Yoshua 4:14 - ŊMALƐ KRƆŊKRƆŊ LƐ

¹⁴ Nakai gbi lɛ nɔ Yehowa wo Yoshua hiɛ nyam etsɔ̃ɔ Israelbii fɛɛ, ni amɛshe Yoshua gbeyei ewala gbii abɔ fɛɛ tamɔ amɛshe Mose gbeyei lɛ.

Ṅmãle̱ Kroṅkroṅ Le̱

¹⁴ Nakai *gbĩ le̱ no̱ le̱ Iehowa wo Iošua hĩe nyam ye̱ Israel mū le̱ fẽ hĩe, ni ame̱šele̱ gbeyei ewala gbĩĩ fẽ mli, take̱ bo̱ni ame̱še Mose gbeyei le̱. *8,7.

Yoshua 4:14 ပူးပေါင်းရင်းမြစ်များ

1 Maŋtsɛmɛi 3:28

Be ni Israelbii fɛɛ nu bɔ ni Maŋtsɛ Solomon bua sane nɛɛ he ehã lɛ, amɛkɛ bulɛ kpele hã maŋtsɛ lɛ, ejaakɛ amɛna akɛ Nyɔŋmɔ nilee yɛ emli, ni no hã enyɛ nɛkɛ kojomɔ ekojo!

2 Maŋtsɛmɛi 2:15

Be ni gbalɔi aku lɛ mli bii nyɔŋmai enumɔ ni jɛ Yeriko lɛ ni damɔ sɛɛ flɛŋŋ lɛ na lɛ lɛ, amɛkɛɛ akɛ, “Elia mumɔ lɛ ebayi Elisha nɔ.” Amɛ kɛ lɛ bakpe, ni amɛkoto lɛ,

1 Kronika 29:25

Yehowa duro Solomon, ni etsɔ̃ gbɔmɔ wulu kpanaa, ni Israel muu fɛɛ hiɛ sɔ lɛ, ni ehã emaŋtsɛyeli lɛ hiɛ ba nyam bɔ ni maŋtsɛmɛi ni nyiɛ ehiɛ yɛ Israel lɛ eko nako nakai henɔ dã.

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

2 Mose 11:3

Yehowa hã Ijiptbii lɛ ahiɛ sɔ Israelbii lɛ. Anɔkwa, Farao tsuji lɛ kɛ emaŋbii lɛ fɛɛ buɔ Mose akɛ gbɔmɔ wulu diɛŋtsɛ yɛ Ijipt shikpɔŋ lɛ nɔ.

2 Mose 14:31

Ni Israelbii lɛ na Yehowa hewalɛ wulu ni ejie lɛ kpo etsɔ̃ɔ Ijiptbii lɛ, ni Israelbii lɛ she Yehowa gbeyei, ni amɛhe Yehowa kɛ etsulɔ Mose amɛye.

Abe̱i 24:21

Mibi, she Yehowa gbeyei, kɛ maŋtsɛ hu; ni kaatse amɛteŋ mɔ ko hiɛ atua.

Romabii 13:4

ejaakɛ Nyɔŋmɔ sɔ̃ɔlɔ ji lɛ yɛ ohewɔ, koni ahi ahã bo. Shi kɛji ofee efɔŋ lɛ, she gbeyei; ejaakɛ jeee yaka ehiɛ tsi lɛ; shi eji Nyɔŋmɔ sɔ̃ɔlɔ kɛ oweletɔlɔ ni hãa Nyɔŋmɔ mlifu baa mɔ ni tsuɔ nifɔɔjianii lɛ nɔ.

1 Korintobii 10:2

ni abaptisi amɛ fɛɛ awo Mose mli yɛ atatu lɛ kɛ Ŋshɔ Tsuru lɛ mli.

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.

Yoshua 4:13

Hii aaafee akpei nyɔŋmai ejwɛ ni esaa amɛhe kɛhã ta nyiɛ Yehowa hiɛ kɛtee ta yɛ Yeriko ŋã kplanaa lɛ nɔ.

Yoshua 4:15

Yehowa kɛɛ Yoshua akɛ,

1 Samuel 12:18

Kɛkɛ ni Samuel sɔle etsɛ Yehowa, ni ehã ŋwɛi shimɔ, ni nu nɛ nakai gbi lɛ, ni maŋ lɛ fɛɛ she Yehowa kɛ Samuel gbeyei.