Yoshua 4:11 - ŊMALƐ KRƆŊKRƆŊ LƐ

¹¹ Be ni maŋ lɛ fɛɛ efo faa lɛ etã lɛ, osɔfoi lɛ kɛ Yehowa Kpãŋmɔ Adeka lɛ hu fo, kɛkɛ ni amɛyi maŋ lɛ hiɛ.

Ṅmãle̱ Kroṅkroṅ Le̱

¹¹ Ni eba mli ake̱, beni maṅ mū le̱ fẽ efo etã le̱, ke̱ke̱ ni Iehowa adeka le̱ hũ fo, ni oso̱foi le̱ yayi maṅ le̱ hĩe.

Yoshua 4:11 ပူးပေါင်းရင်းမြစ်များ

Yesaia 52:12

Shi moŋ nyɛshĩŋ nyɛyaŋ yɛ hejojomɔ naa; ni asaŋ jeee yɛ foijee naa hu; ejaakɛ Yehowa baanyiɛ nyɛhiɛ ni Israel Nyɔŋmɔ lɛ baanyiɛ nyɛsɛɛ.

Yoshua 24:11

No sɛɛ ni nyɛfo Yordan lɛ, ni nyɛba Yeriko. Yeriko lumɛi lɛ kɛ nyɛ wu, ni nakai nɔŋŋ Amorbii lɛ kɛ Perizbii lɛ kɛ Kanaanbii lɛ kɛ Hitbii lɛ kɛ Girgashbii lɛ kɛ Hivbii lɛ kɛ Yebusbii lɛ hu kɛ nyɛ wu; shi mihã nyɛye amɛ fɛɛ amɛnɔ kunim.

Yoshua 3:17

Be ni Israelbii lɛ fɛɛ nyiɛ shikpɔŋ gbiŋ nɔ kɛfoɔ faa lɛ, osɔfoi lɛ ni tere Yehowa Kpãŋmɔ Adeka lɛ wa damɔ shikpɔŋ gbiŋ nɔ yɛ Yordan teŋ tuuŋtu kɛyashi beyinɔ ni maŋ muu lɛ fɛɛ fo faa lɛ tã.

Yoshua 3:8

Wo osɔfoi ni tere Kpãŋmɔ Adeka lɛ kitã akɛ, ‘Kɛji nyɛyanina Yordan Faa lɛ, nyɛwaa nyɛdamɔa faa lɛ mli.’ ”

Yoshua 4:10

Osɔfoi lɛ ni tere Kpãŋmɔ Adeka lɛ wa damɔ shi yɛ Yordan teŋ kɛyashi beyinɔ ni agbe nɔ fɛɛ nɔ ni Yehowa fã Yoshua akɛ ekɛɛ maŋ lɛ koni afee lɛ naa, tamɔ bɔ ni Mose fã Yoshua lɛ pɛpɛɛpɛ. Israelbii lɛ ahe fee oya kɛfo faa lɛ.

Yoshua 4:12

Rubenbii lɛ kɛ Gadbii lɛ kɛ Manase akutso lɛ fã lɛ mĩa kɛnyiɛ Israelbii lɛ ahiɛ kɛfo mli tamɔ bɔ ni Mose fã amɛ lɛ.

Yoshua 4:18

Be ni osɔfoi lɛ ni tere Yehowa Kpãŋmɔ Adeka lɛ je Yordan lɛ mli, ni amɛnaji sa shikpɔŋ gbiŋ nɔ pɛ, kɛkɛ ni Yordan mli nu lɛ yiridi kɛba ekoŋŋ, ni esram nɔ tamɔ tsuutsu lɛ.