Amorbii amaŋtsɛmɛi fɛɛ ni yɔɔ gɔji lɛ anɔ lɛ ebua amɛhe naa ewo wɔ. No hewɔ lɛ, ofainɛ, ba mra koni obaye obua wɔ. Kaaŋmɛɛ wɔhe ohã amɛ, shi otsuji ji wɔ.”

Yoshua 15:7

Husu lɛ wo ehe nɔ kɛjɛ Akor Jɔɔ lɛ mli kɛtee Debir, ni edɔ eyi kɛtsɔ̃ kooyigbɛ kɛtee Gilgal ni kwɛɔ Adumim gɔji ateŋ gbɛ lɛ ni yɔɔ jɔɔ lɛ wuoyigbɛ lɛ hiɛ lɛ. Kɛkɛ lɛ husu lɛ sharã Enshemesh nuhiŋmɛii lɛ ahe, ni ekɛ enaa yawo Rogel Nubu lɛ mli.

Yoshua 24:11

No sɛɛ ni nyɛfo Yordan lɛ, ni nyɛba Yeriko. Yeriko lumɛi lɛ kɛ nyɛ wu, ni nakai nɔŋŋ Amorbii lɛ kɛ Perizbii lɛ kɛ Kanaanbii lɛ kɛ Hitbii lɛ kɛ Girgashbii lɛ kɛ Hivbii lɛ kɛ Yebusbii lɛ hu kɛ nyɛ wu; shi mihã nyɛye amɛ fɛɛ amɛnɔ kunim.

Yoshua 4:18

Be ni osɔfoi lɛ ni tere Yehowa Kpãŋmɔ Adeka lɛ je Yordan lɛ mli, ni amɛnaji sa shikpɔŋ gbiŋ nɔ pɛ, kɛkɛ ni Yordan mli nu lɛ yiridi kɛba ekoŋŋ, ni esram nɔ tamɔ tsuutsu lɛ.

Yoshua 5:10

Be ni Israelbii lɛ yɔɔ Gilgal lɛ, amɛye Hehoo Gbijurɔ lɛ yɛ nyɔŋ lɛ nɔ gbi ni ji nyɔŋma kɛ ejwɛ lɛ nɔ gbɛkɛ yɛ Yeriko ŋã kplanaa lɛ nɔ.

Yoshua 5:9

Kɛkɛ ni Yehowa kɛɛ Yoshua akɛ, “Ŋmɛnɛ gbi nɛɛ, mifɔ nyɛhe muji ni awo yɛ Ijipt lɛ mishwie.” No hewɔ ni atsɛɔ shitoohe nɛɛ akɛ Gilgal kɛbashi ŋmɛnɛ lɛ.

Yoshua 9:6

Ni amɛyi mli amɛtee Yoshua ŋɔ̃ɔ yɛ Israelbii lɛ ashitoohe lɛ yɛ Gilgal, ni amɛyakɛɛ lɛ kɛ Israelhii lɛ akɛ, “Maŋsɛɛ shɔŋŋ he ko wɔjɛ wɔbaa nɛɛ; ni wɔba koni nyɛ kɛ wɔ akpãŋ ni wɔfee ekome.”

1 Samuel 10:8

No sɛɛ lɛ, otsɔ̃ mihiɛ kɛya Gilgal. Miiba jɛi ni mibashã shãa afɔlei kɛ shidaa afɔlei. Hii shi yɛ jɛi ni omɛ gbii kpawo kɛyashi mibaba mibanina bo, ni matsɔ̃ɔ bo nɔ ni ofee.”

1 Samuel 15:33

Shi Samuel kɛɛ Agag akɛ, “Bɔ ni oklante hã yei etsɔmɔ yei ni bɛ bii lɛ, nakai bo hu onyɛ baatsɔ̃ yoo ni bɛ bi yɛ enanemɛi yei ateŋ.” Kɛkɛ ni Samuel bamɔ Agag kɛ klante, ni efolɔ emli dukuduku yɛ Yehowa afɔleshãa latɛ lɛ hiɛ yɛ Gilgal.