Yoshua 4:18 - ŊMALƐ KRƆŊKRƆŊ LƐ

¹⁸ Be ni osɔfoi lɛ ni tere Yehowa Kpãŋmɔ Adeka lɛ je Yordan lɛ mli, ni amɛnaji sa shikpɔŋ gbiŋ nɔ pɛ, kɛkɛ ni Yordan mli nu lɛ yiridi kɛba ekoŋŋ, ni esram nɔ tamɔ tsuutsu lɛ.

Ṅmãle̱ Kroṅkroṅ Le̱

¹⁸ Ni eba mli ake̱, beni oso̱foi le̱ ni tĕre Iehowa kpãṅmo̱ adeka le̱ dše Iordan te le̱ṅ, ni oso̱foi le̱ fãmo̱ amenãdši ame̱mãmo̱ šikpoṅ gbĩṅ no̱ pe̱ le̱, Iordan mli nu le̱ kũ se̱ ba egbe̱he, ni esram etoi le̱ fẽ no̱ ke̱-ho, tamo̱ sá le̱.

Yoshua 4:18 ပူးပေါင်းရင်းမြစ်များ

1 Kronika 12:15

Afi lɛ klɛŋklɛŋ nyɔŋ lɛ nɔ, be mli ni Yordan Faa lɛ eyi ni eje ŋa lɛ, gbɔmɛi nɛɛ fo faa lɛ ni amɛyawo jɔi lɛ amli bii lɛ foi yɛ faa lɛ bokãgbɛ kɛ anaigbɛ fɛɛ lɛ.

Yesaia 8:8

Amɛbaashwie amɛnɔ tamɔ faa wulu Eufrate. Emli nu babaoo lɛ aaasram nɔ boboobo, ni eeeha nujɔi fɛɛ anɔ, ni eeeje ŋa kɛaayabote Yuda shikpɔŋ lɛ nɔ, ni ebaayi kɛyaashi eeeyata gbɔmɔ kuɛ, ni eeekple shikpɔŋ lɛ hiɛ fɛɛ, Ao Imanuel.”

Yoshua 3:13

Ni naa, amrɔ pɛ ni osɔfoi ni tere Yehowa, ni ji shikpɔŋ tso muu lɛ fɛɛ Nuŋtsɔ lɛ, Adeka lɛ anaji aaasa Yordan mli nu lɛ mli lɛ, nu lɛ aaakpa hoo, ni nu ni jɛɔ yiteŋgbɛ baa lɛ baawa, ni eeema shi tamɔ gbogbo.”

Yoshua 3:15

ni mɛi ni tere Adeka lɛ bashɛ Yordan Faa lɛ naa, ni osɔfoi lɛ ni tere Kpãŋmɔ Adeka lɛ anaji na sa nu lɛ mli pɛ (ejaakɛ Yordan lɛ jeɔ ŋã nikpamɔ be mli fɛɛ),

Yoshua 4:11

Be ni maŋ lɛ fɛɛ efo faa lɛ etã lɛ, osɔfoi lɛ kɛ Yehowa Kpãŋmɔ Adeka lɛ hu fo, kɛkɛ ni amɛyi maŋ lɛ hiɛ.

Yoshua 4:17

No hewɔ lɛ, Yoshua fã osɔfoi lɛ, ni ekɛɛ amɛ akɛ, “Nyɛjea Yordan lɛ mli!”

Yoshua 4:19

Israelbii lɛ fo Yordan lɛ yɛ klɛŋklɛŋ nyɔŋ lɛ nɔ gbi ni ji nyɔŋma lɛ nɔ, ni amɛyato shi yɛ Gilgal yɛ Yeriko bokãgbɛ husu lɛ nɔ.